Исай 22:11 - Коми Библия 2023

¹¹ Кык стен костӧ ті вӧчинныд ва видзанін, медым чукӧртны сэтчӧ важ йӧртӧдысь васӧ. Но ті энӧ кыпӧдӧй синнытӧ Сы вылӧ, коді вӧчӧ тайӧс, энӧ видзӧдӧй Сы вылӧ, коді водзысяньыс вӧлі мӧвпыштӧма та йылысь.

Исай 22:11 Iomraidhean Croise

Ӧксыяслӧн 4 небӧг 20:20

Езекей ӧксыалӧм дырйи мукӧд лоӧмторъяс йылысь да сылӧн тӧдчана уджъясыс йылысь гижӧма иудаса ӧксыяслӧн каднебӧгӧ. Сэтчӧ нӧшта гижӧма, мый сійӧ кодйис вайӧртӧд да ва визувтанін, и карас нюжӧдіс ва.

Ӧксыяслӧн 4 небӧг 25:4

карсӧ кытшалысь калдеяса тышкайӧз жугӧдісны карса стенсӧ. Войнас иудаса тышкайӧз петісны Ерусалим карысь дзиръяӧд, мый вӧлі кыкпӧвста стенмас ӧксылӧн сад дорын. Седекей ӧксы аслас йӧзкӧд пышйис Йӧрдан ковтыслань.

2 Каднебӧг 6:6

А ӧні Ме бӧрйи Ерусалим кар, медым сэні вӧлі Менам нимӧй. Ме бӧрйи Давидӧс, медым сійӧ веськӧдліс Менам Израиль войтырӧн”.

Неемий 3:16

Сэтысянь водзӧ Давид рӧдлӧн дзебанін дорӧдз, кодйӧм вайӧртӧдӧдз да тышкайӧз керкаӧдз, стенсӧ дзоньталіс Азбуклӧн Неемий пиыс, Бет-Цур гӧгӧр му джынйӧн веськӧдлысь.

Исай 17:7

Сійӧ лунӧ мортыс видзӧдлас сійӧс Вӧчысьыс вылӧ, кыпӧдас синсӧ Израильлӧн вежа Енлань.

Исай 22:10

Ерусалимын ті видзӧдалінныд керкаяс да кодсюрӧӧс на пӧвстысь кисьтінныд, медым тайӧ изъяснас дзоньтавны карса стенъяс.

Исай 31:1

Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.

Исай 37:26

Но тэ ӧмӧй эн кывлы, мый ставсӧ тайӧс Ме важысянь нин дасьті? Ме водзысяньыс мӧвпышті та йылысь, а ӧні збыльмӧді тайӧс тэ пыр – тэ пазӧдін зумыд каръяс, найӧ лоины из чукӧръясӧн.

Исай 7:3

Сэки Господь шуис Исайлы: «Мун Шеар-Ясув пиыдкӧд да воча пет Ахазлы. Мунӧй вылыс вайӧртӧдсянь визувтысь ва дорӧ, пожъясянінӧ нуӧдан туй вылӧ.

Исай 8:17

Ме виччыся Господьӧс, кӧть Сійӧ тупкис Ассьыс чужӧмбансӧ Яковлӧн рӧдысь. Господь вылӧ ме лача кута!

Еремей 39:4

Найӧс аддзигӧн иудаса Седекей ӧксы да сылӧн тышкайӧзыс пышйисны. Войнас найӧ петісны карсьыс дзиръяӧд, мый вӧлі кыкпӧвста стенмас ӧксылӧн сад дорын. Седекей ӧксы аслас йӧзкӧд мӧдӧдчис Йӧрдан ковтыслань.

Микей 7:7

А ме видзӧда Господь вылӧ, виччыся мездӧмсӧ аслам Енсянь. Менам Енмӧй кылас менӧ.