Исай 3:24 - Коми Библия 2023

²⁴ Сион, тэнад айуловыд куласны шыпуртысь, тэнад тышкайӧзыд усясны тышын.

Исай 3:24 Iomraidhean Croise

Эсфир 2:12

Урчитӧм кадӧ быд нывлы колӧ вӧлі мунны Артаксеркс ӧксы дінӧ. Таӧдз найӧс индӧд серти мичмӧдісны дас кык тӧлысь чӧж: квайт тӧлысь чӧж мавтісны смирна выйӧн, мӧд квайт тӧлысь чӧжсӧ – чӧскыд дука мавтасъясӧн да мукӧдторъясӧн.

Иов 16:15

Ме вури аслым шогалан паськӧм, чужӧмбанӧн ляскыси му бердас.

Шусьӧгъяс 31:24

Бур гӧтыр вурӧ да вузалӧ дӧрӧмъяс, ханаанса вузасьысьяслы вайӧ вӧньяс.

Шусьӧгъяс 7:17

узьланінӧс резі смирнаӧн, алоэӧн да корицаӧн.

Исай 15:2

Сэні олысьяс мунӧны Баитӧ да Дивонӧ, найӧ кайӧны бӧрдны вись ваян мыльк вылӧ. Моавсаяс бӧрдӧны Нево да Медева вӧсна, налысь ставныслысь шырӧма юрсинысӧ да тошнысӧ.

Исай 15:3

Найӧ ветлӧны туй вывті шогалан паськӧмӧн, пукалӧны керка вевт вылын да бӧрдӧны, пукалӧны изэрд вылын да бӧрдӧны, бӧрдӧны кыз синваӧн.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Исай 3:23

Чӧскыд дук пыдди на дорысь кутас ӧвтны лёк дукӧн, вӧнь пыдди налы лоӧ гез, читкыля юрси пыдди – куш плеш, мича паськӧм пыдди – шогалан паськӧм, мичлун пыдди – юръяндзим.

Исай 4:4

Господь мыськалас сионса аньясӧс став пежсьыс, весалас Ерусалимӧс вирсьыс веськыда мыждысь ловнас, биӧн сотысь ловнас.

Исай 57:9

Асьтӧ чӧскыд дука выйӧн ёна мавтӧмӧн тэ ветлывлін Молок идол дінӧ. Тэ ылӧдз мӧдӧдлін ассьыд йӧзтӧ, мӧдӧдлін весиг пыдӧстӧминӧдз.

Еремей 4:8

Та вӧсна пасьталӧй ассьыныд шогалан паськӧмнытӧ, сыркъялӧй-бӧрдӧй, ӧд Господьлӧн яр скӧрлуныс абу вешйӧма миян дінысь.

Еремей 48:37

Найӧ шырӧмаӧсь юрнысӧ, бритӧмаӧсь тошнысӧ, налӧн ки выланыс пуртӧн вундӧм туйяс, найӧ пасьтасьӧмаӧсь шогалан паськӧмӧ.

Еремей 49:3

Сыркъялӧмӧн бӧрд, Хешбон, ӧд Гай карӧс куштӧма-пазӧдӧма. Гораа горзӧй, Равва карса нывъяс, пасьталӧй шогалан паськӧм, бӧрдӧй да шӧйтӧй-ветлӧдлӧй йӧр пӧлӧн, ӧд Милком идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Еремей 6:26

Менам войтырӧй, пасьтав шогалан паськӧмтӧ, туплясь пӧим пытшкын. Бӧрд, быттьӧ ӧтка пиыд кулӧма, курыда бӧрд, ӧд виччысьтӧг локтас миянӧс бырӧдысь.

Бӧрданкыв 2:10

Сионса пӧрысь йӧз чӧла пукалӧны му вылын, юрнысӧ коялӧмаӧсь пӧимӧн, гартыштчӧмаӧсь шогалан паськӧмӧ. Ерусалимса нывъяс юрнысӧ копыртӧмаӧсь мулань.

Езекиль 27:31

Юрнысӧ тэ вӧсна кушӧдз шырӧны, пасьталӧны шогалан паськӧм, курыда бӧрдӧны.

Езекиль 7:18

Найӧ пасьталасны шогалан паськӧм, бритасны юрнысӧ. Полӧм-тіралӧм босьтас найӧс, яндзим вевттяс чужӧмнысӧ.

Йоиль 1:8

Пасьталӧй шогалан паськӧм, бӧрдӧй верӧспусӧ воштӧм том ныв моз.

Левит 26:16

тӧдӧй, мый Ме сэки тіянкӧд вӧча. Ме мӧдӧда тіян вылӧ полӧм, вир-яй косьмӧм да биа висьӧм, мый вӧсна тіян синныд пемдас и ловныд нюкыртчас. Ті весьшӧрӧ кутанныд кӧдзны, ӧд вӧрӧг сёяс няньнытӧ.

Амос 8:10

Гажӧдчӧмнытӧ бергӧда шогсьӧмӧ, сьыланкывъястӧ – бӧрдӧмӧ. Ставнытӧ пасьтӧда шогалан паськӧмӧ, юрсинытӧ лоӧ шырӧма. Бӧрдӧмныд лоӧ ӧтка пи вӧсна бӧрдӧм кодь, тайӧ луныс лоӧ курыд шогӧн.

Микей 1:16

Иуда войтыр, шыр юрситӧ, шогсьы муса ныв-пиыд вӧсна! Шырсьы, мед лоан кондор лэбач кодь куш юра, ӧд ныв-питӧ пленӧ нуӧдасны.

Индӧд 28:22

Господь мӧдӧдас тіян вылӧ вир-яй косьмӧм, биа висьӧм да кынтан висьӧм. Сійӧ мӧдӧдас кос жар, сотысь тӧвруӧн да висьӧмӧн бырӧдас тіян видз-му вылысь няньнытӧ. Став тайӧ шогыс суас тіянӧс, кытчӧдз онӧ кулӧй-бырӧй.

Индӧд 32:24

Тшыгъялӧмысь найӧ нюкыртчасны, кулана висьӧм виас найӧс, пӧрӧс висьӧм бырӧдас. Ме ыста на вылӧ ёсь пиня зверъясӧс да яда змейясӧс.

1 Петыр 3:3

Энӧ тӧждысьӧй мичмӧдны асьнытӧ ортсысяньыс: юрсинытӧ баситӧмӧн, зарни ӧшлӧмӧн да дона паськӧмӧн.

Восьтӧм 11:3

Ме мӧдӧда Ассьым кык висьталысьӧс. Шогалан паськӧмӧ пасьтасьӧмӧн найӧ кутасны пророкавны сюрс кыксё квайтымын лун чӧж».

Восьтӧм 16:9

Ёна пӧжӧмысла йӧзыс сотчисны да лёкӧдісны Енлысь нимсӧ, ӧд тайӧ бырӧданторъясыс вӧліны Енсянь. Но йӧзыс эз бергӧдчыны Енлань да эз ошкыны Сійӧс.

Восьтӧм 18:9

Кор сылысь сьӧд тшынӧн сотчӧмсӧ аддзасны мувывса ӧксыяс, кодъяс кырсалісны да лышкыда гажӧдчисны сыкӧд, кутасны сыркъялӧмӧн бӧрдны сы вӧсна.