Исай 14:19 - Коми Библия 2023

¹⁹ Сӧмын тэ колин гуавтӧг, тэнӧ шыбитісны ковтӧм увйӧс моз. Тэ куйлан виӧмаяс пӧвстын, шыпуртӧн бытшкӧмаяс пӧвстын, тэнӧ шыбитӧма косьмӧм вайӧртӧдӧ, тэнсьыд шойтӧ талялӧны.

Исай 14:19 Iomraidhean Croise

Ӧксыяслӧн 3 небӧг 21:19

Висьтав Ахавлы, мый Господь тадзи висьталӧ: тэ мортӧс виин, а ӧні сылысь овмӧссӧ аслыд босьтан. Нӧшта висьтав сылы, мый Господь тадзи висьталӧ: кӧні понъяс нюлісны Навотлысь вирсӧ, сэні найӧ пондасны нювны и тэнсьыд виртӧ».

Ӧксыяслӧн 3 небӧг 21:24

Ахав рӧдысь коді кулас карын, сійӧс сёясны понъяс, а коді кулас видз-му вылын, сійӧс кокаласны лэбачьяс”».

Ӧксыяслӧн 4 небӧг 9:25

Еху шуис аслас Бидэкар отсасьысьлы: «Босьт Иорамлысь шойсӧ да шыбит изреельса Навотлӧн му вылӧ. Кор ми тэкӧд вӧлі мунам таті Иорамлӧн Ахав батьыс бӧрся, Господь висьталіс, мый лоас Ахавкӧд. Эн вунӧд, мый Сійӧ тадзи шуис:

Исай 13:15

Кодӧс суӧдасны – сійӧс бытшкасны, кодӧс вӧтӧдасны – сійӧс шыпуртӧн виасны.

Исай 14:18

Быд войтырлӧн ӧксыыс куйлӧ аслас гуын, быдӧнӧс дзебӧма нимӧдӧмӧн.

Исай 34:3

Налысь виӧмаяссӧ колясны разі-пели куйлыны, налӧн шойясыс пондасны лёк дукӧн ӧвтны, налӧн вирысь ньӧдздасны керӧсъяс.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Еремей 16:6

Тайӧ муас куласны ичӧтъяс и гырысьяс, но найӧс некод оз гуав, некод оз кут бӧрдны на вӧсна, некод оз вундав ассьыс вир-яйсӧ да оз шыр юрсисӧ на вӧсна.

Еремей 22:19

Сійӧс гуаласны осёлӧс моз. Сылысь шойсӧ кыскасны да шыбитасны ерусалимса дзиръя сайӧ.

Еремей 41:7

Кор найӧ пырисны карас, Нетанийлӧн Измаил пиыс аслас йӧзкӧд виисны найӧс да шыбитісны шойяссӧ юкмӧсӧ.

Еремей 41:9

Ыджыд юкмӧссӧ, кытчӧ Измаил шыбитіс виӧмаяслысь шойяссӧ, кодйыліс Аса ӧксы, кор тышкасис израильса Ваас ӧксыкӧд. Нетанийлӧн Измаил пиыс тыртіс тайӧ юкмӧссӧ виӧмаяслӧн шойясӧн.

Еремей 51:4

Калдея муын кутасны куйлыны виӧмаяс, уличьяс вылын – шыпуртӧн бытшкӧмаяс.

Езекиль 32:23

Налӧн дзебаніныс пыдӧстӧминын. Сэні куйлӧ ассурса войтыр, гӧгӧр дзебанінъяс. Шыпуртӧн виӧма ставнысӧ, кодъясысь коркӧ полісны ловъяяслӧн му вылын.

Езекиль 32:27

Найӧ оз куйлыны виӧм вына тышкайӧзкӧд, вундыштчытӧмъяскӧд, кодъяс тышкасянторъясӧн мунісны кулӧмаяслӧн оланінӧ, шыпуртнысӧ пуктісны юр уланыс. Тайӧ вына тышкайӧзлӧн мыжъясыс личкӧны лыяснысӧ, ӧд наысь коркӧ полісны ловъяяслӧн му вылын.