Исай 28:9 - Коми Библия 2023

⁹ Найӧ шуӧны ме йылысь: «Кодӧс сійӧ вермас вежӧрсьӧдны? Кодӧс сійӧ вермас туйдӧдны юӧртӧмнас? Сӧмын найӧс, кодъяс неважӧн на нёнясисны, кодъясӧс сӧмын на торйӧдӧма мам морӧс бердысь, а мукӧдсӧ – оз вермы.

Исай 28:9 Iomraidhean Croise

Псалтыр 131:2

Сійӧ кыв сетіс Господьлы, Яковлӧн вына Енлы кӧсйысьӧмӧн шуис,

Псалтыр 50:17

Господьӧй, восьт менсьым вомӧс, и менам вомысь кыптас Тэныд ошкӧмыс.

Шусьӧгъяс 1:29

Ӧд тӧдӧмлунсӧ ті мустӧмтінныд, Господьысь полӧмсӧ энӧ бӧрйӧй,

Исай 2:3

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Исай 28:26

Енмыс велӧдӧ сійӧс тадзи вӧчнысӧ, сылӧн Енмыс туйдӧдӧ сійӧс.

Исай 30:20

Господь пӧткӧдіс тіянӧс шогӧн, юкталіс тіянӧс сьӧкыдалӧмӧн, но тіян Велӧдысьныд оз нин кут дзебсясьны, тіян синныд аддзас Сійӧс.

Исай 48:17

Господь, тэнӧ Мездысь, Израильлӧн вежа Ен, тадзи висьталӧ: – Ме – Господь, тэнад Енмыд, Ме велӧда тэнӧ бурас, нуӧда тэнӧ сійӧ туйӧдыс, кыті тэныд колӧ муннысӧ.

Исай 50:4

Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Исай 53:1

Коді эскис миян висьталӧмӧ? Кодлы петкӧдчис Господьлӧн вына киыс?

Исай 54:13

Ачыс Господь велӧдӧ тэнсьыд пиянтӧ, найӧс виччысьӧ ыджыд шуд да лӧньлун.

Еремей 35:13

«Господь Саваоф, Израильлӧн Ен, тадзи висьталӧ: мун да висьтав Иудаын да Ерусалимын олысьяслы: ті ӧмӧй онӧ кӧсйӧй сибӧдны Менсьым туйдӧдӧмӧс, онӧ ӧмӧй кывзӧй Менсьым кывъясӧс? – висьталӧ Господь. –

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Еремей 6:10

– Кодлы меным висьтавнысӧ, кодӧс туйдӧднысӧ, коді кывзас менӧ? Налӧн пельясныс тупкыса, найӧ оз вермыны кывзынысӧ. Господьлысь кывсӧ найӧ мустӧмтӧны, нинӧмӧ пуктӧны сійӧс.

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

Марк 10:15

Веськыда висьтала тіянлы: коді оз сибӧд Енлысь Юралӧмсӧ кага моз, сійӧ оз пыр Енлӧн Юраланінӧ».

Иоан 12:38

Тадзи инісны Исай пророклӧн кывъясыс: – Господьӧй, коді эскис миян висьталӧмӧ? Кодлы петкӧдчис Господьлӧн вына киыс?

Иоан 3:19

Мыждӧмыс сыын, мый му вылас локтіс югыдыс, но йӧзыслы мусаджык вӧлі пемыдыс, ӧд налӧн уджъясыс лёкӧсь.

1 Петыр 2:2

Но кыдзи пузчужӧм кагаяс пӧткӧдчӧны йӧлӧн, тадзи зільӧй пӧткӧдчыны Енлӧн сӧстӧм кывйӧн, медым сы отсӧгӧн быдминныд да лоинныд мездмӧмаӧсь.