Исай 23:11 - Коми Библия 2023

¹¹ Господь нюжӧдіс Ассьыс кисӧ саридз весьтӧ да пыркнитіс войтыръясӧс. Господь тшӧктіс жугӧдны Ханаанлысь изкаръяссӧ.

Исай 23:11 Iomraidhean Croise

Олӧм 9:25

да шуис: «Ёрӧма Ханаанӧс, сійӧ лоас кесйӧгӧн вокъясыслӧн кесйӧгъяслы».

Псалтыр 46:6

Гажӧдчан шы улӧ Господь Ен пуксис юралан пуклӧсӧ, буксан шы улӧ Сійӧ пуксис юравны.

Псалтыр 71:3

Керӧсъяс мед ваясны йӧзыслы лӧньлун, мылькъяс – веськыдлун.

Петӧм 14:21

Мӧисей нюжӧдіс кисӧ саридзлань, и Господь войбыд йӧткис васӧ ён асыв тӧлӧн. Ваыс вешйис ӧтарӧ-мӧдарӧ, и тыдовтчис саридз пыдӧсыс.

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Исай 13:13

Енэжсӧ Ме вӧрзьӧда, и муыс вешъяс аслас местаысь. Тадзи лоӧ Господь Саваофлӧн ярлуныс вӧсна Сылӧн скӧралан лунӧ.

Исай 14:26

Господьлӧн татшӧм шуӧмыс став муюгыдыс йылысь, Сылӧн киыс нюжӧдӧма став войтыръяс вылӧ.

Исай 19:5

Саридзын ваыс ямас, юын ваыс чинас да косьмас.

Исай 2:19

Йӧзыс пышъясны изкыртаясӧ, дзебсясны му горсъясӧ, ӧд найӧс полӧм топӧдас Господьлӧн вынысь, Сылӧн дзирдлунысь найӧс полӧм босьтас. Господь кыпӧдчас, и йӧзсӧ полӧм босьтас!

Исай 23:10

Фарсисын олысьяс, ӧні тіян мытшӧдыс абу, ойдӧм ю моз паськӧдчӧй асланыд муын.

Исай 23:3

Помтӧм-дортӧм ва вывті тіян карӧ вайлісны Шихорысь нянь, Нил ю дорысь быдтӧмторъяс. Тіян карныд вӧлі уна войтырлы вузасянінӧн.

Исай 25:2

Карсӧ Тэ кисьтін, сійӧ лои из чукӧрӧн, изкарыс лои лӧп чукӧрӧн. Нартитысьяслысь керкаяссӧ жуглӧма, найӧс некор нин бӧрсӧ оз лэптыны.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Еремей 47:7

Но тэ он вермы ӧвсьынытӧ, ӧд Господь тшӧктіс тэныд сувтны Аскалон карлы паныд да саридз дорын олысьяслы паныд.

Езекиль 26:10

Жугӧдӧм карӧ дзиряӧдыд пырасны верзьӧмаяс да вӧла-тарантаса тышкайӧз, и налӧн шыысь стенмыд пондас дзӧрны. Тэ тыран унасьыс-уна вӧлӧн лэптӧм буснас.

Езекиль 26:4

Тир карлысь стенсӧ жугласны, башняяссӧ кисьтасны. Ме чышка сэтысь весиг мусӧ, кольӧ сӧмын изкырта

Езекиль 31:16

Ме уськӧді сус пуӧс, шыбиті сійӧс пыдӧстӧминӧ кулӧмаяс пӧвстӧ. Сылӧн грымгысьӧм-усьӧмӧн Ме пыркниті войтыръясӧс. Эдэмса пуяс да медбур ливанса пуяс, ваӧн коркӧ юкталӧм пуяс, пондісны нимкодясьны му пыдӧсас.

Наум 1:14

Ниневия кар йылысь Господь тадзи шуӧ: – Тэнад нимыд бырас, водзӧ чужысьясыд оз лоны. Тэнад крамысь Ме жугла идолъястӧ да бӧлбанъястӧ, дасьта тэнӧ гуаланін, ӧд тэ нинӧм кодь.

Аггей 2:7

Ме пыркнита став войтыръяссӧ, и найӧ ваясны ассьыныс озырлунсӧ крамӧ. Ассьым крамӧс Ме тырта дзирдлунӧн, – висьталӧ Господь Саваоф. –

Закар 14:21

Ерусалимын да Иуда муын став пӧртсӧ лоӧ вежӧдӧма-торйӧдӧма Господь Саваофлы. Вись вайиганыс йӧзыс босьтасны пӧртъяссӧ да пуасны сэні висьлысь яйсӧ. Сійӧ лунӧ Господь Саваофлӧн крамын оз ло весиг ӧти вузасьысь.

Марк 11:17

Сійӧ велӧдіс найӧс шуалӧмӧн: «Абу-ӧ гижӧма, мый Менам керкаӧй кутас шусьыны став войтыръяслӧн кевмысян керкаӧн? А ті сыысь лёк вӧчысьяслы дзебсянін вӧчинныд».

Иоан 2:16

Гулюӧн вузасьысьяслы Сійӧ шуис: «Петкӧдӧй гулюястӧ татысь! Энӧ пӧртӧй Менам Батьлысь керкасӧ вузасянінӧ!»