Исай 2:12 - Коми Библия 2023

¹² Господь Саваофлӧн дасьтӧма лун, кор Сійӧ кутас мыждыны вылӧ кыпӧдчысьясӧс, ышнясьысьясӧс да вывтіасьысьясӧс, и найӧс лоӧ улӧ лэдзӧма.

Исай 2:12 Iomraidhean Croise

Ӧксыяслӧн 2 небӧг 22:28

Увтыртӧмаясӧс Тэ мездан, а вылӧ кыпӧдчысьясӧс Тэ улӧ лэдзан.

Иов 24:1

Мыйла Ставсӧвермысь абу индӧма мыждан кадъяссӧ, мыйла Сійӧс тӧдысьяс оз аддзыны Сылысь мыждан лунъяссӧ?

Псалтыр 131:1

Крамӧ мунігӧн сьылӧм. Господьӧй, эн вунӧд Давидӧс, эн вунӧд сылысь сьӧкыд нуӧмсӧ.

Псалтыр 37:13

Менсьым олӧмӧс корсьысьяс октӧны меным нальк, меным лёксӧ вӧчны кӧсйысьяс мӧвпалӧны менӧ виӧм йылысь, найӧ быд лун наяна сёрнитӧны меным паныд.

Псалтыр 94:2

Локтӧй Сылӧн чужӧмбан водзӧ Сійӧс аттьӧалӧмӧн, ошкӧй Сійӧс гораа сьылӧмӧн!

Шусьӧгъяс 16:5

Господь зывӧктӧ ыкша мортӧс, мыждытӧг сійӧс оз коль. [Бур туйыд веськыда вӧчӧмсянь заводитчӧ, вись вайӧм дорысь Енмыслы тайӧ шогманаджык. Господьӧс корсьысь аддзас тӧдӧмлун да веськыдлун, сьӧлӧмсяньыс Господьӧс корсьысь аддзас лӧньлун.]

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 10:33

Ӧні Ыджыдыс, Господь Саваоф, ыджыд вынӧн нетшкӧ пу вожъяс. Ыджыд пуяссӧ лоӧ кералӧма, джуджыд пуяс усясны.

Исай 13:11

Ме, Господь, мыжда муюгыдсӧ лёк вӧчӧмсьыс, мыжаясӧс – налӧн мыжсьыныс. Вылӧ кыпӧдчысьяслӧн вывтіасьӧмлы Ме пукта пом, дзескӧдысьяслысь ышнясьӧмсӧ Ме путкыльта.

Исай 13:6

Ырзӧмӧн бӧрдӧй, ӧд Господьлӧн луныс матын нин, сійӧ локтӧ Ставсӧвермысьсянь да бырӧдӧ ставсӧ.

Исай 13:9

Господьлӧн мыждан луныс локтӧ ыджыд лӧглунӧн да ыпъялан скӧрлунӧн, медым вӧчны мусӧ овтӧминӧн да бырӧдны му вылысь мыжаясӧс.

Исай 14:15

Но тэнӧ шыбитӧма кулӧмаяслӧн оланінӧ, пыдӧстӧминлӧн пыді гуӧ!

Исай 23:9

Господь Саваоф тадзи шуис лоны, медым янӧдны ышнясьысьясӧс да ошйысьысьясӧс, медым улӧ пуктыны найӧс, кодъясӧс вылӧ пуктісны му вылын.

Исай 24:21

Сійӧ лунӧ Господь мыждас енэжвывса тышкакотыръясӧс енэжас, мувывса ӧксыясӧс – му вылас.

Исай 24:4

Муыс шогсьӧ, нюкыртчӧма, муюгыдыс шогӧ усьӧма, дзикӧдз нюкыртчӧма, шогӧ усьӧмаӧсь вына веськӧдлысьяс.

Исай 40:23

Ыджыдалысьясӧс Сійӧ лыддьӧ нинӧмӧн, мувывса юралысьясӧс нинӧмӧ пуктӧ.

Исай 42:15

Ме кушта керӧсъяс да мылькъяс, чишкала сэтысь став быдмӧгсӧ, юяс вӧча діясӧн, тыяс косьта.

Исай 5:15

Йӧзыс нюкыртчасны, ӧшӧдасны юрнысӧ, вылӧ кыпӧдчысьяс увлань лэдзасны синнысӧ.

Исай 61:2

юӧртны Господьлӧн буралан во йылысь, миян Енлӧн водзӧс перъян лун йылысь. Господь мӧдӧдіс Менӧ бурӧдны шогсьысьясӧс,

Еремей 12:9

Менам бӧрйӧм войтырӧй лои уна рӧма лэбач кодь, код вылӧ быд боксянь усьласьӧ кырныш-варыш. Локтӧй, чукӧртчӧй, зверъяс, локтӧй сёйны!

Еремей 13:9

«Господь тадзи висьталӧ: Иуда войтырлӧн ышнясьӧмлы да Ерусалимын олысьяслӧн ёна ышнясьӧмлы Ме тадзи жӧ пукта пом.

Еремей 30:7

Сійӧ луныс лоӧ зэв повзьӧдана, сэтшӧм луныс эз на вӧвлы! Яковсянь чужысьяслы сійӧ луныс лоӧ сьӧкыд, но найӧ мездмасны.

Еремей 46:10

Тайӧ луныс – Господьлӧн лун, Господь Саваофлӧн водзӧс перъян лун. Сійӧ мынтысяс Аслас вӧрӧглы, Сылӧн шыпуртыс пондас виавны – пӧттӧдзыс юас налысь вирсӧ. Ӧд войвыв муын, Ефрат ю дорын, тайӧ вир кисьтӧмыс лоӧ вись вайӧм Ыджыдыслы, Господь Саваофлы.

Еремей 50:31

Ышнясьысь, Ме сувта тэныд паныд, – висьталӧ Ыджыдыс, Господь Саваоф, – воис тэнад луныд, тэнӧ мыждан кадыд.

Езекиль 13:5

Найӧ эз кыпӧдчывны дзоньтавны стенлысь киссьӧминсӧ, медым Господьлӧн лунӧ тыш дырйи Израиль войтыр гӧгӧр стенмыс зумыда сулаліс.

Амос 5:18

Курыд шог сылы, коді Господьлысь лунсӧ виччысьӧ! Бур вылӧ-ӧ тіянлы Господьлӧн луныс лоӧ? Сійӧ пемыд лоӧ, оз югыд.

Микей 2:3

Та вӧсна Господь тадзи висьталӧ: – Ме шуи ыстыны лёксӧ тайӧ йӧзыс вылӧ. Ті онӧ вермӧй мынны сылӧн сийӧс улысь, онӧ вермӧй веськӧдчӧмӧн ветлӧдлыны, ӧд лёкыс кутас ыджыдавны.

Микей 5:11

бырӧда тіянлысь каръяснытӧ, кисьта изкаръяснытӧ.

Софоний 1:16

Сійӧ лунӧ чукӧстас буксан шы, и тышкайӧз горӧдӧмӧн уськӧдчасны изкаръяс вылӧ, джуджыд башняяс вылӧ.

Софоний 3:11

Сійӧ лунӧ тэ он нин кут янӧдны асьтӧ лёк уджъясӧн, мый тэ вӧчлін Меным паныд, ӧд сэки Ме ылыста тэ пӧвстысь вылӧ кыпӧдчысьясӧс, тэ он нин понды ышнясьны Менам вежа керӧс вылын.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Малакий 4:5

Господьлӧн ыджыд да повзьӧдана луныс вотӧдз Ме ыста тіян дінӧ Илля пророкӧс.

Матвей 23:12

Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

Лука 14:11

Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

1 Коринфӧ 5:5

Сэки тайӧ мортсӧ сетӧй сӧтана киӧ вир-яйсӧ жугӧдӧм вылӧ, мед лолыс сылӧн мездмас миян Господь Исус Кристослӧн лунӧ.

1 Фессалоникаӧ 5:2

Ті ӧд асьныд бура тӧданныд, мый Господьлӧн луныс воас войся гусясьысь моз.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.