Исай 28:19 - Коми Библия 2023

¹⁹ Сійӧ кутас локны выльысь и выльысь, асывнас, луннас и рытнас, быд лун сійӧ кутас кылӧдны тіянӧс. Тайӧ висьталӧмсӧ гӧгӧрвоигӧн полӧмныдла ті кутанныд дзӧрны.

Исай 28:19 Iomraidhean Croise

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Ӧксыяслӧн 4 небӧг 18:13

Езекей ӧксылӧн дас нёльӧд веськӧдлан воӧ ассурса Сеннахирим ӧксы уськӧдчис иудаса изкаръяс вылӧ да босьтіс найӧс.

Ӧксыяслӧн 4 небӧг 21:12

Таысь, – висьталӧ Господь, Израильлӧн Ен, – Ме ыста Ерусалим вылӧ да Иуда муӧ сэтшӧм ыджыд шог, мый тайӧс кылӧмысь мортыслӧн кыкнан пеляс жуньгыны кутас.

Ӧксыяслӧн 4 небӧг 24:2

Господь мӧдӧдіс Ехоякимлы паныд калдея, арамей, моав да аммон тышкайӧзӧс, медым бырӧдны Иуда му, кыдзи висьталіс Господь Сылы кесъялысь пророкъяс пыр.

Иов 18:11

Повзьӧданторъяс кытшаласны сійӧс, вӧтчасны сы бӧрся.

Иов 24:17

Асылыс налы сап пемыд кодь, пемыдыслысь повзьӧданторъяссӧ найӧ тӧдӧны.

Иов 41:9

Найӧ сэтшӧма йитчӧмаӧсь, мый торйӧднысӧ он вермы.

Иов 6:4

Ставсӧвермысьлӧн ньӧвъясыс сатшисны меным, менам лолӧй пагалӧ налӧн ядысь, Енмыс мӧдӧдіс меным повзьӧданторъяс.

Псалтыр 55:4

Кор ме пола, Тэ вылӧ лача кута.

Псалтыр 88:15

Тэнад юралӧмыдлӧн подулыс – веськыдлун да веськыда мыждӧм. Буралӧмыс да збыльыс ветлӧны Тэ водзвылын.

Исай 33:7

Со, вынаяс горзӧны ывлаын, лӧньлунсӧ юӧртысьяс курыда бӧрдӧны.

Исай 36:22

Ӧксы керкаӧн веськӧдлысь Эляким, Хилкилӧн пиыс, гижалысь Шевнай да вӧвлӧмторъяс пасъялысь Йоах, Асафлӧн пиыс, косялісны ассьыныс паськӧмнысӧ, мунісны Езекей дінӧ да висьталісны сылы ассурса ӧксылӧн эскана мортлысь кывъяссӧ.

Исай 37:3

Езекей тшӧктіс висьтавны Исайлы: «Тайӧ луныс – шогалан да мыждан-янӧдан лун. Чужысь кага дась нин петны мам кынӧмысь, но мамлӧн абу выныс чужтынысӧ.

Исай 50:4

Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Еремей 19:3

Иудаса ӧксыяслы да Ерусалимын олысьяслы тшӧкты кывзыны Господьлысь кывсӧ. Юӧрт налы, мый Господь Саваоф, Израильлӧн Ен, тадзи висьталӧ: тайӧ муас Ме мӧдӧда сэтшӧм шог, мый та йылысь кылысьлӧн пеляс кутас тіньгыны.

Еремей 4:5

Висьталӧй Иудаын, юӧртӧй Ерусалимын, му пасьтала буксӧй буксанӧн, гораа горзӧй да юӧртӧй: «Локтӧй, чукӧртчамӧй, мунамӧй изкаръясӧ!»

Еремей 4:9

«Сійӧ лунӧ, – висьталӧ Господь, – ӧксылысь да юралысьяслысь сьӧлӧмсӧ топӧдас, попъясӧс полӧм босьтас, пророкъяс шӧйӧвошасны».

Еремей 6:24

– Ми кылім на йылысь юӧр, и миян киясным вынтӧммисны, шогыс суис миянӧс, дойыс топӧдіс миянӧс кага чужтысь аньӧс моз.

Бӧрданкыв 2:22

Гаж вылӧ моз быдласянь Тэ вайӧдін бырӧдысьӧс. Господьлӧн скӧралан лунӧ некод эз мездмы, некод ловйӧн эз коль. Найӧс, кодъясӧс ме чужті-быдті, бырӧдіс менӧ мустӧмтысь.

Даниил 7:28

Та вылын помасьӧ менам висьталӧмӧй. Ме, Даниил, ёна повзи, мӧвпъясӧй повзьӧдісны менӧ, весиг чужӧмӧй кельдӧдіс. Но сійӧс, мый вӧлі восьтӧма меным, ме видзи аслам сьӧлӧмын.

Даниил 8:27

Ме, Даниил, дзикӧдз эбӧсысь уси да виси некымын лун чӧж. Сэсся чеччи да бара понді кесъявны ӧксылы. Сійӧ, мый ме аддзылі, ёна чуймӧдіс менӧ, и гӧгӧрвоны эг вермы.

Аввакум 3:16

Ме шызьӧмсӧ кылі да, пытшкӧсӧй тіравны пондіс, вомдорӧй вӧрны кутіс, дойыс лыясӧдз пырис, кокӧй дзӧрны пондіс. Но ме лӧня виччыся сійӧ лунсӧ, кор шогыс суас менам войтыр вылӧ уськӧдчысьясӧс.

Ӧксыяслӧн 1 небӧг 3:11

Господь шуис Самуиллы: «Регыд Израильын Ме вӧча сэтшӧмтор, мый тайӧс кылӧмысь мортыслӧн кыкнан пеляс жуньгыны кутас.