Исай 15:9 - Коми Библия 2023

⁹ Димонлӧн ваыс сорласис виркӧд. Но Ме дасьта Димонлы нӧшта на мӧдтор – мӧдӧда левъясӧс Моавысь пышйӧмаяс вылӧ, тшӧтш сэні ловйӧн кольӧмаяс вылӧ.

Исай 15:9 Iomraidhean Croise

Ӧксыяслӧн 4 небӧг 17:25

Овмӧдчӧм бӧраныс тайӧ олысьясыс эз на пыдди пуктыны Господьӧс, та вӧсна Господь ыстіс на вылӧ левъясӧс, кодъяс косявлісны йӧзсӧ.

Исай 15:8

Налӧн бӧрдӧмыс кылӧ став Моав му пасьтала, Эглаимсянь Бер-Элимӧдз.

Еремей 15:3

Ме мӧдӧда тайӧ войтырыс вылӧ нёль мыждӧм, – висьталӧ Господь. – Шыпурт виас найӧс, понъяс кыскаласны шойяссӧ, кырныш-варыш кокаласны, зверъяс бырӧдасны коляссӧ.

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Левит 26:18

Весиг та бӧрын кӧ ті онӧ кутӧй кывзысьны Менсьым, Ме сизим пӧвстӧн мыжда тіянӧс мыжъяссьыныд.

Левит 26:24

Ме тшӧтш [скӧрмӧмӧн] тіянлы паныд сувта, сизим пӧвстӧн мыжда тіянӧс мыжъяссьыныд.

Левит 26:28

Ме скӧрмӧмӧн тіянлы паныд сувта да сизим пӧвстӧн мыжда тіянӧс мыжъяссьыныд.

Амос 5:19

Сійӧ лунӧ ті лоанныд морт кодь, коді пышйӧ левысь, но паныдасьӧ ошкӧд, котӧртӧ гортӧдзыс да кутчысьӧ кинас стенмӧ, но сійӧс змей чушкӧ.

Лыд 21:30

Но ми лыйлім аморейясӧс ньӧвъясӧн, Хешбон карсянь Дивон карӧдз ставнысӧ виалім, Медева кардорса Нофаӧдз ставнысӧ бырӧдім.