Исай 25:11 - Коми Библия 2023

¹¹ Сэні сійӧ вартчысь моз кутас шенасьны кинас. Но Енмыс улӧ лэдзас сылысь вылӧ кыпӧдчӧмсӧ да сылысь наяна вӧчӧмсӧ.

Исай 25:11 Iomraidhean Croise

Иов 40:11

сылӧн лядьвейыс ён, кынӧм яйчигыс чорыдсьыс-чорыд.

Псалтыр 2:5

Аслас скӧрлунӧн Сійӧ повзьӧдас найӧс, дӧзмӧмӧн шуас налы:

Исай 10:33

Ӧні Ыджыдыс, Господь Саваоф, ыджыд вынӧн нетшкӧ пу вожъяс. Ыджыд пуяссӧ лоӧ кералӧма, джуджыд пуяс усясны.

Исай 13:11

Ме, Господь, мыжда муюгыдсӧ лёк вӧчӧмсьыс, мыжаясӧс – налӧн мыжсьыныс. Вылӧ кыпӧдчысьяслӧн вывтіасьӧмлы Ме пукта пом, дзескӧдысьяслысь ышнясьӧмсӧ Ме путкыльта.

Исай 14:26

Господьлӧн татшӧм шуӧмыс став муюгыдыс йылысь, Сылӧн киыс нюжӧдӧма став войтыръяс вылӧ.

Исай 16:14

А ӧні Господь тадзи висьталӧ: «Куим во мысти – лыддьыны кӧ сідзи, кыдзи медалӧм морт лыддьӧ ассьыс уджалан вояссӧ – Моавлӧн нималӧмыс бергӧдчас яналӧмӧ. Тайӧ войтырыслӧн лыдыс вӧлі вывті уна, но найӧ колясны зэв этшаӧн».

Исай 16:6

Ми кывлім Моавлӧн вылӧ кыпӧдчӧм йылысь – сійӧ этш тӧдтӧг ышнясьӧ! Ми тӧдам сылысь тшаплунсӧ, вывтіасьӧмсӧ да скӧрлунсӧ, сылысь ковтӧм сёрнисӧ.

Исай 2:10

Пышйӧй изкыртаӧ, дзебсьӧй му пытшкас ӧд тіянӧс полӧм топӧдас Господьлӧн вынысь, Сылӧн дзирдлунысь тіянӧс полӧм босьтас.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 2:15

Кутас мыждыны джуджыд башняяс да зумыда сулалысь карса стенъяс,

Исай 25:5

Кыдзи Тэ дугӧдан шонді пӧжӧмсӧ овтӧминын, тадзи Тэ ланьтӧдан паныд сувтысьяслысь шызьӧмсӧ. Кыдзи кымӧрлӧн вуджӧрыс тупкӧ пӧжысь шондіӧс, тадзи Тэ тупкан дзескӧдысьяслысь гажӧдчӧмсӧ.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Исай 53:12

Та вӧсна Ме сета Сылы пай ыджыдъяс пӧвстын, тышын шедӧдӧмасӧ Сійӧ пондас юкны вынаяскӧд, ӧд Сійӧ сетіс Асьсӧ кулӧм вылӧ, Сійӧс пуктісны лёк вӧчысьяс лыдӧ. Сійӧ босьтіс Ас вылас уна йӧзлысь мыжъяссӧ, кевмысис лёк вӧчысьяс вӧсна.

Исай 65:2

Быд лун Ме нюжӧдлі киӧс кывзысьтӧм войтыр дінӧ, коді мунӧ шогмытӧм туйӧд, олӧ аслас колӧм-кӧсйӧм серти.

Еремей 48:29

Ми кывлім Моавлӧн вылӧ кыпӧдчӧм йылысь – сійӧ этш тӧдтӧг ышнясьӧ! Ми тӧдам сылысь тшаплунсӧ да вывтіасьӧмсӧ, тӧдам сылысь ыкша сьӧлӧмсӧ.

Еремей 48:42

Моав войтырӧс лоӧ бырӧдӧма, ӧд сійӧ кыпӧдчис Господьлы паныд.

Еремей 48:47

Но бӧръя лунъясӧ Ме бергӧда моав войтырӧс пленысь, – висьталӧ Господь. Та вылын помасьӧ Моавӧс мыждӧм.

Еремей 51:44

Ме мыжда вавилонсаяслысь Вил идолӧс, Ме перъя сылӧн вомысь ньылыштӧмасӧ, войтыръяс оз нин локны сы дінӧ. Вавилонса стенъяс киссясны.

Колосӧ 2:15

Сійӧ песовтіс ыджыдалысьясӧс да вынаясӧс, шыбитіс найӧс яналӧмас да вермис Кристос пыр.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.