Исай 34:7 - Коми Библия 2023

⁷ Накӧд тшӧтш начкасны вӧлявывса ӧшъясӧс, ӧшпиянӧс ӧшъяскӧд. Муыс пӧтас налӧн вирӧн, му веркӧсыс йиджтысяс налӧн госӧн.

Исай 34:7 Iomraidhean Croise

Псалтыр 68:30

Ме коньӧр морт, ме ёна сьӧкыдала, отсав меным, Енмӧй, дорйы менӧ.

Исай 63:6

Ме талялі войтыръясӧс Аслам скӧралігӧн, пазӧді найӧс Аслам лӧгалігӧн, кисьті му вылӧ налысь вирсӧ.

Еремей 25:34

– Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Еремей 46:21

Египетлӧн медалӧм тышкайӧзыс тшӧгӧдӧм ӧшпиян кодьӧсь, но весиг найӧ уськӧдчисны пышйыны. Найӧ котӧртӧны, оз сувтлыны, ӧд воис найӧс бырӧдан луныс, воис найӧс мыждан кадыс.

Еремей 50:11

Ті, Менсьым войтырӧс куштысьяс, гажӧдчинныд-нимкодясинныд, видз вылӧ лэдзӧм кукань моз ризъялінныд, тышӧ петысь вӧв моз корскинныд.

Еремей 50:27

Виӧй вавилонса тышкайӧзӧс, ӧшъясӧс моз начкӧй найӧс. Курыд шог вавилонсаяслы, ӧд воис налӧн луныс, найӧс мыждан кадыс.

Езекиль 32:6

Мусӧ юктала тэнад вирӧн – керӧсъяс вирӧссясны, сёртасъяс тырасны вирӧн.

Езекиль 39:17

Тэныд, морт пиӧй, Господь Ыджыдыс тадзи висьталӧ: чукӧст быдласянь лэбачьясӧс да вӧрса зверъясӧс. Мед найӧ чукӧртчасны Менам вись дорӧ, мый Ме начка налы Израиль керӧсъяс вылын. Сэні найӧ кутасны яй сёйны да вир юны.

Езекиль 39:18

Найӧ кутасны сёйны вына тышкайӧзлысь яйсӧ, юны мувывса ӧксыяслысь вирсӧ. Тайӧ лоӧ васанса тшӧгӧдӧм межъяслӧн, баляпиянлӧн, кӧзаяслӧн да ӧшъяслӧн яй да вир кодьӧн.

Лыд 23:22

Ен петкӧдіс найӧс Египетысь, налӧн вынйӧрыс ӧшлӧн кодь.

Лыд 24:8

Енмыс петкӧдіс тіянӧс Египетысь, тіян вынйӧрныд ӧшлӧн кодь. Тіянӧс мустӧмтысь войтыръясӧс ті ньылыштанныд, налысь лыяссӧ чегъяланныд, ньӧвйысь лыйлӧмӧн найӧс бырӧданныд.

Индӧд 33:17

Ӧсиплӧн выныс медводдза чужысь ӧшлӧн кодь, сылӧн сюръясыс вӧлявывса ӧшлӧн кодьӧсь, наӧн люкалӧ войтыръясӧс, вӧтлӧ найӧс му помӧдзыс. Татшӧмӧсь Ефрем чужанкотырлӧн лыдтӧм-тшӧттӧм йӧзыс, Манассей чужанкотырлӧн уна сюрс йӧзыс.