Исай 19:12 - Коми Библия 2023

¹² Кӧнӧсь найӧ? Кӧнӧсь тэнад мывкыда йӧзыд? Ӧні мед найӧ висьталасны тэныд, ӧні мед тӧдмаласны Господь Саваофлысь водзвыв шуӧмсӧ, мый лоӧ Египеткӧд.

Исай 19:12 Iomraidhean Croise

Исай 14:24

Господь Саваоф кыв сетӧмӧн шуис: – Ставыс лоӧ сідзи, кыдзи Ме мӧвпышті. Менам шуӧмӧй збыльмас.

Исай 44:7

Эм-ӧ кодкӧ Ме кодьыс? Мед сійӧ юӧртас, ставсӧ сьӧрсьӧн-бӧрсьӧн висьталас сійӧ кадсяньыс, кор Ме вӧчи важся войтырӧс. Мед висьталас локтанаыс йылысь, юӧртас, мый водзӧ лоӧ.

Исай 5:21

Курыд шог налы, кодъяс лыддьӧны асьнысӧ мывкыдаӧн, пуктӧны асьнысӧ сюсь вежӧраӧ!

Еремей 2:28

Но кӧні тіян киӧн вӧчӧм енъясныд? Вермӧны кӧ, найӧ мед отсаласны тіянлы шог дырйиныд. Ӧд тэнад, Иуда войтыр, сы мында жӧ енмыс, мыйта тэнад карыд.

Авдий 1:8

– Сійӧ лунӧ, – висьталӧ Господь, – Ме бырӧда Эдомысь мывкыд йӧзӧс, бырӧда Исав керӧс вылысь вежӧра йӧзӧс.

Римӧ 9:17

Гижӧдас шуӧма фараонлы: «Ме пукті тэнӧ, мед петкӧдлыны тэ вылын Ассьым вынӧс, медым Менсьым нимӧс тӧдісны став му пасьталаыс».

1 Коринфӧ 1:20

Коді нӧ мывкыда йӧзыс? Коді велӧдчӧмаыс? Коді нӧ тайӧ му вылас вежӧраыс? Эз-ӧ тайӧ мувывса мывкыдлунсӧ Енмыс йӧйталӧмӧ бергӧд?

Ёрдысьяс 9:38

Зевул вочавидзис: «Тэ ышнясьӧмӧн шуин, коді пӧ сійӧ Авимелекыс, медым ми кесъялім сылы. Со локтӧны йӧз, кодъясӧс тэ увтыртін. Ӧні пет да тышкась налы паныд!»