Исай 35:2 - Коми Библия 2023

² Сійӧ пондас мичаа дзоридзавны, нимкодясьны да долыда гажӧдчыны, пондас нимавны Ливан моз, лоӧ Кармил керӧс да Шарон ласта кодь мича. Став йӧзыс аддзасны Господьлысь дзирдлунсӧ, миян Енлысь вынсӧ.

Исай 35:2 Iomraidhean Croise

1 Каднебӧг 16:33

мед гажӧдчасны вӧрса пуяс Господь водзын, ӧд Сійӧ локтӧ мыждыны муюгыдсӧ.

1 Каднебӧг 27:29

Шаронын йирсьысь ӧш-мӧс вӧсна кывкутіс шаронса Шитрай, а ковтысын йирсьысь ӧш-мӧс вӧсна кывкутіс Адлайлӧн Шафат пиыс.

1 Каднебӧг 5:16

Гадсянь чужысьяс олісны Галаад да Васан муясын, тайӧ муяслӧн киподувса сиктъясын да Шарон гӧгӧрса став видз вылын.

Псалтыр 50:2

Давидлӧн Вирсавиякӧд узьӧм бӧрас сы дінӧ воліс Нафан пророк.

Псалтыр 72:16

Ме мӧвпалі, кыдзи меным гӧгӧрвонысӧ, но тайӧ сьӧкыд вӧлі меным,

Псалтыр 72:19

Ӧти здукӧн найӧс лоӧ бырӧдӧма, найӧ вошасны, налӧн олӧмныс лёка помасяс.

Псалтыр 89:12

Велӧд миянӧс артавны ассьыным олан лунъяснымӧс, медым миян вӧлі мывкыд сьӧлӧм.

Псалтыр 97:6

Труба да буксан шы улӧ ошкӧй Господьӧс, миянлысь Ӧксыӧс.

Петӧм 16:7

а асывнас ті аддзанныд Господьлысь дзирдлунсӧ. Ӧд Господь кыліс, кыдзи ті ропканныд Сы вылӧ. А ми нӧ кодъяс? Миян вылӧ мый ропканныд?»

Сьылан 2:1

– Ме – шаронса нарцисс, ковтысын быдмысь лилия. (Зон:)

Сьылан 7:5

Тэнад сьыліыд слӧн лыысь вӧчӧм сюръя кодь, синмыд хешбонса вайӧртӧд кодь, Бат-Раббим дзиръядорса вайӧртӧд кодь, нырыд Дамасклань видзӧдысь ливанса башня кодь.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 27:6

Локтана кадӧ Яков вужъясяс, Израиль сетас вож да кутас дзоридзавны. Муюгыдыс тырас вотӧсӧн.

Исай 32:15

Тадзи лоӧ, кытчӧдз вылісянь оз лэччы миян вылӧ Енлӧн лолыс. Сэки овтӧмин лоӧ сад йӧрӧн, а сад йӧрыс лоӧ вӧр кодь ыджыдӧн.

Исай 33:9

Муыс шогсьӧ, косьмӧма, ливанса вӧр нюкыртчӧма, сьӧдасьӧма, Шарон ласта лои кушинӧн. Васан ыб вылын да Кармил керӧсъясын кушмӧмаӧсь пуяс.

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Исай 40:5

Сэки тыдовтчас Господьлӧн дзирдлуныс, и ставӧн аддзасны, мый Господь висьталіс.

Исай 40:9

Сион, бур юӧр вайысь, кыпӧдчы джуджыд керӧс вылӧ! Ерусалим, бур юӧр вайысь, висьтавлы гора шыӧн! Эн пов, висьтавлы иудаса каръяслы: «Со, тіян Енныд!»

Исай 41:19

Кушинӧ Ме пукта сус пу, акация, мирт да олив пу, кос муӧ – кипарис, платан да пожӧм,

Исай 49:13

Нимкодясь, енэжыс, гажӧдчы, муыс, гораа нимкодясьӧй, керӧсъяс! Ӧд Господь бурӧдіс Ассьыс войтырсӧ, Сійӧ бурсьӧлӧмтчӧ Аслас коньӧръяс дінӧ.

Исай 6:3

Найӧ чуксасисны ӧта-мӧдныскӧд да сьылісны: «Вежа, вежа, вежа Господь Саваоф, став муыс тырӧма Сылӧн дзирдлунӧн!»

Исай 60:13

Кипарис, платан да пожӧм ваясны тэныд, ливанса озырлунӧн мичмӧдасны Менсьым вежаинӧс, Менсьым кок улӧс, мый Ме нимӧда.

Исай 60:19

Луннас шондіыс оз нин понды тэныд югдӧдны, тӧлысьыс оз понды дзирдавны, но Ачыс Господь лоӧ тэныд бырлытӧм югыдӧн, тэнад Енмыд лоӧ тэнад дзирдлунӧн.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Исай 66:10

Гажӧдчӧй Ерусалимкӧд, нимкодясьӧй сыӧн ставныд, кодъяс радейтанныд сійӧс. Нимкодясьӧй сыкӧд ставныд, кодъяс бӧрдінныд сы вӧсна.

Исай 66:14

Ті аддзанныд тайӧс, и тіян сьӧлӧмныд пондас нимкодясьны, тіян вир-яйныд пондас дзоридзавны. Быдӧн тӧдмалас, мый Господьлӧн киыс Сылӧн кесйӧгъяс вылын, а скӧралӧмыс – Сылы паныд сувтысьяс вылын.

Осий 14:5

– Найӧ Менӧ эновтісны, но Ме бурдӧда найӧс таысь, Ме бара понда сьӧлӧмсянь радейтны найӧс, скӧрлунӧс Ме вешта на дінысь.

Аввакум 2:14

Кыдзи саридзыс тырӧма ваӧн, сідзи муыс лоӧ тырӧма Господьлысь дзирдлунсӧ тӧдӧмӧн.

Закар 10:7

Ефрем чужанкотыр лоӧ вына тышкаморт кодьӧн, сылӧн сьӧлӧмыс гажмас винаысь моз. Ныв-пиныс аддзасны тайӧс да пондасны гажӧдчыны, налӧн сьӧлӧмныс кутас нимкодясьны Господьӧн.

Иоан 12:41

Исай шуис тайӧ кывъяссӧ, ӧд сійӧ аддзыліс Исуслысь дзирдлунсӧ да висьталіс Сы йылысь.

Иоан 17:24

Батьӧй, Ме кӧсъя, медым Меным сетӧмаясыд лоасны сэні, кӧні Ме лоа. Найӧ мед аддзасны Менсьым дзирдлунӧс, кодӧс Тэ сетін Меным, ӧд Ме муса вӧлі Тэныд му пуксьытӧдзыс на.

Ап. уджъяс 9:35

Лиддаын да Шаронын олысьяс ставныс аддзылісны тайӧс да бергӧдчисны Господьлань.

Римӧ 10:15

Кыдзи нӧ висьталасны, абу кӧ мӧдӧдӧма висьтавнысӧ? Гижӧма: «Кутшӧм шензьӧданаӧсь кокъясыс сылӧн, коді вайӧ бур юӧр, юӧртӧ лӧнь олӧм йылысь».

Римӧ 15:10

Нӧшта гижӧма: – Нимкодясьӧй, мукӧд войтыръяс, Сылӧн войтыркӧд!

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Нав Исус 19:26

Аламелек, Амад да Мишал каръяс. Рытыввылын налӧн муыс нюжӧдчӧ Кармил керӧсӧдз да Шихор-Ливнат дорӧдз.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.