Исай 13:20 - Коми Библия 2023

²⁰ Сэтчӧ некод оз овмӧдчы, сэні некод оз кут овны нэмъяс чӧж. Сэні араб оз сувтӧд чомсӧ, ыж видзысь оз понды шойччыны ыжъясыскӧд.

Исай 13:20 Iomraidhean Croise

2 Каднебӧг 17:11

Филистимсаяс вайлісны Иосафатлы козинъяс да вот пыдди эзысь, арабъяс вайлісны сылы сизим сюрс сизимсё межӧс да сизим сюрс сизимсё ай кӧзаӧс.

Иов 3:7

Сійӧ войыс мед оз сет сьӧктаммыны, мед оз тӧд нимкодясьӧмсӧ.

Сьылан 1:7

– Он кӧ тӧд, медмича аньӧй, мун ыжъяслӧн кок туйӧд, видз ассьыд кӧзапиянтӧ ыж видзысьяслӧн чом дорын.

Исай 14:23

Ме вӧча сійӧс ёжъяслы оланінӧн да нюрӧн, чышкышта сійӧс бырӧдан роскӧн, – висьталӧ Господь Саваоф.

Исай 21:1

Саридздорса овтӧмин йылысь водзвыв висьталӧм. Кыдзи Негев муын пӧльтӧ ыджыд тӧвныр, сідзи овтӧминысь, повзьӧдана муысь,

Исай 25:2

Карсӧ Тэ кисьтін, сійӧ лои из чукӧрӧн, изкарыс лои лӧп чукӧрӧн. Нартитысьяслысь керкаяссӧ жуглӧма, найӧс некор нин бӧрсӧ оз лэптыны.

Исай 34:17

Господь Ачыс пудъяліс налы мусӧ, Аслас киӧн мурталіс да юкліс налы мусӧ. Тайӧ муыс вичмас налы пыр кежлӧ, найӧ кутасны овны сэні нэмъяс чӧж.

Еремей 49:33

Хацор лоӧ шакалъяслы оланінӧн, пыр кежлӧ овтӧминӧн, сэні оз ло олысьыс, сэтчӧ некод оз овмӧдчы.

Еремей 50:13

Господьлӧн скӧралӧм вӧсна сэні оз ло олысьыс, сійӧ лоӧ овтӧминӧн. Вавилонӧс бырӧдӧмысь сы дорті мунысьясӧс полӧм босьтас.

Еремей 50:21

Тышӧ петӧй Мератаим мулы паныд, Пекодын олысьяслы паныд, виӧй найӧс, бырӧдӧй ставсӧ, мый на бӧрти коляс, – висьталӧ Господь. – Ставсӧ вӧчӧй Менам тшӧктӧм серти.

Еремей 50:3

Войвывсянь Вавилон вылӧ уськӧдчас войтыр, вӧчас Вавилон му овтӧминӧн. Некод оз кут овны сэні, йӧз и ыж-мӧс пышъясны сэтысь.

Еремей 50:39

Сэні пондасны овны шакалъяс да овтӧминса зверъяс, сэтчӧ овмӧдчасны страусъяс, йӧзыс сэтчӧ оз нин овмӧдчыны, нэмъяс чӧж сэні некод оз кут овны.

Еремей 50:45

Кывзӧй, мый Господь шуис Вавилон йылысь, мый шуис вӧчны Калдея муын олысьяслы. Весиг налысь медічӧтъяссӧ пышйӧдасны, налысь оланінъяссӧ куштасны.

Еремей 51:25

Ме сувта тэныд паныд, Вавилон, тэ – бырӧдысь керӧс, бырӧдан ставнас мусӧ, – висьталӧ Господь. – Ме лэпта киӧс тэ вылӧ, шыбита тэнӧ изкырта вывсянь, вӧча тэнӧ сотчӧм керӧсӧн.

Еремей 51:29

Муыс дзӧрӧ-тіралӧ, ӧд Вавилон йылысь Господьлӧн шуӧмыс инӧ, Господь вӧчӧ Вавилонӧс овтӧминӧн, кӧні олысьыс оз ло.

Еремей 51:37

Вавилон лоӧ из чукӧрӧн, шакалъяслӧн оланінӧн, сійӧ лоӧ повзьӧдчанторйӧн, сійӧс кутасны лёкӧдны, сэні олысьыс оз ло.

Еремей 51:43

Вавилонса каръяс кушмисны, Вавилон лои кос муӧн да овтӧминӧн, сэні некод оз ов, сэті некод оз ветлы.