Исай 14:6 - Коми Библия 2023

⁶ Тайӧ бедьнас найӧ лёкысь нӧйтісны войтыръясӧс, дугдывтӧг вачкалісны найӧс, скӧрлунӧн ыджыдалісны на вылын, нем жалиттӧг дзескӧдісны найӧс.

Исай 14:6 Iomraidhean Croise

2 Каднебӧг 36:17

Господь мӧдӧдіс калдеяса ӧксыӧс, медым сійӧ уськӧдчис Иуда войтыр вылӧ да виис шыпуртӧн вежа крамын налысь зонъяссӧ. Господь эз жалит [Седекейӧс,] зонъясӧс, нывъясӧс, пӧрысь да олӧма йӧзӧс, Сійӧ ставнысӧ сетіс калдеяса ӧксы киӧ.

Иов 9:13

Енмыс скӧралӧ, оз ланьт, Рахавлы отсасьысьяс кымынь уськӧдчасны Ен водзӧ.

Шусьӧгъяс 21:30

Господьтӧгыд мывкыдлуныс абу, вежӧрыс абу, и туйдӧдӧмыс абу.

Шусьӧгъяс 28:15

Эргысь лев да тшыг ош – татшӧм лёк юралысь гӧль войтырлы.

Исай 10:14

Ме озырмӧдчи войтыръяслӧн озырлунӧн, быттьӧ лэбач поз пазӧді. Кыдзи эновтӧм позйысь чукӧртӧны лэбачлысь колькъяссӧ, тадзи ме курышті аслам кипод улӧ ставнас мусӧ. Весиг борднас некод эз шеныштлы, вомсӧ эз восьтлы да эз чипӧстлы».

Исай 14:5

Господь чегъяліс лёк вӧчысьяслысь бедьсӧ, жугӧдіс ыджыдалысьяслысь юралан бедьсӧ.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Еремей 25:26

тшӧтш войвылысь став ӧксысӧ, ӧта-мӧдсьыныс матын и ылын олысьясӧс, да став мувывса войтыръяссӧ. Шешакысь ӧксы юас медбӧръяӧн.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 48:17

Бӧрдӧй Моав вӧсна, орччӧн олысьяс, бӧрдӧй ставныд, кодъяс тӧданныд сійӧс! Шуӧй: «Сылысь вына юралан бедьсӧ чегӧма, сылысь нималана бедьсӧ жугӧдӧма!»

Еремей 50:31

Ышнясьысь, Ме сувта тэныд паныд, – висьталӧ Ыджыдыс, Господь Саваоф, – воис тэнад луныд, тэнӧ мыждан кадыд.

Бӧрданкыв 1:21

Йӧзыс кылӧны менсьым ойзӧмӧс, но бурӧдысьыс абу. Вӧрӧг кыліс менам сьӧкыдалӧм йылысь, сійӧ нимкодясьӧ, мый Тэ тайӧс вӧчин. Мед суас найӧс Тэӧн индӧм луныс, мед лоас накӧд, кыдзи лои мекӧд.

Аввакум 1:17

Дугдывтӧг ӧмӧй сійӧ кутас тывъявны, жалиттӧг бырӧдны войтыръясӧс?

Аввакум 2:5

Вылӧ кыпӧдчысь пӧрйӧдлысь вина кодь, сійӧ оз лӧнь, пыдӧстӧминыс моз паськӧдӧ вомсӧ, кулӧмыс моз оз пӧтлы, босьтӧ аслас кипод улӧ войтыръясӧс, пуксьӧ ыджыдавны на вылын.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.