Исай 1:26 - Коми Библия 2023

²⁶ Ме пукта тэныд воддза кодь ёрдысьясӧс, сувтӧда воддза кодь туйдӧдысьясӧс. Сэки шуасны тэнӧ веськыда олысьяслӧн карӧн, эскана войтырлӧн юркарӧн.

Исай 1:26 Iomraidhean Croise

Исай 1:21

Тэ вӧлін эскана войтырлӧн карӧн, а ӧні тэ – кырсалысьяслӧн кар. Водзын тэнад олысьясыд мыждісны да олісны веськыда, а ӧнія олысьясыд – морт виысьяс.

Исай 2:3

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Исай 33:5

Господь медвылын, Сійӧ олӧ выліинын. Сион вылын Сійӧ зумыдмӧдас веськыда мыждӧм да веськыдлун.

Исай 54:14

Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Еремей 31:23

Господь Саваоф, Израильлӧн Ен, тадзи висьталӧ: «Кор Ме бӧр бергӧда Иуда войтырӧс пленысь, Иуда муын да иудаса каръясын бара кутасны шуавны: ”Мед Господь бурсиас тэнӧ, вежа керӧс, веськыдлуныслӧн оланін!”

Еремей 33:11

нимкодясьӧм да гажӧдчӧм, кутас кывны верӧспулӧн да гӧтырпулӧн гӧлӧс шыныс. Бара кутас кывны Господьлӧн крамӧ аттьӧалана вись вайысьяслӧн гӧлӧс шыныс. Найӧ кутасны шуавны: ”Ошкӧй Господь Саваофӧс, ӧд Сійӧ бур, Сылӧн буралӧмыс оз помасьлы!” Тайӧ муас олысьяслы Ме бара сета воддза кодьыс бур олӧм, – висьталӧ Господь.

Еремей 33:7

Ме бергӧда пленысь Иуда да Израиль войтырӧс, воддза мозыс Ме вынсьӧда найӧс.

Езекиль 45:8

Тайӧ му юкӧныс лоӧ Израильлӧн ӧксылы, медым Менам ӧксыяс эз дзескӧдны Менсьым войтырӧс, а лэдзисны Израиль чужанкотыръяслы лӧня овны налы юклӧм муяс вылын.

Микей 4:8

А тэ, Сион нывлӧн керӧсыс, кытысянь Ме ыжъяс бӧрся моз видзӧда Ассьым войтырӧс, тэныд бӧр бергӧдчас ыджыдалӧмыс, Ерусалим нывлы – юралӧмыс.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Софоний 3:9

Сэки войтыръяслы Ме выльысь сета сӧстӧм вом, медым ставныс шыасисны Ме дінӧ да ӧти сьӧлӧмӧн кесъялісны Меным.

Закар 8:3

Господь тадзи висьталӧ: Ме бӧр локта Сионӧ, бара овмӧдча Ерусалимӧ. Ерусалимӧс шуасны эскана войтырлӧн карӧн, Господь Саваофлысь керӧссӧ – вежа керӧсӧн.

Закар 8:8

овмӧда найӧс Ерусалимӧ. Найӧ лоӧны Менам войтырӧн, а Ме лоа налӧн Енмӧн – эскана да веськыда вӧчысь Енмӧн.

Лыд 12:3

Му вылын олысь став йӧзсьыс Мӧисей вӧлі рамсьыс-рам мортӧн.

Лыд 16:15

Мӧисей ёна скӧрмис да шуис Господьлы: «Налысь вайӧмторъяссӧ эн сибӧд. Ме весиг ӧти осёлӧс эг босьтлы налысь, на пӧвстысь некодлы лёксӧ эг вӧчлы».

Восьтӧм 21:27

Нинӧм пежыс оз пыр тайӧ карас, некутшӧм пӧръясьысь да зывӧксӧ вӧчысь оз пыр сэтчӧ. Пырасны сӧмын найӧ, кодъяслысь нимсӧ гижӧма Балялӧн небӧгӧ – Олӧмыслӧн небӧгӧ.