Иов 7:15 - Коми Библия 2023

¹⁵ Бурджык, менам ловшыӧй кӧ чӧв ланьтас, сьӧкыдалӧм дорысь кӧ ме кулышта.

Иов 7:15 Iomraidhean Croise

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Иов 3:21

Найӧ виччысьӧны кулӧмсӧ, а сійӧ оз лок, корсьӧны сійӧс дзебӧм озырлунӧс моз.

Иов 3:22

Кор воӧ кад водны гортйӧ, найӧ тырӧны ыджыд нимкодьлунӧн.

Иов 7:14

но Тэ вӧтъясӧн менӧ повзьӧдлан, аддзылӧмъясӧн весьӧпӧртан.

Иов 7:16

Зывӧк лои меным олӧмыс, менам нэмӧй дженьыд. Эновт менӧ! Менам олан лунъясӧй тӧвру пӧльыштӧм кодьӧсь.

Иов 9:21

Ме абу мыжа, но меным ставыс веськодь, меным мустӧм аслам олӧмӧй.

Еклесиаст 2:17

Ме мустӧмті олӧмӧс, ӧд меным зывӧк лои ставыс, мый вӧчсьӧ шонді улас. Ставыс весьшӧрӧ, тӧв бӧрся вӧтлысьӧм кодь.

Еремей 8:3

А тайӧ лёк йӧз пӧвстсьыс ловйӧн кольӧмаяслы кулӧмыс лоӧ мусаджык олӧм дорсьыс. Тадзи лоӧ быдлаын, кытчӧ Ме вӧтла найӧс, – висьталӧ Господь Саваоф».

Иона 4:3

Та вӧсна, Господьӧй, босьт менсьым лолӧс – бурджык меным кувны олӧм дорысь».

Иона 4:8

А кор петіс шонді, Ен ыстіс чизыр асыв тӧв. Шонді пӧжис Ионалысь юрсӧ. Сійӧ дзикӧдз лёшмуніс да виччысис кулӧм. Иона шуаліс: «Бурджык меным кувны олӧм дорысь».

Матвей 27:5

Иуда шыбитіс сьӧмсӧ крамас, сэсся петіс сэтысь, муніс да джагӧдчис.

Восьтӧм 9:6

Сійӧ лунъясӧ йӧзыс кутасны корсьны кулӧмсӧ, но оз аддзыны, кӧсъясны кувны, но кулӧмыс пышъяс на дінысь.