Исай 16:7 - Коми Библия 2023

⁷ Та вӧсна Моавлы ковмас бӧрдны ас вӧснаыс, моавсаяс ставныс бӧрдӧны. Кир-Харешетын ті чукӧртлінныд-косьтылінныд виноград, тайӧс воштӧм вӧсна ӧні ті бӧрданныд.

Исай 16:7 Iomraidhean Croise

Ӧксыяслӧн 4 небӧг 3:25

Израильсаяс кушӧдз бырӧдісны налысь каръяссӧ. Налӧн бур видз-муяс вылӧ быд израильса тышкаморт шыбитіс из, тадзи видз-муясыс тырисны изъясӧн. Ва петанінъяссӧ тырталісны, бур пуяссӧ кералісны. Пасьвартісны ставсӧ, сӧмын Кир-Харешет кар колис сулавны. Но и сійӧс кытшалісны да пасьвартісны изйӧн лыйсьысьяс.

1 Каднебӧг 12:40

Тшӧтш матын олысьяс, весиг Иссакарлӧн, Завулонлӧн да Неффалимлӧн чужанкотыръяс вайисны налы осёл-мулъяс вылын, верблюдъяс да ӧшъяс вылын сёян: пызь, косьтӧм инжир, изюм, вина, вый да уна ыж-мӧс, ӧд Израильын вӧлі ыджыд нимкодьлун.

1 Каднебӧг 16:3

Чукӧртчӧм став Израиль войтырлы, быд айловлы да аньлы, сетіс нянь, пражитӧм яйтор да изюм.

Исай 16:11

Та вӧсна менам пытшкӧсӧй гусли моз бӧрдӧ Моав вӧсна, сьӧлӧмӧй бӧрдӧ Кир-Харешет вӧсна.

Исай 8:19

Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

Еремей 48:20

Моавӧс пазӧдӧма да янӧдӧма. Сыркъялӧмӧн бӧрдӧй, юӧртӧй Арнон ю бокын, мый Моавӧс пазӧдӧма-куштӧма.

Еремей 48:31

Та вӧсна Ме бӧрда Моав вӧсна, сыркъялӧмӧн бӧрда моавса войтыр вӧсна, шогсьӧмӧн горза Кир-Харешетын олысьяс вӧсна.