Исай 22:23 - Коми Библия 2023

²³ Ме вӧча сійӧс зумыдінӧ тувъялӧм кӧрттулӧн, сійӧ нимӧдас батьыслысь рӧдсӧ.

Исай 22:23 Iomraidhean Croise

Ездра 9:8

Но дженьыд кад кежлӧ Господь, миян Енным, петкӧдліс Ассьыс буралӧмсӧ миян дінӧ. Сійӧ мездіс миян войтырлысь коляссӧ да лэдзис миянлы бӧр овмӧдчыны Аслас вежа карӧ. Миян Енным сетіс югъявны миян синъяслы, кесйӧг туйын оліганым сетіс миянлы ловзьыштны.

Эсфир 10:3

Иудей Мардокей вӧлі Артаксеркс ӧксы бӧрся медыджыд морт. Иудейяс пӧвстын Мардокей вӧлі пыдди пуктана да радейтана, ӧд сійӧ кӧсйис сӧмын бурсӧ аслас войтырлы да тӧждысис на вӧсна. [Мардокейлӧн висьталӧм: «Ставыс тайӧ вӧлі Енсянь. Тайӧ лоӧмторъяс йылысь вӧтӧй ставнас иніс, и ме ог вунӧд сійӧс. Ичӧт ва петанін лои юӧн. Вӧлі югыд, вӧлі шонді да уна ва. Юыс вӧлі Эсфир, кодӧс ӧксы босьтіс гӧтырӧ да пуктіс ӧксы-аньӧ. Кык гундырыс – тайӧ ме да Аман. Войтыръяс чукӧртчисны бырӧдны иудейясӧс, но менам Израиль войтырӧй шыасис Ен дінӧ да мездмис. Господь мездіс Ассьыс войтырсӧ, видзис миянӧс став лёксьыс. Енмыс петкӧдліс индысьпасъяс да вӧчис ыджыд шензьӧданаторъяс – татшӧмыс некор эз вӧвлы мукӧд войтыръяс пӧвстын. Енмыс лӧсьӧдіс Аслас войтырлы ӧтитор, мукӧд войтыръяслы – мӧдтор, тадзи Аманлысь пудъясьӧмсӧ бергӧдіс мӧдарӧ. Воис кад инны пудъясьӧмыслы, воис лун мыждыны Енлы войтыръясӧс. Енмыс эз вунӧд Ассьыс войтырсӧ, веськыда вӧчис Аслас бӧрйӧм войтырлы. Та вӧсна быд во нэмъяс чӧж адар тӧлысь дас нёльӧд да дас витӧд лунъясӧ Енлӧн Израиль войтыр мед чукӧртчас Ен водзӧ да гажӧдчас нимкодясьӧмӧн». Птоломейлӧн да Клеопатралӧн нёльӧд ӧксыалан воӧ Досифей да сылӧн Птоломей пиыс вайӧмаӧсь пурим йылысь тайӧ гижӧдсӧ Александрия карӧ. Шуӧны, мый Досифейыс вӧлӧма попӧн да левитӧн. Гижӧдсӧ вуджӧдіс Птоломейлӧн Лисимах пиыс, коді оліс Ерусалимын.]

Эсфир 4:14

Тэ кӧ ӧні пондан чӧв овны, отсӧгыс да мездмӧмыс иудейяслы воас мӧдласянь. А тэнӧ да тэнад батьлысь рӧдсӧ бырӧдасны. Гашкӧ, дзик тайӧ кадыс вӧсна тэ и лоин ӧксы гӧтырӧн».

Иов 36:7

Веськыда олысьяс вылысь Сійӧ синсӧ оз вештыв, пуксьӧдӧ найӧс юравны ӧксыяскӧд, вылӧ кыпӧдӧ найӧс пыр кежлӧ.

Еклесиаст 12:11

Мывкыдалӧн кывъясыс ӧшкӧн веськӧдлан ёсь бедь кодьӧсь, шусьӧгъясыс – сатшкысь кӧрттув кодьӧсь. Найӧс лӧсьӧдӧма ачыс ыж видзысьыс.

Исай 22:24

Элякимлӧн челядьыс, челядьыслӧн ныв-пиыс да став рӧдвужыс асланыс сьӧктанас кутасны ӧшавны сы вылын зумыд кӧрттув вылын моз, кыдзи кӧрттув вылын ӧшалӧны гортса дозмукъяс да гырничьяс.

Исай 22:25

Но воас лун, – висьталӧ Господь Саваоф, – кор зумыдінӧ тувъялӧм кӧрттулыс усяс. Сійӧ чегас да усяс, и ставыс, мый кутчысис сы вылын, усяс да жугалас». Тадзи висьталӧ Господь.

Закар 10:4

Иуда чужанкотырысь сувтас пельӧс изйыс, сысянь кыпӧдчас чом зэвтан майӧгыс, сысянь петас тышкасян ньӧввужйыс, сысянь петасны юралысьяс.

Восьтӧм 3:21

Ме лои Вермысьӧн да пукси Аслам Батькӧд орччӧн Сылӧн пуклӧсӧ. Сідзкӧ, вермысьӧс ме тшӧтш пуксьӧда Аскӧд орччӧн Менам пуклӧсӧ.

Ӧксыяслӧн 1 небӧг 2:8

Коньӧрӧс Сійӧ лэптӧ бус пытшкысь, гӧльӧс перйӧ няйтысь, пуксьӧдӧ найӧс ыджыдалысьяскӧд орччӧн, сетӧ налы нималана пуклӧс. Господь кутӧ мулысь подувсӧ, сы вылӧ пуктӧма муюгыдсӧ.