Исай 29:21 - Коми Библия 2023

²¹ ӧд найӧ шуӧны мыжтӧмӧс мыжаӧн, карса мыжданінын пӧрйӧдлӧны ёрдысьӧс, ӧтдортӧны збыльсӧ висьталысьӧс.

Исай 29:21 Iomraidhean Croise

Псалтыр 127:5

Господь мед бурсиас тэнӧ Сионсянь, став олӧм чӧжыд мед аддзан Ерусалимын бур олӧмсӧ,

Шусьӧгъяс 28:21

Чужӧм вылӧ видзӧдӧмӧн вӧчны – абу бур, мортыд весиг няньтор вӧсна вермӧ лёксӧ вӧчны.

Исай 10:1

Курыд шог налы, кодъяс лӧсьӧдӧны лёк индӧдъяс, гижӧны чорыд тшӧктӧмъяс,

Исай 32:7

Наян морт вӧчӧ наяна, сійӧ мӧвпалӧ лёк вӧчӧм йылысь, ылӧгнас сійӧ бырӧдӧ коньӧр мортӧс, коді збыльсӧ висьталӧ.

Исай 5:20

Курыд шог налы, кодъяс лёксӧ шуӧны бурӧн, а бурсӧ – лёкӧн, пемыдсӧ лыддьӧны югыдӧн, а югыдсӧ – пемыдӧн, курыдсӧ лыддьӧны юмолӧн, а юмовсӧ – курыдӧн!

Исай 5:23

Кор налы сетӧны козин, мыжа мортӧс найӧ лыддьӧны мыжтӧмӧн, а веськыда вӧчысьӧс оз дорйыны.

Исай 59:15

Збыльыс эз ло. Лёксьыс ылыстчысьлысь эмбурсӧ мырддьӧны. Господь аддзис, мый веськыда мыждӧмыс абу, и тайӧ вӧлі зывӧк Сылы.

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 36:29

А иудаса Ехояким ӧксылы висьтав, мый Господь тадзи висьталӧ: тэ сотін гижӧд тубрассӧ да юалін Еремейлысь, мыйла сійӧ гижӧма, мый локтас вавилонса ӧксы да пазӧдас тайӧ мусӧ, бырӧдас тайӧ муас олысь йӧзсӧ да ыж-мӧссӧ.

Езекиль 13:19

Китыр ид да нянь шӧрӧм вӧсна войтырӧй водзын Менӧ янӧданныд. Мортлы, кодлы абу на кад кувны, висьталанныд, мый сійӧ кулас, а мортлы, кодлы абу шуӧма овны, кӧсйысянныд олӧм. И Менам войтырӧй кывзӧ тіянлысь ылӧг висьталӧмнытӧ!

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 22:15

Фарисейяс мунісны да ас костаныс сёрнитчисны Исусӧс кыйны сёрниас.

Матвей 26:15

да шуис: «Мый сетанныд, вузала кӧ тіянлы Исусӧс?» Найӧ вӧзйисны сылы комын эзысь сьӧм.

Ап. уджъяс 3:14

Ті соссинныд Вежаысь да Веськыда Олысьысь, коринныд лэдзны морт виысьӧс.

Яков 5:6

Ті мыждінныд да виинныд веськыда олысьӧс, сійӧ оз нин водзсась тіянлы.

Ёрдысьяс 12:6

тшӧктісны шуны ”шибболет”, а сійӧ шуис ”сибболет”, ӧд Ефремсянь чужысьяс эз вермыны шуны тайӧ кывсӧ колана ногӧн. Сэки татшӧм мортсӧ кутісны да виисны Йӧрдан ю вуджанін дорын. Сійӧ кадас Ефрем чужанкотырысь вӧлі виӧма нелямын кык сюрс мортӧс.