Исай 16:14 - Коми Библия 2023

¹⁴ А ӧні Господь тадзи висьталӧ: «Куим во мысти – лыддьыны кӧ сідзи, кыдзи медалӧм морт лыддьӧ ассьыс уджалан вояссӧ – Моавлӧн нималӧмыс бергӧдчас яналӧмӧ. Тайӧ войтырыслӧн лыдыс вӧлі вывті уна, но найӧ колясны зэв этшаӧн».

Исай 16:14 Iomraidhean Croise

Олӧм 31:1

Яков кыліс Лаван пиянлысь сёрнисӧ, Яков пӧ ставсӧ босьтіс батьнымлысь да сы овмӧссянь пӧ озырмӧдчис.

Эсфир 5:11

Аман ошйысис налы аслас ыджыд озырлунӧн, ошйысис, мый сылӧн уна пи, и мый ӧксы ыдждӧдліс сійӧс да кыпӧдіс аслас юралысьясысь да веськӧдлысьясысь медвылӧ.

Иов 14:6

сідзкӧ, вешты синтӧ сы вылысь, мед сійӧ шойччыштас. Сійӧ мед нимкодясьыштас, кыдзи нимкодясьӧ меда морт уджалан лун помасигас.

Иов 7:1

Мортлӧн олӧмыс му вылын – сьӧкыда уджалӧм, сылӧн олан лунъясыс – медалӧм мортлӧн кодьӧсь.

Исай 11:14

Рытыввылын найӧ уськӧдчасны филистимсаяс вылӧ, асыввывса олысьяслысь куштасны озырлунсӧ. Эдом да Моав лоӧны налӧн кипод улынӧсь, аммон войтыр сетчас налы.

Исай 15:5

Менам сьӧлӧмӧй бӧрдӧ Моав вӧсна. Моавсаяс пышйӧны Цоарӧ, мунӧны Эглат-Шелишияӧдз, найӧ бӧрдӧмӧн кайӧны Лухит керӧсӧ, Хоронаимӧ мунан туй вылын ойзӧны бырӧдӧм вӧсна.

Исай 16:13

Тадзи Господь водзвыв висьталіс Моав йылысь.

Исай 17:4

Сійӧ лунӧ Яков рӧдлысь нималӧмсӧ лоӧ нинӧмӧ пуктӧма, налӧн тшӧгӧм вир-яйыс вӧснялас.

Исай 21:16

Господь меным тадзи висьталіс: «Коляс нӧшта ӧти во – лыддьыны кӧ сідзи, кыдзи медалӧм морт лыддьӧ ассьыс уджалан восӧ – и бырас ставыс, мыйӧн Кедар ошйысьӧ.

Исай 23:9

Господь Саваоф тадзи шуис лоны, медым янӧдны ышнясьысьясӧс да ошйысьысьясӧс, медым улӧ пуктыны найӧс, кодъясӧс вылӧ пуктісны му вылын.

Исай 25:10

Аслас киӧн Господь видзӧ тайӧ керӧссӧ. Но Моавӧс лоӧ талялӧма аслас оланінын, кыдзи идзас талялӧны куйӧдын.

Исай 25:11

Сэні сійӧ вартчысь моз кутас шенасьны кинас. Но Енмыс улӧ лэдзас сылысь вылӧ кыпӧдчӧмсӧ да сылысь наяна вӧчӧмсӧ.

Исай 7:16

Но тайӧ кадӧдзыс на, кор Сійӧ велалас ӧтдортны лёксӧ да бӧрйыны бурсӧ, кушмасны муясыс тайӧ кык ӧксыыслӧн, кодъясысь тэ ёна полан.

Еремей 48:42

Моав войтырӧс лоӧ бырӧдӧма, ӧд сійӧ кыпӧдчис Господьлы паныд.

Еремей 9:23

Господь тадзи висьталӧ: – Мывкыда морт мед оз ошйысь аслас мывкыдлуннас, вына морт мед оз ошйысь аслас вынйӧрнас, озыр морт мед оз ошйысь аслас озырлуннас.

Индӧд 15:8

Мед тэнад киыд лоӧ сетана киӧн, уджды сылы сы мында, мыйта сылы колӧ.