Исай 34:8 - Коми Библия 2023

⁸ Ӧд воис Господьлӧн мыждан луныс, Сион вӧсна водзӧс перъян воыс.

Исай 34:8 Iomraidhean Croise

Псалтыр 94:1

Локтӧй, сьыламӧй Господьлы, кыпыда сьылӧмӧн ошкамӧй Сійӧс, Сійӧ – миян мездмӧмлӧн зумыд подулыс.

Исай 13:6

Ырзӧмӧн бӧрдӧй, ӧд Господьлӧн луныс матын нин, сійӧ локтӧ Ставсӧвермысьсянь да бырӧдӧ ставсӧ.

Исай 13:9

Господьлӧн мыждан луныс локтӧ ыджыд лӧглунӧн да ыпъялан скӧрлунӧн, медым вӧчны мусӧ овтӧминӧн да бырӧдны му вылысь мыжаясӧс.

Исай 26:21

Со, Господь петӧ Аслас оланінысь, медым мыждыны мувывса олысьясӧс налӧн мыжъясысь. Сэки муыс восьтас йӧзлысь кисьтӧм вирсӧ, оз нин кут дзеблавны виӧмаясӧс.

Исай 35:4

Полысь сьӧлӧмаяслы шуӧй: «Лоӧй зумыдӧсь, энӧ полӧй! Тіян Енныд локтас да водзӧсӧн мынтысяс, Енмыс водзӧс перъяс тіян вӧсна. Сійӧ локтас да мездас тіянӧс».

Исай 47:3

Мед тыдовтчас тэнад куш яйыд, мед аддзасны тэнсьыд яндзимтӧ. Ме водзӧс перъя, и некодӧс ог жалит.

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Исай 61:2

юӧртны Господьлӧн буралан во йылысь, миян Енлӧн водзӧс перъян лун йылысь. Господь мӧдӧдіс Менӧ бурӧдны шогсьысьясӧс,

Исай 63:4

Ме инді водзӧс перъян лун, матыстчис Менсьым войтырӧс мездан воыс.

Еремей 46:10

Тайӧ луныс – Господьлӧн лун, Господь Саваофлӧн водзӧс перъян лун. Сійӧ мынтысяс Аслас вӧрӧглы, Сылӧн шыпуртыс пондас виавны – пӧттӧдзыс юас налысь вирсӧ. Ӧд войвыв муын, Ефрат ю дорын, тайӧ вир кисьтӧмыс лоӧ вись вайӧм Ыджыдыслы, Господь Саваофлы.

Осий 9:7

Воис мыждан лун, матысмис мынтысян лун – Израиль мед тӧдӧ тайӧс. Ме, пророк, лои вежӧртӧм, ӧд ті уна лёк вӧчанныд, ме, Ловсянь сёрнитысь, лои йӧй, ӧд ті пыр меным паныд сувтанныд.

Йоиль 3:4

Тир, Сидон да Филистим му, мый ті Месянь кӧсъянныд? Гашкӧ, ті кӧсъянныд водзӧс перйыны Менсьым? Тадзи кӧ, регыд Ме бергӧда водзӧс перйӧмнытӧ ас выланыд.

Микей 6:1

Кывзӧй, мый висьталӧ Господь: – Сувт ёрд водзӧ, висьтась керӧсъяс водзын, мылькъяс мед кыласны тэнсьыд гӧлӧс шытӧ!

Лука 18:7

А Енмыс ӧмӧй оз дорйы Ассьыс бӧрйӧмаяссӧ, кодъяс лун и вой корӧны отсӧгсӧ Сылысь? Сёрмас ӧмӧй Сійӧ сетны отсӧгсӧ?

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Индӧд 32:35

Ме мынтыся, Ме перъя водзӧссӧ сійӧ лунӧ, кор налӧн кокныс лигышмунас. Ӧд найӧс бырӧдан луныс матын, регыд збыльмас налы дасьтӧмаыс.

Восьтӧм 14:11

Найӧс мучитан билӧн тшыныс кутас кыпӧдчыны нэмъяс чӧж. Найӧ, кодъяс копыртчыласны зверлы да сылӧн серпаслы да сетасны пасйыны асьнысӧ сылӧн нимӧн, оз кутны тӧдны шойччӧгсӧ лунын ни войын.

Восьтӧм 18:20

– Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.

Восьтӧм 19:2

Господь мыждӧ веськыда да збыльыс серти. Сійӧ мыждіс ыджыд карӧс, кырсалысь аньӧс, коді кырсалӧмнас пежаліс став мусӧ. Господь перйис водзӧссӧ тайӧ аньыслысь Аслас кесйӧгъяслӧн вирысь.