Исай 27:9 - Коми Библия 2023

⁹ Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Исай 27:9 Iomraidhean Croise

Ӧксыяслӧн 4 небӧг 10:26

Сэтысь петкӧдісны Вааллы сиӧм юрбитан сюръяяссӧ да сотісны.

Ӧксыяслӧн 4 небӧг 23:14

Ӧксы жугліс юрбитан изъяс, пӧрӧдіс юрбитан пуяс да тыртіс сійӧ местасӧ морт лыясӧн.

Ӧксыяслӧн 4 небӧг 25:9

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

2 Каднебӧг 14:5

Иудаса став карысь сійӧ бырӧдіс вись ваян мылькъяс да тшынӧдчан висьпуктанінъяс. Аса ӧксылӧн веськӧдлан кадӧ Иуда муын овсис лӧня.

2 Каднебӧг 34:4

Иосейлӧн тшӧктӧм серти жуглісны Вааллысь висьпуктанінъяс да на весьтын сулалысь тшынӧдчан висьпуктанінъяс. Юрбитан пуяс пӧрӧдісны, идолъясӧс да бӧлбанъясӧс жуглісны торпыригӧдз, а торпыригъяссӧ шыблалісны сійӧ йӧзыслӧн дзебанінъяс вылӧ, кодъяс вайлісны идолъяслы вись.

2 Каднебӧг 36:19

Найӧ сотісны Енлысь крамсӧ, жугӧдісны Ерусалим карлысь стенсӧ, сотісны ӧксылысь керкаяссӧ да бырӧдісны сылысь став озырлунсӧ.

Петӧм 34:13

Налысь висьпуктанінъяссӧ жуглӧй, юрбитан изъяссӧ пасьвартӧй, юрбитан пуяссӧ кералӧй [да бӧлбанъяссӧ биын сотӧй].

Шусьӧгъяс 20:30

Нӧйтӧм-ньӧръялӧмыд торйӧдӧ лёксьыс, дойясыд весалӧны сьӧлӧмтӧ.

Исай 1:29

Муса пуясныд вӧсна тіянлы яндзим лоӧ, аслыныд бӧрйӧм расъясныд вӧсна тіянлы юръяндзим лоӧ.

Исай 17:8

Сійӧ оз нин видзӧд аслас киӧн вӧчӧм висьпуктанінъяс вылӧ, оз нин кыпӧд синсӧ аслас киӧн вӧчӧм юрбитан пуяс да тшынӧдчан висьпуктанінъяс вылӧ.

Исай 30:22

Сэки ті понданныд пежӧн лыддьыны эзысьӧн эжӧм бӧлбанъяснытӧ да зарниӧн эжӧм идолъяснытӧ. Ті шыбитанныд найӧс пеж шыбласӧс моз да шуанныд налы: «Весасьӧй татысь!»

Исай 4:4

Господь мыськалас сионса аньясӧс став пежсьыс, весалас Ерусалимӧс вирсьыс веськыда мыждысь ловнас, биӧн сотысь ловнас.

Исай 40:2

Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

Исай 48:10

Ме сывді тэнӧ, но эзысьӧс моз тэнӧ он сӧстӧммӧд, Ме тӧдмалі тэнӧ сьӧкыд нуӧм пыр.

Езекиль 11:18

Бӧр локтысьяс бырӧдасны сэтысь став пежторсӧ да зывӧкторсӧ.

Езекиль 20:38

Тіян пӧвстысь торйӧда Меным паныд кыпӧдчысьясӧс да Менсьым кывзысьтӧмъясӧс. Ме петкӧда найӧс муысь, кӧні найӧ олӧны локтысьяс моз, но Израиль муӧ найӧ оз пырны. Сэки ті тӧдмаланныд, мый Ме – Господь.

Езекиль 6:4

Висьпуктанінъяснытӧ куштасны, тшынӧдчанінъяснытӧ жугласны. Идолъясныд водзӧ Ме шыблала виӧмаясӧс.

Даниил 11:35

Мывкыд веськӧдлысьясысь кодсюрӧ куласны, медым на пиысь ловйӧн кольӧмаясӧс тӧдмавны да весавны-сӧстӧммӧдны бӧръя кад кежлӧ, ӧд урчитӧм кадыс эз на во.

Осий 14:8

Израиль войтыр бара овмӧдчас олив пуяслӧн вуджӧр улӧ, найӧ пондасны быдтыны нянь, кутасны дзоридзавны виноград моз, нимавны ливанса вина моз.

Левит 26:30

Вись ваян мылькъяснытӧ Ме бырӧда, тшынӧдчан висьпуктанінъястӧ жугла, шойяснытӧ шыблала жуглӧм бӧлбанъясныд вылӧ. Ті лоанныд Меным зывӧкӧсь.

Микей 5:11

бырӧда тіянлысь каръяснытӧ, кисьта изкаръяснытӧ.

Закар 13:2

«Сійӧ лунӧ, – висьталӧ Господь Саваоф, – Ме бырӧда тайӧ мусьыс идолъясӧс, весиг налысь нимъяссӧ вунӧдасны. Нӧшта Ме бырӧда тайӧ мусьыс ылӧгпророкъясӧс да пеж лолӧс.

Римӧ 11:27

Ме босьта налысь мыжъяссӧ – татшӧм йитӧд Ме кӧртала накӧд.

1 Коринфӧ 11:32

А мыждӧ кӧ, миянӧс бур вылӧ велӧдӧ, медым тайӧ муюгыдсаыскӧд ӧтвыв эгӧ веськалӧй мыждӧм улӧ.

Индӧд 12:3

Налысь висьпуктанінъяссӧ бырӧдӧй, юрбитан изъяссӧ пасьвартӧй, юрбитан пуяссӧ сотӧй да бӧлбанъяссӧ жуглӧй, медым дзикӧдз вушъяс налӧн енъяслӧн нимыс.

Еврейяслы 12:6

Ӧд Господь чирыштӧ сійӧс, кодӧс радейтӧ, нӧйтӧ сійӧс, кодӧс пи туйӧ пуктӧ.