Исай 37:2 - Коми Библия 2023

² Езекей мӧдӧдіс Исай пророк дінӧ, Амослӧн пи дінӧ, ӧксы керкаӧн веськӧдлысь Элякимӧс, гижалысь Шевнайӧс да юрнуӧдысь попъясӧс. Ставныс найӧ вӧліны шогалан паськӧмаӧсь.

Исай 37:2 Iomraidhean Croise

Ӧксыяслӧн 4 небӧг 18:18

Найӧ корисны Езекей ӧксыӧс, но на дінӧ локтісны ӧксы керкаӧн веськӧдлысь Эляким, Хилкилӧн пиыс, Шевнай нима гижалысь да вӧвлӧмторъяс пасъялысь Йоах, Асафлӧн пиыс.

Ӧксыяслӧн 4 небӧг 19:2

Езекей мӧдӧдіс Исай пророк дінӧ, Амослӧн пи дінӧ, ӧксы керкаӧн веськӧдлысь Элякимӧс, гижалысь Шевнайӧс да юрнуӧдысь попъясӧс. Ставныс найӧ вӧліны шогалан паськӧмаӧсь.

2 Каднебӧг 20:20

Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

Эсфир 4:1

Кор Мардокей тӧдмаліс та йылысь, сійӧ косяліс паськӧмсӧ, пасьталіс шогалан паськӧм, кояліс юрсӧ пӧимӧн да петіс кар шӧрӧ. Сійӧ ырзӧмӧн бӧрдіс да гораа горзіс. [Горӧдіс: «Мыжтӧм войтырӧс бырӧдӧны!»]

Исай 1:1

Тайӧ небӧгас гижӧма сы йылысь, мый Енмыс петкӧдліс Иуда му да Ерусалим кар йылысь Амослӧн Исай пилы. Тайӧ петкӧдчылӧмъяссӧ сійӧ аддзыліс иудаса Озей, Иотам, Ахаз да Езекей ӧксыяслӧн веськӧдлан кадӧ.

Исай 20:2

Господь шуис Амослӧн Исай пилы: «Мун да пӧрччы ас вывсьыд шогалан паськӧмтӧ, пӧрччы коксьыд кӧмтӧ». Сійӧ тадзи и вӧчис: ветлӧдліс пасьтӧг да кӧмтӧг.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Исай 22:15

Ыджыдыс, Господь Саваоф, тадзи висьталіс: «Мун ӧксы керкаын веськӧдлысь Шевнай дінӧ да висьтав сылы:

Исай 22:20

Сійӧ лунӧ Ме чукӧста Элякимӧс, Хилкилысь писӧ, Ассьым кесйӧгӧс.

Исай 36:3

Сылы воча петісны ӧксы керкаӧн веськӧдлысь Эляким, Хилкилӧн пиыс, Шевнай нима гижалысь да вӧвлӧмторъяс пасъялысь Йоах, Асафлӧн пиыс.

Исай 37:14

Езекей босьтіс юӧр вайысьяслӧн киысь гижӧдсӧ да лыддис сійӧс. Сэсся муніс Господьлӧн крамӧ да восьтіс гижӧдсӧ Господь водзын.

Исай 37:21

Амослӧн Исай пиыс мӧдӧдіс мортӧс да тшӧктіс висьтавны Езекейлы: «Господь, Израильлӧн Ен, тадзи висьталӧ: ”Тэ кевмысин Меным, кор ассурса Сеннахирим ӧксы повзьӧдліс тэнӧ”.

Исай 38:1

Сійӧ кадас Езекей чорыда висьмис да вӧлі куланвыйын. Сы дінӧ локтіс Исай пророк, Амослӧн пиыс, да шуис: «Господь тадзи висьталӧ: ”Висьтав гортсаыдлы ассьыд бӧръя кӧсйӧмтӧ, ӧд тэ он бурд, но кулан”».

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.