Исай 16:6 - Коми Библия 2023

⁶ Ми кывлім Моавлӧн вылӧ кыпӧдчӧм йылысь – сійӧ этш тӧдтӧг ышнясьӧ! Ми тӧдам сылысь тшаплунсӧ, вывтіасьӧмсӧ да скӧрлунсӧ, сылысь ковтӧм сёрнисӧ.

Исай 16:6 Iomraidhean Croise

Шусьӧгъяс 21:24

Ыкша да наян мортӧс шуӧны омӧльтысьӧн, этшсьыс петмӧнъя сійӧ вылӧ пуксьӧ.

Исай 15:1

Моав йылысь водзвыв висьталӧм. Войнас лоӧ куштӧма-бырӧдӧма Ар-Моавӧс. Войнас лоӧ куштӧма-бырӧдӧма Кир-Моавӧс.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 25:10

Аслас киӧн Господь видзӧ тайӧ керӧссӧ. Но Моавӧс лоӧ талялӧма аслас оланінын, кыдзи идзас талялӧны куйӧдын.

Исай 25:11

Сэні сійӧ вартчысь моз кутас шенасьны кинас. Но Енмыс улӧ лэдзас сылысь вылӧ кыпӧдчӧмсӧ да сылысь наяна вӧчӧмсӧ.

Исай 28:15

Ті шуанныд: «Ми кӧрталім йитӧд кулӧмыскӧд, ми сёрнитчим пыдӧстӧминыскӧд. Кор вӧрӧг ыльӧбтас бырӧдны, сійӧ оз суӧд миянӧс, ӧд ылӧгыс лои миянлы сайӧдчанінӧн, пӧръясьӧмыс – вевттьӧдӧн».

Исай 28:18

Кулӧмыскӧд тіян йитӧдныд орас, пыдӧстӧминыскӧд тіян сёрнитчӧмныд торксяс. Кор вӧрӧг ыльӧбтас бырӧдны, сэки тіянӧс лоӧ талялӧма.

Исай 44:25

Ме нинӧмӧ бергӧда ылӧгпророкъяслысь индысьпасъяссӧ, эрдӧда туналысьяслысь йӧйталӧмсӧ, шӧйӧвошта тӧдысьясӧс, налысь тӧдӧмлунсӧ вӧча нинӧмӧн.

Еремей 48:14

Ті шуанныд: «Ми вына тышкайӧз, дасьӧсь петны тышӧ!»

Еремей 48:26

Юктӧдӧй Моавӧс коддзытӧдзыс, ӧд сійӧ кыпӧдчис Господьлы паныд. Мед сійӧ туплясяс аслас вос пытшкын, мед ачыс лоӧ серамтуйын.

Еремей 48:42

Моав войтырӧс лоӧ бырӧдӧма, ӧд сійӧ кыпӧдчис Господьлы паныд.

Еремей 50:36

Шыпурт кыпӧдӧма больгысьяс весьтӧ, и найӧ йӧймасны. Шыпурт кыпӧдӧма вавилонса тышкайӧз весьтӧ, и найӧ шӧйӧвошасны.

Амос 2:1

Господь тадзи висьталӧ: – Моав войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эдомса ӧксылысь лыяссӧ коризӧдз сотісны.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.