Исай 26:8 - Коми Библия 2023

⁸ Тэнад веськыда мыждан туй вывті мунігӧн ми лача кутам Тэ вылӧ, Господьӧй, ёна кӧсъям шыасьны Тэнад нимӧ, казьтывны Тэ йылысь.

Исай 26:8 Iomraidhean Croise

Ӧксыяслӧн 2 небӧг 23:5

Абу-ӧ татшӧм менам рӧдӧй Ен водзын? Енмыс пыр кежлӧ кӧрталіс мекӧд йитӧд – зумыдӧс да вежсьывлытӧмӧс. Быд кадӧ Сійӧ мездыліс менӧ, збыльмӧдліс менсьым кӧсйӧмъясӧс.

Псалтыр 106:3

чукӧртіс быд му пельӧсысь: асыввылысь и рытыввылысь, войвылысь и саридз дорысь.

Псалтыр 42:2

Тэ ӧд менӧ дорйысь Ен. Мыйла Тэ эновтін менӧ, мыйла меным лоӧ шогсьыны мустӧмтысьяслӧн дзескӧдӧмысь?

Псалтыр 65:6

Саридзсӧ Сійӧ вӧчис кос муӧн, войтырыс подӧн вуджис саридз вомӧн, та вӧсна ми нимкодясям Сыӧн.

Псалтыр 84:2

Господьӧй, Тэ вӧлін бур сьӧлӧма Аслад муыд дінӧ, бӧр вайӧдін пленысь Яковсянь чужысьясӧс.

Петӧм 3:15

Ен нӧшта шуис Мӧисейлы: «Висьтав Израиль пиянлы, мый Господь, налӧн батьяслӧн Ен, Ӧвраамлӧн Ен, Исааклӧн Ен да Яковлӧн Ен, мӧдӧдіс тэнӧ на дінӧ. Чужысьяссянь чужысьясӧдз Менӧ кутасны шуны Господьӧн. Тайӧ Менам нимӧй пыр кежлӧ.

Сьылан 5:8

Кыв сетӧй меным, ерусалимса нывъяс. Тіянлы кӧ паныдасяс менам мусукӧй, мый ті сылы висьталанныд? Висьталӧй, мый ме эбӧстӧмми муслунысь. (Мукӧдъяс:)

Исай 12:4

Сійӧ лунӧ ті шуанныд: «Ошкӧй Господьӧс, шыасьӧй Сы дінӧ! Юӧртӧй войтыръяслы Сылӧн уджъясыс йылысь, висьтавлӧй, кутшӧм ыджыд Сылӧн нимыс.

Исай 24:15

Асыввылын олысьяс, ошкӧй Господьӧс! Саридз дорын олысьяс, ошкӧй Господьӧс, Израильлысь Енсӧ!

Исай 25:1

Господьӧй, Тэ – менам Енмӧй! Ме ыдждӧдла Тэнӧ, ошка Тэнсьыд нимтӧ. Тэ вӧчин шензьӧданаторъяс, важысянь мӧвпыштӧмторъяс, Тэнад вӧчӧмторъясыд збыльӧсь да эсканаӧсь.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 26:13

Господьӧй, миян Енмӧй, Тэ пыдди миян вылын ыджыдалісны мукӧд ыджыдъяс. Но ӧні ми шыасям сӧмын Тэ дінӧ.

Исай 30:18

Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!

Исай 33:2

Господьӧй, ло бур сьӧлӧма миян дінӧ! Тэ вылӧ ми лача кутам. Водз асывсянь ло миянлы Дорйысьӧн, сьӧкыд кадӧ ло миянлы Мездысьӧн!

Исай 49:23

Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав.

Исай 51:4

Кывзы Менӧ, войтырӧй, сюся кывзы Менӧ, войтырӧй! Индӧдыс воас Месянь, Менам веськыда мыждӧмӧй лоас югыдӧн войтыръяслы.

Исай 56:1

Господь тадзи висьталӧ: – Мыждӧй веськыда, олӧй веськыда, ӧд регыд воас Месянь мездмӧмыс, регыд воссяс Менам веськыдлунӧй.

Микей 4:5

Быд войтыр юрбитӧ аслас енлы, а ми юрбитам Господьлы, асланым Енлы, нэмъяс чӧж.

Микей 7:7

А ме видзӧда Господь вылӧ, виччыся мездӧмсӧ аслам Енсянь. Менам Енмӧй кылас менӧ.

Малакий 4:4

Энӧ вунӧдӧй Менам Мӧисей кесйӧглысь Индӧдсӧ, мый Ме сеті сылы Хорив керӧсын, энӧ вунӧдӧй тшӧктӧмъяссӧ, мый Ме сеті став Израиль войтырлы.

Лыд 36:13

Тайӧ индӧд-тшӧктӧмъяссӧ Господь сетіс Израиль пиянлы Мӧисей пыр Моав ласта вылын Йӧрдан ю бокын, Ериконлы воча.

Лука 1:6

Найӧ кыкнанныс олісны Ен водзын веськыда, ставсӧ вӧчисны Господьлӧн тшӧктӧм серти.

Ап. уджъяс 1:4

Апостолъяскӧд ӧтлаын сёйигӧн Исус шуис: «Ерусалимысь энӧ мунӧй. Виччысьӧй Батьлысь кӧсйысьӧмасӧ, мый йылысь Ме висьтавлі тіянлы.

Римӧ 8:25

Ми кӧ лача кутам аддзытӧм вылас, сэки виччысям терпитӧмӧн.

2 Фессалоникаӧ 3:5

Ачыс Господь мед веськӧдас тіянлысь сьӧлӧмнытӧ Енлӧн муслунас да Кристослӧн зумыдлунас.