Исай 19:24 - Коми Библия 2023

²⁴ Сійӧ лунӧ Израиль мусӧ позяс ӧткодявны Египеткӧд да Ассуркӧд. Найӧ лоӧны бурсиӧмӧн став муюгыдыслы.

Исай 19:24 Iomraidhean Croise

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Исай 19:23

Сійӧ лунӧ Египетсянь Ассурӧ воссяс ыджыд туй. Ассурса кутасны волывлыны Египетӧ, а египетса – Ассурӧ. Найӧ ӧтвыв кутасны кесъявны Господьлы.

Исай 19:25

Господь Саваоф бурсиас найӧс тадзи: «Бурсиа Ассьым Египет войтырӧс, бурсиа Аслам киӧн вӧчӧм Ассур войтырӧс да Ассьым бӧрйӧм Израиль войтырӧс».

Исай 27:13

Сійӧ лунӧ ыджыд буксан букӧстас, сэки бӧр локтасны Ассур муӧ вошлӧмаяс да Египет муӧ вӧтлӧмаяс. Ерусалимын, вежа керӧс вылын, найӧ ставныс копыртчасны Господь водзӧ.

Исай 49:22

Господь Ыджыдыс тадзи висьталӧ: – Ме нюжӧда киӧс войтыръяслань, лэпта Ассьым дӧрапасӧс чужанкотыръяслы, и найӧ ваясны тэнсьыд пиянтӧ ки выланыс, тэнсьыд нывъястӧ – пельпом выланыс.

Исай 49:6

– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.

Исай 6:13

Весиг коляс кӧ тані олысьяс пӧвстысь дасӧд юкӧныс, найӧс тшӧтш лоӧ бырӧдӧма. Кыдзи кералӧм бӧртиыс тупулӧн да ыджыд пулӧн кольӧ вужйыс, сідзи тайӧ войтырлӧн кольӧ вежа петасыс».

Исай 65:22

Оз нин ло сэтшӧмыс, мый найӧ кыпӧдасны керкаяс, а сэні мӧдъяс пондасны овны, найӧ пуктасны виноград, а мӧдъяс пондасны сёйны вотӧссӧ. Менам войтырлӧн олан лунъясыс лоӧны пулӧн кодь кузь нэмаӧсь, Менам бӧрйӧмаясӧй пондасны асьныс вӧдитчыны сыӧн, мый вӧчасны асланыс киӧн.

Исай 65:8

Господь тадзи висьталӧ: – Кор виноград розйыс кисьмӧма нин, сэки шуӧны: «Энӧ чегӧй сійӧс, ӧд сійӧ вайӧ бурсиӧм». Ме тадзи жӧ вӧча Аслам кесйӧгъяс ради: ог ставнысӧ бырӧд.

Исай 66:12

Господь тадзи висьталӧ: – Юӧс моз Ме веськӧда Ерусалимлы бур олӧмсӧ, мӧдӧда сылы войтыръяслысь озырлунсӧ ойдӧм ва моз. Сійӧ вердас тіянӧс пӧттӧдзныд, пондас новлӧдлыны ки вылас, лелькуйтны пидзӧс вылас.

Езекиль 34:26

Ме бурсиа найӧс да бурсиа Менам керӧс гӧгӧрысь мусӧ. Ас кадӧ Ме сета налы зэр, и сійӧ ваяс налы бурсиӧм.

Закар 8:13

Иуда войтыр да Израиль войтыр, ті вӧлінныд мукӧд войтыръяс пӧвстын ёрӧмӧн, но Ме мезда тіянӧс, и ті лоанныд бурсиӧмӧн. Энӧ полӧй, лоӧй зумыдӧсь!

Лука 2:32

ентӧдтӧмъяслы вайӧм югыдтӧ, Тэнад Израиль войтырлы восьтӧм дзирдлунтӧ.

Римӧ 15:27

Тадзи шуисны вӧчны, ӧд найӧ уджйӧзаӧсь иудейяслы. Иудейяс пыр ентӧдтӧмъяслы вичмис енэжвывса бурсиӧмыс, та вӧсна налы колӧ отсавны иудейяслы быдлунъя олӧмын.

Галатӧ 3:14

Тадзи лои, медым Ӧвраамлы кӧсйысьӧм бурсиӧмыс вуджис быд войтырлы Исус Кристос пыр, да медым кӧсйысьӧм Ловсӧ ми сибӧдім эскӧмӧн.

Индӧд 32:43

[Нимкодясьӧй, енэжъяс, Господькӧд ӧтвылысь, Енлӧн став анделыс, копыртчылӧй Сылы!] Нимкодясьӧй, войтыръяс, Сылӧн войтыркӧд [ёнмӧдчӧй, Енлӧн пиян]! Сійӧ водзӧс перъяс Сылы паныд сувтысьяслысь, мынтысяс налы Аслас кесъялысьяслысь вирсӧ кисьтӧмысь [мынтысяс Сійӧс мустӧмтысьяслы]. Господь сӧстӧммӧдас Ассьыс мусӧ, вештас войтырыслысь мыжсӧ.