Исай 14:32 - Коми Библия 2023

³² Мый вочавидзны йӧз муысь юӧр вайысьяслы? Вочавидзӧй налы тадзи: Господь зумыда сувтӧдіс Сион, Сылӧн войтырысь коньӧръяс аддзасны сэні сайӧдчанін.

Исай 14:32 Iomraidhean Croise

Ӧксыяслӧн 2 небӧг 8:10

Сэки сійӧ мӧдӧдіс ассьыс Иорам писӧ Давид ӧксы дінӧ, мед чолӧмавны да аттьӧавны сійӧс Ададезерӧс вермӧмысь. Ӧд Ададезер дугдывтӧг тышкасис Тойикӧд. Аскӧдыс Иорам вайис эзысь, зарни да ыргӧн дозъяс.

Псалтыр 102:16

Тӧв пӧльыштас, и сійӧ абу, некод оз нин казьтыв сы йылысь.

Псалтыр 48:4

Менам вомӧй висьталӧ мывкыд кывъяс, сьӧлӧмпытшса мӧвпъясӧй восьтӧны тӧдӧмлун.

Псалтыр 87:1

Сьыланкыв. Корей пиянлӧн псалом. Сьылысьясӧн веськӧдлысьлы. Сьылӧны ”Махалат” шылад улӧ. Эзрахса Еманлӧн сьыланкыв.

Псалтыр 87:5

Менӧ дасьтӧны гуавны, ме лои вынсӧ воштӧм морт кодь,

Шусьӧгъяс 18:10

Дышпырысь кӧ уджалан, тэ – бырӧдысьлы вок.

Исай 11:4

Сійӧ веськыда мыждас коньӧръясӧс, гӧльясӧс доръяс збыльыс серти. Аслас чорыд кывнас сійӧ чирыштас мувывса олысьясӧс, аслас ловшынас виас лёк вӧчысьясӧс.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Исай 25:4

Тэ дорйин гӧльясӧс, видзин коньӧръясӧс налӧн сьӧкыд кадӧ. Тэ вӧлін сайӧдчанінӧн ыджыд тӧвнырысь, вуджӧрӧн – шонді пӧжӧмысь. Ӧд дзескӧдысьяслӧн ловшыныс стенлы паныд пӧльтысь тӧвныр кодь.

Исай 28:16

Та вӧсна Господь Ыджыдыс тадзи висьталӧ: – Сионӧ Ме пукта подув из. Сійӧ – пельӧс из, кодӧс Ме бӧрйи. Сійӧ – дона из, сулалӧ зумыда. Сылы эскысь оз янав.

Исай 29:19

Коньӧръяс кутасны ёнджыка на нимкодясьны Господьӧн, гӧльяс кутасны кыпыда ошкыны Израильлысь вежа Енмӧс

Исай 37:32

Ерусалим карын ловйӧн кольӧмаяс паськӧдчасны кар гӧгӧрыс, мездмӧмаяс паськӧдчасны Сион керӧс гӧгӧр. Тадзи вӧчас Господь Саваоф, ӧд Сійӧ – вежӧгтысь Ен.

Исай 37:9

Ӧксылы юӧртісны, мый сылы паныд тышӧ петӧма Тиргак, эфиопияса ӧксы. Тайӧ юӧрсӧ кылӧм бӧрын ассурса ӧксы мӧдӧдіс ассьыс йӧзсӧ Езекей дінӧ. Сійӧ тшӧктіс

Исай 39:1

Сійӧ кадас вавилонса Меродах-Валадан ӧксы, Валаданлӧн пиыс, тӧдмаліс Езекейлӧн висьмылӧм да бурдӧм йылысь. Та вӧсна сійӧ мӧдӧдіс Езекейлы гижӧд да козинъяс.

Исай 4:6

Тайӧ вевттьӧдыс кутас видзны шонді пӧжӧмысь, сайӧдны зэрысь да ыджыд тӧвнырысь.

Исай 44:28

Кирлы Ме шуа, мый сійӧ – Менсьым войтырӧс видзысь, сійӧ ставсӧ вӧчас Менам кӧсйӧм серти. Сійӧ шуас Ерусалимлы, тэнӧ пӧ выльысь лоӧ лэптӧма, а крамлы шуас, тэнсьыд подувтӧ пӧ выльысь лоӧ пуктӧма.

Исай 54:11

Коньӧрӧй, тӧвнырыс шатлӧдлӧ тэнӧ, некод оз вермы бурӧдны тэнӧ. Видзӧдлы, тэнсьыд изъястӧ Ме вевття бирюзаӧн, тэнсьыд подувтӧ Ме вӧча сапфирысь,

Исай 57:13

Кор тэ кутан корны отсӧг вылӧ, тэнӧ оз мездыны идолъясыд. Найӧс ставнысӧ нӧбӧдас тӧвнырыс, разӧдас тӧв пӧльыштӧмыс. Но Ме вылӧ лача кутысьлы вичмас му, сылы вичмас Менам вежа керӧсӧй.

Езекиль 48:35

Ставнас карса стенмыс лоӧ дас кӧкъямыс сюрс гырддза кузьта. Тайӧ лунсяньыс Ерусалим карлӧн нимыс лоӧ ”Тані Господь”».

Софоний 3:12

Тэ пӧвстысь Ме кольӧда коньӧр да рам сьӧлӧма войтырӧс, найӧ пондасны лача кутны Менам нимӧй вылӧ.

Закар 11:11

Сійӧ лунӧ йитӧдсӧ вӧлі орӧдӧма. Кор вузасьысьяс аддзисны, мый ме вӧчи, найӧ гӧгӧрвоисны, мый тадзи вӧчнысӧ тшӧктӧма Господь.

Закар 11:7

Вузасьысьяс медалісны менӧ, медым ме видзи начкыны шуӧм ыжъясӧс. Ме босьті кык бедь, ӧтиыслы сеті Буралӧм ним, мӧдыслы – Ӧтувъялун ним. Наӧн ме видзи ыжъясӧс.

Матвей 16:18

Ме шуа тэныд: Тэ – Петыр, из. Тайӧ из вылас Ме лэпта Ассьым вичко, и адлӧн выныс оз вермы сійӧс.

Еврейяслы 11:10

Ӧвраам виччысис зумыд подула кар, кодӧс Серпасалысьыс да Вӧчысьыс – Ачыс Енмыс.

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.