Исай 11:10 - Коми Библия 2023

¹⁰ Сійӧ лунӧ Ессейлӧн вужйыс лоӧ дӧрапасӧн войтыръяслы, найӧ шыасясны Ессейлӧн вужйыс дінӧ, и сылысь шойччанінсӧ вевттяс дзирдлун.

Исай 11:10 Iomraidhean Croise

Олӧм 49:10

Иуда киын пыр лоӧ юралан беддьыс, сылӧн кок бердын – ыджыдалан беддьыс, кытчӧдз оз лок Бурӧдысь, кодлысь кывзысьӧны войтыръяс.

1 Каднебӧг 2:12

Воозлӧн чужис Овид, Овидлӧн – Ессей.

Псалтыр 149:5

Эскана войтыр мед гажӧдчас Сылӧн дзирдлун вӧсна, найӧ мед нимкодясясны вольпасьын куйліганыс.

Псалтыр 91:1

Псалом. Сьылӧны шойччан лунӧ.

Псалтыр 91:4

ошкыны Тэнӧ арфаӧн да гуслиӧн, дас струнаа ворсанторйӧн.

Исай 11:1

Ессей вужсянь чужас выль петас, сылӧн вужсянь быдмас вотӧса вож.

Исай 11:12

Сійӧ лэптас дӧрапас войтыръяслы, чукӧртас нёльнан му пельӧссьыс Израильысь вӧтлӧмаясӧс, Иудаысь разалӧм войтырӧс.

Исай 14:3

Господь мездас тэнӧ сьӧкыдалӧмысь, полӧмысь да сьӧкыд нартитана уджысь. Сійӧ лунӧ

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 2:2

Тадзи лоӧ бӧръя кадӧ: сійӧ керӧсыс, кӧні сулалӧ Господьлӧн крамыс, лоӧ став керӧссьыс на джуджыдджык, став мыльксьыс на вылынджык. Сэтчӧ дугдывтӧг кутасны локны войтыръяс.

Исай 2:3

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Исай 28:12

Водзын Сійӧ шуліс налы: «Тані ті аддзанныд шойччанін, сетӧй мудзӧмалы шойччыны. Тані ті аддзанныд лӧньӧм». Но найӧ эз кӧсйыны кывзыны.

Исай 42:4

Сійӧ оз лигышмун, оз жебмы, Сійӧ вынсьӧдас му вылын веськыда мыждӧм. Сылысь велӧдӧмсӧ виччысьӧны саридз дорын олысьяс.

Исай 49:22

Господь Ыджыдыс тадзи висьталӧ: – Ме нюжӧда киӧс войтыръяслань, лэпта Ассьым дӧрапасӧс чужанкотыръяслы, и найӧ ваясны тэнсьыд пиянтӧ ки выланыс, тэнсьыд нывъястӧ – пельпом выланыс.

Исай 59:19

Рытыввылын пондасны повны Господьлӧн нимысь, асыввылын – Сылӧн дзирдлунысь. Вӧрӧг кӧ ыльӧбтас ю моз, Господьлӧн ловшыыс вӧтлас сійӧс.

Исай 60:3

Войтыръяс локтасны тэнад югыдыд дінӧ, ӧксыяс чукӧртчасны тэнад яръюгыд кыа дінӧ.

Исай 60:5

Тэ аддзан тайӧс да пондан нимкодясьны, тэнад сьӧлӧмыд пондас чеччыны нимкодьысла, ӧд саридзса озырлун ваясны тэныд, войтыръяслысь озырлунсӧ козьналасны тэныд.

Исай 62:10

Петӧй, петӧй дзиръяясӧд, шыльӧдӧй туйсӧ войтырлы! Дасьтӧй, дасьтӧй туйсӧ, весалӧй изъясысь, кыпӧдӧй дӧрапас войтыръяслы!

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Аггей 2:9

Тайӧ крамыслӧн дзирдлуныс лоӧ воддза дорсьыс на мичаджык, – висьталӧ Господь Саваоф. – Тані Ме сета лӧньлун да бур олӧм, – висьталӧ Господь Саваоф».

Закар 6:13

Сійӧ кыпӧдас Господьлысь крамсӧ, Сійӧс нимӧдасны ӧксыӧс моз, Сійӧ юравны-ыджыдавны пондас. Сійӧ пуксяс юралан пуклӧсӧ, Сыкӧд ыджыдавны пуксяс поп, и найӧ пондасны овны ӧти сьӧлӧмӧн.

Лыд 10:33

Господьлӧн керӧс дорысь мӧдӧдчӧм бӧрын Израиль войтыр мунісны куим лун чӧж. Господьлысь Йитӧд кудсӧ найӧ нуисны водзвыланыс, медым сійӧ петкӧдлас шойччанін.

Матвей 12:21

Войтыръяс пондасны Сы вылӧ лача кутны.

Матвей 8:11

Висьтала тіянлы: унаӧн локтасны асыввылысь да рытыввылысь Енэжвыв Юраланінӧ. Найӧ ӧти пызан сайӧ пуксясны Ӧвраамкӧд, Исааккӧд да Яковкӧд.

Лука 2:32

ентӧдтӧмъяслы вайӧм югыдтӧ, Тэнад Израиль войтырлы восьтӧм дзирдлунтӧ.

Иоан 12:32

Му вылысь Менӧ кыпӧдӧм бӧрын Ме ставнысӧ Ас дінӧ сибӧда».

Ап. уджъяс 11:18

Тайӧс кылӧм бӧрын найӧ лӧнисны да ошкисны Енмӧс шуалӧмӧн: «Тыдалӧ, Енмыс ентӧдтӧмъяслы тшӧтш сетӧма позянлун бергӧдчыны мыжъяссьыс, мед и налӧн вӧлі олӧм».

Ап. уджъяс 28:28

Тӧдӧй, мый Ен мӧдӧдӧма мездмӧмсӧ ентӧдтӧмъяслы, найӧ и кыласны».

Еврейяслы 4:1

Енлӧн кӧсйысьӧмыс, мый ми вермам пырны Сылӧн шойччанінӧ, ӧнӧдз на вына. Сідзкӧ, кутам тӧждысьны, мед тіян пиысь некод эз сёрмы пырны Енлӧн шойччанінӧ.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

Восьтӧм 22:16

«Ме, Исус, мӧдӧді Ассьым анделӧс висьтавны тайӧс тіянлы вичкоясын. Ме петі Давид чужанвужйысь да чужанкотырысь, Ме эм асъя югыд кодзулыс».

Восьтӧм 5:5

Сэки юрнуӧдысьяс пиысь ӧти шуис меным: «Эн бӧрд! Иуда чужанкотырысь, Давид чужанвужйысь Лев вермӧма! Сійӧ разяс тайӧ гижӧдсӧ да жугӧдас сизимнан печатьсӧ».