Исай 31:3 - Коми Библия 2023

³ Египетсаяс – йӧз, абу Ен, налӧн вӧвъясыс – вир-яй, абу лов. Господь лэптас Ассьыс кисӧ, и отсӧг сетысьяс крукасясны, а кодлы отсалісны, найӧ тшӧтш усясны – ставныс ӧтвылысь куласны.

Исай 31:3 Iomraidhean Croise

2 Каднебӧг 32:8

Сыкӧд – мортлӧн выныс, а миянкӧд – Господь, миян Енным. Сійӧ пыр отсалӧ миянлы да тышкасьӧ миян пыдди». Иудаса Езекей ӧксылӧн кывъясыс ёнмӧдісны тышкайӧзӧс.

Псалтыр 118:8

Ме ола Тэнад тшӧктӧмъяс серти, сӧмын эн эновт менӧ.

Псалтыр 33:17

а лёк вӧчысьяслы Господь паныд сувтӧ, медым бырӧдны му вылысь на йылысь казьтылӧмсӧ.

Псалтыр 9:20

Кыпӧдчы, Господьӧй! Эн лэдз мортыслы пуктыны асьсӧ Тэысь вылӧджык, войтыръясӧс мед лоӧ мыждӧма Тэнад син водзын!

Исай 10:3

Мый ті кутанныд вӧчны мыждан лунӧ, кор бырӧдӧмыс ыджыд тӧвныр моз ылісянь суӧдас тіянӧс? Код дінӧ ті котӧртанныд отсӧгла? Кытчӧ дзебанныд ассьыныд озырлунтӧ?

Исай 20:4

Тадзи ассурса ӧксы нуӧдас Египетысь да Эфиопияысь пленӧ босьтӧмаясӧс. Томъясӧс и пӧрысьясӧс нуӧдасны дзик пасьтӧг-кӧмтӧг, медым янӧдны Египетӧс.

Исай 20:6

Сійӧ лунӧ тайӧ саридздорса муас олысьяс шуасны: ”Со мый лои накӧд, кодъяс вылӧ ми лача кутім да кодъяссянь отсӧг виччысим, медым найӧ дорйисны миянӧс ассурса ӧксыысь. Коді ӧні мездас миянӧс?”»

Исай 30:16

Ті шуинныд: «Ми котӧртам вӧвъяс вылын», та вӧсна тіянлы и ковмас пышйыны. Ті шуинныд: «Ми рӧдтам тэрыб вӧвъяс вылын», та вӧсна тіянӧс вӧтӧдысьясныд лоӧны тэрыбӧсь.

Исай 30:5

Но найӧ ставныс яналасны, ӧд египетсаяс нинӧмӧн оз вермыны налы отсавны, оз вермыны отсӧг сетны. Найӧс виччысьӧ янӧдӧм да юръяндзим.

Исай 30:7

Египетсянь отсӧгыс весьшӧрӧ, сійӧ нинӧм дон оз сулав. Та вӧсна Ме нимті Египетӧс лӧня пукалысь Рахавӧн.

Исай 36:6

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.

Исай 36:9

Тэ он вермы вӧтлыны аслад муысь весиг ӧти веськӧдлысьӧс, менам ыджыдлы медічӧт кесъялысьӧс. Но тэ лача кутан Египет вылӧ, сылӧн тарантасъяс да вӧвъяс вылӧ!

Исай 9:17

Господь оз нимкодясь налӧн том йӧз вӧсна, налӧн батьтӧм-мамтӧм челядь дінӧ да дӧваяс дінӧ Сійӧ оз бурав, ӧд найӧ ставныс ылӧдчысьяс да лёк вӧчысьяс, налӧн вомысь петӧ сӧмын пеж сёрни. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Еремей 15:6

Тэ эновтін Менӧ, – висьталӧ Господь, – тэ кежин Меысь. Та вӧсна Ме лэпта тэ вылӧ Ассьым киӧс да бырӧда тэнӧ, Ме мудзи тэ дінӧ буравны.

Еремей 17:5

Господь тадзи висьталӧ: – Ёрӧма сійӧ мортсӧ, коді лача кутӧ морт вылӧ, коді мыджсьӧ мувывса олысь вылӧ, кодлӧн сьӧлӧмыс ылыстчӧ Господьысь.

Езекиль 28:2

«Морт пиӧй, шу тирса юралысьлы, мый Господь Ыджыдыс тадзи висьталӧ: тэ вылӧ кыпӧдчин да шуин, ме пӧ ен, пукала пӧ саридз шӧрын енлӧн пуклӧсын. Но тэ сӧмын морт, абу ен, кӧть ассьыд вежӧртӧ ӧткодялан енлӧн вежӧрыскӧд.

Езекиль 28:9

Шуан-ӧ сэки виысьыдлы, мый тэ ен? Виысь водзын тэ сӧмын морт, абу ен.

Амос 2:15

Ньӧввужйӧн лыйсьысь усьӧ, пода тышкаморт оз вермы пышйыны, верзьӧма оз вермы мездыны ассьыс олӧмсӧ.

Матвей 15:14

Кольӧй найӧс. Найӧ синтӧмӧсь, и синтӧмъясӧс нуӧдӧны. Синтӧм кӧ нуӧдӧ синтӧмӧс, кыкнанныс гуранӧ усясны».