Исай 22:15 - Коми Библия 2023

¹⁵ Ыджыдыс, Господь Саваоф, тадзи висьталіс: «Мун ӧксы керкаын веськӧдлысь Шевнай дінӧ да висьтав сылы:

Исай 22:15 Iomraidhean Croise

Ӧксыяслӧн 3 небӧг 4:6

Ахишар веськӧдліс ӧксылӧн овмӧс-керкаӧн, Авдайлӧн Адонирам пиыс веськӧдліс йӧзӧн, кодъяс уджалӧмнас мынтісны вот.

Ӧксыяслӧн 4 небӧг 10:5

Ӧксы керкаӧн веськӧдлысь, карса юралысь, юрнуӧдысьяс да ӧксылысь пиянсӧ видзысьяс ыстісны Ехулы воча юӧр: «Ми – тэнад кесйӧгъяс, и вӧчам ставсӧ, мый тэ тшӧктан. Ми некодӧс ӧксыӧ огӧ пуктӧй. Вӧч, кыдзи тэ кӧсъян».

Ӧксыяслӧн 4 небӧг 18:18

Найӧ корисны Езекей ӧксыӧс, но на дінӧ локтісны ӧксы керкаӧн веськӧдлысь Эляким, Хилкилӧн пиыс, Шевнай нима гижалысь да вӧвлӧмторъяс пасъялысь Йоах, Асафлӧн пиыс.

Ӧксыяслӧн 4 небӧг 18:26

Хилкилӧн Эляким пиыс, Шевнай да Йоах шуисны ассурса ӧксылӧн эскана мортлы: «Корам тэнӧ, ыджыдӧй, сёрнит миянкӧд арамей кыв вылын, ми ӧд гӧгӧрвоам. Эн сёрнит миянкӧд еврей кыв вылын, ӧд карса стен вылын войтырыс ставсӧ кылӧ».

Ӧксыяслӧн 4 небӧг 18:37

Ӧксы керкаӧн веськӧдлысь Эляким, Хилкилӧн пиыс, гижалысь Шевнай да вӧвлӧмторъяс пасъялысь Йоах, Асафлӧн пиыс, косялісны ассьыныс паськӧмнысӧ, мунісны Езекей дінӧ да висьталісны сылы ассурса ӧксылӧн эскана мортлысь кывъяссӧ.

Ӧксыяслӧн 4 небӧг 19:2

Езекей мӧдӧдіс Исай пророк дінӧ, Амослӧн пи дінӧ, ӧксы керкаӧн веськӧдлысь Элякимӧс, гижалысь Шевнайӧс да юрнуӧдысь попъясӧс. Ставныс найӧ вӧліны шогалан паськӧмаӧсь.

1 Каднебӧг 27:25

Ӧксылӧн озырлун видзанінъяс вӧсна кывкутіс Азмавет, Адиэллӧн пиыс. Мукӧд видзанінъяс вӧсна, кодъяс вӧліны видз-му вылын, каръясын, сиктъясын да изкаръясын, кывкутіс Ионафан, Озейлӧн пиыс.

Исай 36:11

Эляким, Шевнай да Йоах шуисны ассурса ӧксылӧн эскана мортлы: «Корам тэнӧ, ыджыдӧй, сёрнит миянкӧд арамей кыв вылын, ми ӧд гӧгӧрвоам. Эн сёрнит миянкӧд еврей кыв вылын, ӧд карса стен вылын войтырыс ставсӧ кылӧ».

Исай 36:22

Ӧксы керкаӧн веськӧдлысь Эляким, Хилкилӧн пиыс, гижалысь Шевнай да вӧвлӧмторъяс пасъялысь Йоах, Асафлӧн пиыс, косялісны ассьыныс паськӧмнысӧ, мунісны Езекей дінӧ да висьталісны сылы ассурса ӧксылӧн эскана мортлысь кывъяссӧ.

Исай 36:3

Сылы воча петісны ӧксы керкаӧн веськӧдлысь Эляким, Хилкилӧн пиыс, Шевнай нима гижалысь да вӧвлӧмторъяс пасъялысь Йоах, Асафлӧн пиыс.

Исай 37:2

Езекей мӧдӧдіс Исай пророк дінӧ, Амослӧн пи дінӧ, ӧксы керкаӧн веськӧдлысь Элякимӧс, гижалысь Шевнайӧс да юрнуӧдысь попъясӧс. Ставныс найӧ вӧліны шогалан паськӧмаӧсь.

Ап. уджъяс 8:27

Филип чеччис да петіс туйӧ. Сійӧ кадас сэті муніс эфиопияса ыджыд чина морт, евнук, эфиопияса кандакиялӧн – ӧксы-аньлӧн – став овмӧснас веськӧдлысь. Сійӧ вӧлі волӧма Ерусалимӧ юрбитны,