Исай 30:32 - Коми Библия 2023

³² Выльысь и выльысь Господь кутас нӧйтны сійӧс тимпан да гусли ворсан шы улӧ. Аслас кинас повзьӧдӧмӧн Господь петас сылы паныд тышӧ.

Исай 30:32 Iomraidhean Croise

Олӧм 31:27

Мыйла тэ пышйин? Мунін гусьӧн, нинӧм эн висьтав? Ме эськӧ колльӧді тэнӧ гажа сьыланкывъясӧн, тимпанӧн да гуслиӧн.

2 Каднебӧг 32:8

Сыкӧд – мортлӧн выныс, а миянкӧд – Господь, миян Енным. Сійӧ пыр отсалӧ миянлы да тышкасьӧ миян пыдди». Иудаса Езекей ӧксылӧн кывъясыс ёнмӧдісны тышкайӧзӧс.

Иов 16:12

Ме олі лӧня, но Сійӧ пыркнитіс менӧ, кватитіс сьыліӧд да песлӧдліс, сувтӧдіс менӧ Аслыс лыйсян пас пыдди.

Исай 10:24

Та вӧсна Ыджыдыс, Господь Саваоф, тадзи висьталӧ: Менам войтырӧй, Сионын олысьяс, энӧ полӧй Ассурысь! Сійӧ нӧйтӧ тіянӧс беддьӧн, Египет моз кыпӧдӧ тіян вылӧ ассьыс орссӧ.

Исай 10:26

Господь Саваоф кыпӧдас сы вылӧ Ассьыс орссӧ, кыдзи вӧчис мадиансаяскӧд, кор пасьвартіс найӧс Орив изкырта дорын. Сійӧ нюжӧдас Ассьыс бедьсӧ саридзлань, кыдзи нюжӧдіс сійӧс египетсаяслань.

Исай 11:15

Господь косьтас Египетса саридзлысь куръясӧ, нюжӧдас юлань Ассьыс кисӧ да кыпӧдас ыджыд тӧвныр, Сійӧ юкас юсӧ сизим шор вылӧ, и йӧзыс сэті подӧн вуджасны.

Исай 19:16

Сійӧ лунӧ египетсаяс лоӧны аньяс кодьӧсь. Повзьӧмнысла найӧ пондасны тіравны Господь Саваофысь, кор Сійӧ кисӧ лэптас на вылӧ.

Исай 2:19

Йӧзыс пышъясны изкыртаясӧ, дзебсясны му горсъясӧ, ӧд найӧс полӧм топӧдас Господьлӧн вынысь, Сылӧн дзирдлунысь найӧс полӧм босьтас. Господь кыпӧдчас, и йӧзсӧ полӧм босьтас!

Исай 24:1

Со, Господь куштӧ мусӧ, бырӧдӧ сэні олысьясӧс, тшыкӧдӧ муыслысь чужӧмбансӧ, разӧдӧ му вылын олысьясӧс.

Исай 24:8

Дугдіс кывны тимпанлӧн гажа шыыс, ланьтіс гажӧдчысьяслӧн гораа нимкодясьӧмыс, дугдіс кывны гуслилӧн гажа шыыс.

Исай 30:29

А ті понданныд сьывны, кыдзи сьыланныд рытнас, вежа гажӧдчан лун пасйигӧн. Тіян сьӧлӧмныд пондас нимкодясьны, кыдзи нимкодясьӧны пӧлян шы улӧ Господьлӧн керӧс вылӧ мунысьяс, Израильлӧн зумыд Из дінӧ ветлысьяс.

Исай 31:4

Господь меным тадзи висьталіс: – Кыдзи лев, том лев, равзӧ аслас кыйдӧс весьтын да оз пов ыж видзысьясысь, налӧн уна лыдысь да горзӧмысь, тадзи Господь Саваоф лэччас Сион керӧс вылӧ, медым вермасьны тайӧ керӧсыс вӧсна.

Еремей 31:4

Ме выльысь кыпӧда тэнӧ, и тэнӧ лоӧ кыпӧдӧма, Израиль ныв. Тэ бара босьтан киад тимпан, кутан йӧктыны гажӧдчысьяскӧд.

Езекиль 28:13

Тэ олін Эдэмын, Енлӧн сад йӧрын. Тэнӧ мичмӧдісны дона изъяс: рубин, топаз, алмаз, хризолит, оникс, яшма, сапфир, карбункул да изумруд. Паськӧмтӧ вӧлі мичмӧдӧма зарниӧн. Ставыс тайӧ вӧлі дась нин сійӧ лунӧ, кор тэнӧ вӧлі вӧчӧма.

Езекиль 32:10

Войтыръяс весьӧпӧрасны, кор тӧдмаласны, мый Ме вӧча тэныд. Налысь ӧксыяссӧ полӧм-тіралӧм босьтас, кор Аслам шыпуртӧн Ме кута шенасьны налӧн чужӧмбан водзын. Тэнӧ бырӧдан лунӧ найӧ пондасны дзӧрны асланыс олӧм вӧсна.

Еврейяслы 12:26

Сэки Енлӧн гӧлӧс шыыс вӧрзьӧдліс мусӧ, но ӧні Сійӧ кӧсйысис: – Нӧшта ӧтчыдысь Ме вӧрзьӧда мусӧ, и ог сӧмын мусӧ, вӧрзьӧда тшӧтш енэжсӧ.

Ӧксыяслӧн 1 небӧг 10:5

Та бӧрти тэ воан Енлӧн керӧс вылӧ, кӧні сулалӧны филистимса тышкайӧз [асланыс юралысьяскӧд]. Карас пыригад тэ паныдасян вись ваян мыльк вылысь лэччысь пророкъяскӧд. Ставныс найӧ пророкалӧны, а на водзвылын мунӧны арфаӧн, тимпанӧн, пӧлянӧн да гуслиӧн ворсысьяс.

Ӧксыяслӧн 1 небӧг 18:6

Давидлӧн Голиафӧс вермӧм бӧрын тышкайӧз кор вӧлі локтӧны тыш вылысь, быд израильса карысь петавлісны аньяс. Найӧ сьылӧмӧн да йӧктӧмӧн, тимпанӧн да кимвалӧн кыпыда ворсӧмӧн вочаалісны Саул ӧксыӧс.