Исай 30:26 - Коми Библия 2023

²⁶ Сэки тӧлысьлӧн югыдыс лоӧ шонділӧн кодь, а шонділӧн югыдыс лоӧ сизимпӧв югыдджык на, быттьӧ сизим лунлӧн югыдыс. Тадзи лоӧ сійӧ лунӧ, кор Господь кӧрталас Аслас войтырлысь дойяссӧ да бурдӧдас найӧс.

Исай 30:26 Iomraidhean Croise

Иов 5:18

Ӧд Сійӧ дойдӧ, Сійӧ и кӧрталӧ дойтӧ, Сійӧ вачкӧ, Сылӧн киыс и бурдӧдӧ.

Исай 11:9

Менам вежа керӧс вылын оз нин пондыны вӧчны лёксӧ. Кыдзи саридзыс тырӧма ваӧн, сідзи муыс лоӧ тырӧма Господьӧс тӧдӧмӧн.

Исай 19:22

Господь дойдас Египетӧс. Сійӧ дойдас и бурдӧдас найӧс. Кор найӧ шыасясны Господь дінӧ, Сійӧ кылас налысь кевмӧмсӧ да бурдӧдас найӧс.

Исай 24:23

Кор Господь Саваоф кутас ӧксыавны Сион керӧс вылын, Ерусалимын, да восьтас Ассьыс дзирдлунсӧ Аслас войтырлӧн юрнуӧдысьяслы, сэки тӧлысь яналас, шонділы лоӧ юръяндзим.

Исай 30:13

Та вӧсна тіян мыжныд лоӧ джуджыд стенмын ыджыд потас кодь – виччысьтӧг, ӧти здукӧн стенмыс усяс.

Исай 30:14

Сійӧс лоӧ жугӧдӧма, кыдзи гырнич вӧчысь жалиттӧг жугӧдӧ сёй гырничсӧ, мый весиг торпыриг оз сюр жуглассьыс, медым пачысь босьтны биа ӧгыр, гӧптысь гумовтны ва.

Исай 33:24

Сионын олысьяс пӧвстысь некод оз шу, ме пӧ вися, сэні олысь войтырлысь мыжъяссӧ лоӧ прӧститӧма.

Исай 57:18

Ме аддзылі, мый найӧ вӧчисны, но Ме бурдӧда найӧс. Ме Ачым кута нуӧдны да бурдӧдны найӧс, Ме бурӧда шогалысьясӧс.

Исай 58:8

Сэки тэнад югыдыд тыдовтчас асъя кыа моз, и тэ регыдӧн бурдан. Тэнад веськыдлуныд мунас тэ водзвывті, а бӧрвывсяньыд тэнӧ видзас Господьлӧн дзирдлуныс.

Исай 61:1

Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Еремей 30:17

Ме сета тэныд бурдӧмсӧ, Ме бурдӧда тэнсьыд дойястӧ, – висьталӧ Господь. – Тэнӧ шулісны эновтӧмаӧн, Сионӧн, код вӧсна некод оз тӧждысь.

Бӧрданкыв 2:13

Мый меным шуны тэныд, Ерусалим нылӧй, мыйӧн ӧткодявны тэнӧ? Кодкӧд ӧткодявны тэнӧ, Сион нылӧй, медым бурӧдны тэнӧ? Тэнад дойыд саридз кодь ыджыд – коді вермас бурдӧдны тэнӧ?

Осий 6:1

Сьӧкыдаліганыс найӧ пондасны корсьны Менӧ, шуасны: «Бӧр мунамӧй Господь дінӧ! Сійӧ косявліс миянӧс, но Сійӧ и бурдӧдас, Сійӧ дойдаліс миянӧс, но Сійӧ и кӧрталас дойяснымӧс.

Осий 6:2

Кык лун мысти Сійӧ ловзьӧдас миянӧс, коймӧд луннас сувтӧдас кок выланым. Сэки ми пондам овны Сылӧн чужӧмбан водзын.

Амос 9:11

Сійӧ лунӧ Ме выльысь сувтӧда Давидлысь киссьӧм керкасӧ. Стен потасъяссӧ Ме дзоньтала, жугласьӧминъяссӧ лӧсьӧда, выльпӧв лэпта сійӧс важ мозыс.

Закар 12:8

Сійӧ лунӧ Господь доръяс Ерусалимын олысьясӧс, и жебъяс лоӧны Давид кодь вынаӧсь. Ерусалимын олысьяслы Давидлӧн рӧдыс лоӧ Ен кодьӧн, Господьлӧн андел кодьӧн.

Закар 14:7

Сійӧ луныс лоӧ аслыспӧлӧс: луныс ни войыс оз пуксьы, рытнас оз пемды. Тайӧ луныс йылысь тӧдӧ сӧмын Господь.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Индӧд 32:39

Видзӧдӧй, тайӧ – Ме, Ме – Енмыс, Меысь кындзи мӧд Енмыс абу. Ме виа и олӧм сета, Ме дойдала и бурдӧда. Менам киысь некод оз мезды.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.

Восьтӧм 22:5

Войыс сэні оз ло. Налы оз нин ков бисянь либӧ шондісянь югыдыс, ӧд налӧн югзьӧдысьнас лоас Господь Ен. Найӧ кутасны ыджыдавны нэмъяс чӧж.