Иов 9:5 - Коми Библия 2023

⁵ Виччысьтӧг Сійӧ вештӧ керӧсъяс, Аслас скӧрлунӧн путкыльтӧ найӧс.

Иов 9:5 Iomraidhean Croise

Иов 26:6

Кулӧмаяслӧн оланіныс Ен водзын восьса, пыдӧстӧминлӧн абу вевттьӧдыс.

Иов 28:9

Морт кералӧ изкырта, путкыльтӧ керӧссӧ подулӧдзыс,

Иов 34:25

Сійӧ бура тӧдӧ налысь уджъяссӧ, ӧти войӧн найӧс песовтӧ да бырӧдӧ.

Иов 40:11

сылӧн лядьвейыс ён, кынӧм яйчигыс чорыдсьыс-чорыд.

Иов 41:11

вом пытшсьыс би чепӧсйӧ, бикиньыс сявкйӧ,

Псалтыр 114:6

Господь видзӧ восьса сьӧлӧмаясӧс. Кор ме вынтӧмми, Сійӧ отсаліс меным.

Псалтыр 46:2

Войтыръяс, клопайтӧй кинаныд, гораа нимкодясьӧмӧн ошкӧй Енсӧ!

Псалтыр 68:8

Тэ вӧсна менӧ лёкӧдӧны, менам чужӧмӧй сотчӧ.

Исай 40:12

Коді мурталіс васӧ аслас соддзӧн, коді мурталіс енэжсӧ кинас, коді веситіс мувывса буссӧ, вескиӧн тӧдмаліс керӧсъяслысь сьӧктасӧ?

Наум 1:5

Сы водзын дзӧрӧны керӧсъяс, тіралӧны мылькъяс. Муыс тіралӧ Сы водзын, дзӧрӧны муюгыдыс да став сэні олысьыс.

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.

Аввакум 3:10

Тэнӧ аддзӧмысь керӧсъяс вӧрзьӧны, сувтса зэр енэжсянь ыльӧбтӧ, пыдӧстӧм ваыс равӧстӧ, ассьыс ыджыд гыяссӧ кыпӧдӧ.

Аввакум 3:6

Кор Сійӧ сувтӧ, муыс вӧрзьылӧ. Кор Сійӧ видзӧдлӧ, войтыръясӧс дзӧрӧм босьтӧ. Нэмӧвӧйся керӧсъяс потласьӧны-киссьӧны, важдырся мылькъяс муас пырӧны, а Господьлӧн туйясыс – бырлытӧмӧсь.

Закар 4:7

Коді тэ, джуджыд керӧсӧй? Шыльӧдӧм муӧн тэ лоан Зоровавель водзын. Йӧзлӧн гораа ошкигтырйи сійӧ пуктас крамлы пельӧс изсӧ.

Матвей 21:21

Исус вочавидзис: «Веськыда висьтала тіянлы: эсканныд кӧ да онӧ майшасьӧй, сэки онӧ сӧмын тайӧс вӧчӧй. Шуанныд кӧ тайӧ керӧсыслы: ”Кыпӧдчы да шыбитчы саридзас”, лоӧ тадзи.

Матвей 27:51

Сэки крамын ӧшалысь дӧраыс вывсяньыс улӧдзыс кык пельӧ косяссис. Муыс вӧрзьывліс, из керӧсъяс потісны.

Лука 21:11

Уналаын лоас му вӧрӧм да тшыгъялӧм, йӧзсӧ суас кулана висьӧм. Лоасны повзьӧдана петкӧдчӧмъяс да енэжсянь индысьпасъяс.

1 Коринфӧ 13:2

Ме кӧ пророкала да тӧда став гусяторсӧ, менам кӧ эм быдпӧлӧс тӧдӧмлун да зумыд эскӧм, верма весиг керӧсъяс вештавны, а муслуныс кӧ ме пытшкын абу, сідзкӧ, ме нинӧм.

Восьтӧм 11:13

Дзик пыр муыс кутіс ёна вӧрны, и карыслӧн дасӧд юкӧныс киссис. Му вӧригас куліс сизим сюрс морт, а мукӧдыс ёна повзисны да кутісны ошкыны енэжвывса Енмӧс.

Восьтӧм 6:14

Енэжыс гартыштчис тубрасӧ да саяліс, а керӧсъяс да діяс вешйисны асланыс местаысь.