Исай 36:4 - Коми Библия 2023

⁴ Ассурса ӧксылӧн эскана морт шуис налы: «Висьталӧй Езекейлы, мый ассурса ыджыд ӧксы тадзи шуӧ: ”Мый вылӧ тэ лача кутан?

Исай 36:4 Iomraidhean Croise

Ӧксыяслӧн 4 небӧг 18:17

Ассурса ӧксы мӧдӧдіс Лакишысь Ерусалимӧ Езекей ӧксы дінӧ уна тышкайӧзӧс, тышкайӧзӧн веськӧдлысьӧс, ыджыд чинаясӧн веськӧдлысьӧс да ассьыс эскана мортӧс. Кор найӧ воисны Ерусалимӧ, сувтісны вылыс вайӧртӧдсянь визувтысь ва дорӧ, пожъясянінӧ нуӧдан туй вылӧ.

Ӧксыяслӧн 4 небӧг 18:5

Езекей лача кутіс Израильлӧн Господь Ен вылӧ. Иудаса ӧксыяс пиысь сыӧдз и сы бӧрын сы кодьыс эз вӧв.

Ӧксыяслӧн 4 небӧг 19:10

висьтавны иудаса Езекей ӧксылы: «Тэнад Енмыд, код вылӧ тэ лача кутан, ылӧдлӧ тэнӧ, кор шуӧ, мый Ерусалимӧс оз ло сетӧма ассурса ӧксы киӧ.

Псалтыр 42:3

Мӧдӧд Ассьыд югыдтӧ да збыльтӧ! Найӧ мед нуӧдасны менӧ, мед вайӧдасны Тэнад вежа керӧс вылӧ, Тэнад оланінӧ.

Шусьӧгъяс 16:18

Вылӧ кӧ пуксян – олӧмтӧ жугӧдан, ныртӧ кӧ кутан лэптавны – усян.

Еремей 48:14

Ті шуанныд: «Ми вына тышкайӧз, дасьӧсь петны тышӧ!»

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

Иуда 1:16

Тайӧ йӧзыс век шуасьӧны да элясьӧны. Найӧ олӧны асланыс лёк кӧсйӧмныс серти да Индӧд торкалӧмӧн. Найӧ тшапа сёрнитӧны да ошкӧны мукӧдсӧ, медым аслыныс мыйкӧ курыштны.