Исай 28:21 - Коми Библия 2023

²¹ Господь чеччас Перацим керӧс вылын моз, Сійӧ петкӧдлас Ассьыс скӧрлунсӧ Гаваон ковтысын моз, медым вӧчны Ассьыс уджсӧ, аддзывлытӧмторсӧ, да помӧдз вайӧдны Ассьыс вӧчӧмсӧ, вӧвлытӧмторсӧ.

Исай 28:21 Iomraidhean Croise

Ӧксыяслӧн 2 небӧг 5:20

Сэки Давид муніс Ваал-Перацимӧ да пасьвартіс сэні филистимсаясӧс. Давид шуис: «Ытва моз Господь нуис-бырӧдіс ме водзысь вӧрӧгӧс». Та вӧсна тайӧ местаыслы сетӧма Ваал-Перацим ним.

Ӧксыяслӧн 2 небӧг 5:25

Давид вӧчис, кыдзи тшӧктіс сылы Господь. Сійӧ пасьвартіс филистимсаясӧс Гевасянь Гезерӧдз.

1 Каднебӧг 14:11

Сэки израильсаяс мунісны Ваал-Перацимӧ. Давид пасьвартіс сэні филистимсаясӧс. Давид шуис: «Ытва моз Енмыс нуис-бырӧдіс вӧрӧгӧс менам киӧн». Та вӧсна тайӧ местаыслы сетӧма Ваал-Перацим ним.

1 Каднебӧг 14:16

Давид вӧчис, кыдзи тшӧктіс сылы Ен. Израильсаяс пасьвартісны филистимсаясӧс Гаваонсянь Гезерӧдз.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 28:19

Сійӧ кутас локны выльысь и выльысь, асывнас, луннас и рытнас, быд лун сійӧ кутас кылӧдны тіянӧс. Тайӧ висьталӧмсӧ гӧгӧрвоигӧн полӧмныдла ті кутанныд дзӧрны.

Исай 29:14

Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.

Исай 29:23

Сійӧ аддзас ас дінсьыс став челядьсӧ – Менам киӧн вӧчӧмторъясӧс. Найӧ вежавидзӧмӧн пондасны пыдди пуктыны Менсьым нимӧс, пыдди пуктыны Яковлысь вежа Енсӧ, пондасны вежавидзны Израильлӧн Енмысь.

Исай 64:2

биын сотчысь ув моз, би вылын пузьысь ва моз. Лэччы, Господьӧй, медым Тэнӧ мустӧмтысьяс тӧдісны Тэнсьыд нимтӧ! Тэ водзын мед дзӧрӧны-тіралӧны войтыръяс.

Исай 65:7

тіян мыжъясысь да батьясныдлӧн мыжъясысь, – висьталӧ Господь. – Керӧсъяс вылын найӧ сотісны висьяс, мылькъяс вылын омӧльтісны Менӧ. Ме мурталӧмӧн мынтыся налы важ уджъяссьыныс.

Еремей 30:14

Став тэнад ёртъясыд вунӧдісны тэнӧ, найӧ оз тӧждысьны тэ вӧсна. Вӧрӧг моз Ме пасьварті тэнӧ, чорыда мыжді тэнӧ уна лёк вӧчӧмсьыд, лыдтӧм-тшӧттӧм мыжъяссьыд.

Бӧрданкыв 2:15

Туй вывті ветлысь-мунысьяс кинас шлопнитӧмӧн шутьлялӧны, юрнас довкйӧдлӧны да Ерусалим йылысь омӧльтӧмӧн шуалӧны: «Тайӧ ӧмӧй сійӧ карыс, кодӧс шуисны медся мичаӧн, став муюгыдыслӧн гажӧн?»

Бӧрданкыв 3:33

Господьлӧн сьӧлӧмыс оз нимкодясь, кор Сійӧ чирыштӧ да шогӧ уськӧдӧ мортӧс.

Езекиль 33:21

Миянӧс пленӧ нуӧдӧмсянь дас кыкӧд вонас дасӧд тӧлысьлӧн витӧд лунӧ локтіс ме дінӧ морт, коді вӧлі пышйӧма Ерусалимысь. Сійӧ шуис, карыд пӧ киссис.

Аввакум 1:5

– Видзӧдӧй войтыръяс вылӧ, сюся видзӧдӧй да шензьӧй! Тіян олан лунъясӧ Ме вӧча сэтшӧмтор, мый тіянлы кӧ висьталасны та йылысь, ті онӧ эскӧй.

Нав Исус 10:10

Господь шӧйӧвоштіс аморейясӧс израильса тышкайӧзлӧн син водзын. Гаваон дорын израильсаяс пасьвартісны аморейясӧс. Сэсся Бет-Хоронӧ кайысь туйӧд Азека да Македа каръясӧдз вӧтчисны пышйысьяс бӧрся да бырӧдісны найӧс.

Нав Исус 10:11

Кор найӧ израильса тышкайӧзысь пышйигӧн лэччисны Бет-Хорон керӧс вылысь, Господь шыблаліс на вылӧ енэжсянь гырысь йиа шер. Тадзи вӧлі Азека карӧдз став туй чӧжныс, и унаӧн кулісны. Унджыкыс кулісны эз израильсаяслӧн шыпурт помысь, а гырысь йиа шер улӧ веськалӧмысь.

Нав Исус 10:12

Сійӧ лунӧ, кор Господь [Ен] сетіс аморейясӧс Израиль пиянлӧн киӧ, Исус шыасис Господь дінӧ израильсаяс водзын. Сійӧ шуис: – Шонді, сувт Гаваон весьтӧ! Тӧлысь, сулав Аялон ковтыс весьтын!