Исай 29:10 - Коми Библия 2023

¹⁰ Ӧд Господь мӧдӧдіс тіян пытшкӧ унзіль, тупкис тіянлысь синнытӧ – пророкъяснытӧ, вевттис тіянлысь юрнытӧ – тӧдысь-аддзысьяснытӧ.

Исай 29:10 Iomraidhean Croise

Исай 29:14

Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.

Исай 30:10

Тӧдысь-аддзысьяслы найӧ шуалӧны: «Дугдӧй аддзыны, мый водзӧ лоас». Пророкъяслы найӧ шуалӧны: «Энӧ висьтавлӧй миянлы збыльсӧ. Висьтавлӧй миянлы лӧсяланасӧ, висьтавлӧй сійӧ, мый миянлы сьӧлӧм серти.

Исай 43:27

Тэнад батьыд мыж вӧчис, тэнад веськӧдлысьясыд Меным паныд кыпӧдчисны.

Исай 44:18

Идолъясӧс вӧчысьяс нинӧм оз тӧдны да оз гӧгӧрвоны, налысь синнысӧ да вежӧрнысӧ тупкӧма, найӧ оз аддзыны да оз гӧгӧрвоны.

Еремей 4:9

«Сійӧ лунӧ, – висьталӧ Господь, – ӧксылысь да юралысьяслысь сьӧлӧмсӧ топӧдас, попъясӧс полӧм босьтас, пророкъяс шӧйӧвошасны».

Бӧрданкыв 4:14

Ӧні найӧ синтӧмъяс моз шӧйтӧны туй вывті, вирӧн пежасьӧмаӧсь, на дінӧ оз позь инмӧдчыны вирӧсь паськӧмныс вӧсна.

Езекиль 14:9

Но пророк кӧ ылалас да вочавидзас, сідзкӧ, Ме, Господь, лэдзи сылы ылавны. Ме лэпта киӧс сы вылӧ да бырӧда сійӧс Аслам Израиль войтыр пӧвстысь.

Микей 2:6

Тайӧ йӧзыс шуӧны: – Энӧ быгзьӧй, пророкъяс, энӧ лӧвтӧй татшӧмторсӧ! Миянӧс янӧдӧмыс оз су.

Микей 3:1

Ме шуи: – Кывзӧй, Яков рӧдлӧн юралысьяс, Израиль войтырлӧн веськӧдлысьяс! Тіянлы колӧ тӧдны веськыдлунсӧ.

Микей 3:6

Таысь найӧс виччысьӧ пемыд, кӧні абу Енсянь петкӧдчылӧмыс, виччысьӧ сап пемыд, кӧні абу водзвыв юӧртӧмыс. Татшӧм пророкъяслы шондіыс пуксяс, лунъюгыдыс лоӧ пемыд.

Римӧ 11:8

ӧд гижӧма: – Енмыс сетіс налы чорзьӧм лов. Налӧн синныс куньса, пельныс тупкыса, и ӧнӧдз на тадз.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

Ӧксыяслӧн 1 небӧг 26:12

Давид ачыс босьтіс Сауллӧн юр дорысь сылысь шысӧ да ва дозсӧ. Сэсся найӧ бӧр мунісны. Некод эз аддзыв ни эз тӧдлы налысь волӧмсӧ, некод весиг эз садьмыв. Ставныс узисны, ӧд Господь ыстіс налы чорыд ун.

Ӧксыяслӧн 1 небӧг 9:9

«Бур, – шуис Саул, – ветлам». Сэсся найӧ мунісны сійӧ карас, кӧні оліс Енлӧн морт. Кар дінӧ матыстчигӧн найӧ паныдасисны вала мунысь нывъяскӧд. Нывъяслысь юалісны, тані-ӧ тӧдысь-аддзысьыс олӧ. Войдӧр Израильын морт кӧ кӧсйис мыйкӧ юавны Енлысь, сійӧ шуліс, ветлам пӧ тӧдысь-аддзысь дінӧ, ӧд пророкъясӧс шулісны тӧдысь-аддзысьясӧн.