Иов 36:7 - Коми Библия 2023

⁷ Веськыда олысьяс вылысь Сійӧ синсӧ оз вештыв, пуксьӧдӧ найӧс юравны ӧксыяскӧд, вылӧ кыпӧдӧ найӧс пыр кежлӧ.

Иов 36:7 Iomraidhean Croise

Олӧм 23:6

«Кывзы миянӧс, ыджыдӧй. Енмыс пуктӧма тэнӧ ӧксыӧ миян пӧвстӧ. Босьт миянлысь медбур дзебанінсӧ. Быдӧн лэдзас тэныд дзебны гӧтыртӧ аслас дзебанінӧ».

Олӧм 41:40

Тэ лоан менам керка вылын ыджыднас, тэнсьыд кутас кывзысьны менам войтырӧй. Но юралан пуклӧсыс менам, и ме тэысь ыджыдджык.

2 Каднебӧг 16:9

Господьлӧн синмыс аддзӧ ставнас мусӧ. Сійӧ вынсьӧдӧ найӧс, кодъяслӧн сьӧлӧмныс йитчӧма Сыкӧд. Тэ вӧчин мывкыдтӧма, та вӧсна ӧнісянь тэнад муын лоӧны тышъяс».

Эсфир 10:3

Иудей Мардокей вӧлі Артаксеркс ӧксы бӧрся медыджыд морт. Иудейяс пӧвстын Мардокей вӧлі пыдди пуктана да радейтана, ӧд сійӧ кӧсйис сӧмын бурсӧ аслас войтырлы да тӧждысис на вӧсна. [Мардокейлӧн висьталӧм: «Ставыс тайӧ вӧлі Енсянь. Тайӧ лоӧмторъяс йылысь вӧтӧй ставнас иніс, и ме ог вунӧд сійӧс. Ичӧт ва петанін лои юӧн. Вӧлі югыд, вӧлі шонді да уна ва. Юыс вӧлі Эсфир, кодӧс ӧксы босьтіс гӧтырӧ да пуктіс ӧксы-аньӧ. Кык гундырыс – тайӧ ме да Аман. Войтыръяс чукӧртчисны бырӧдны иудейясӧс, но менам Израиль войтырӧй шыасис Ен дінӧ да мездмис. Господь мездіс Ассьыс войтырсӧ, видзис миянӧс став лёксьыс. Енмыс петкӧдліс индысьпасъяс да вӧчис ыджыд шензьӧданаторъяс – татшӧмыс некор эз вӧвлы мукӧд войтыръяс пӧвстын. Енмыс лӧсьӧдіс Аслас войтырлы ӧтитор, мукӧд войтыръяслы – мӧдтор, тадзи Аманлысь пудъясьӧмсӧ бергӧдіс мӧдарӧ. Воис кад инны пудъясьӧмыслы, воис лун мыждыны Енлы войтыръясӧс. Енмыс эз вунӧд Ассьыс войтырсӧ, веськыда вӧчис Аслас бӧрйӧм войтырлы. Та вӧсна быд во нэмъяс чӧж адар тӧлысь дас нёльӧд да дас витӧд лунъясӧ Енлӧн Израиль войтыр мед чукӧртчас Ен водзӧ да гажӧдчас нимкодясьӧмӧн». Птоломейлӧн да Клеопатралӧн нёльӧд ӧксыалан воӧ Досифей да сылӧн Птоломей пиыс вайӧмаӧсь пурим йылысь тайӧ гижӧдсӧ Александрия карӧ. Шуӧны, мый Досифейыс вӧлӧма попӧн да левитӧн. Гижӧдсӧ вуджӧдіс Птоломейлӧн Лисимах пиыс, коді оліс Ерусалимын.]

Иов 1:3

Овмӧсыс вӧлі зэв ыджыд: сизим сюрс ыж-кӧза, куим сюрс верблюд, сюрс доддялан ӧш, витсё энь осёл да зэв уна кесйӧг. Асыввыв муын Иов вӧлі медся нималана мортӧн.

Иов 22:29

Улӧ лэдзӧмаяслы тэ шуан: «Кыпӧдчӧй», Енмыс мездас рамъясӧс.

Иов 31:4

Менсьым туйясӧс ӧмӧй Енмыс оз аддзы, менсьым воськовъясӧс ӧмӧй оз лыддьы?

Иов 4:7

Висьтав, вӧлі-ӧ виӧма мыжтӧмӧс, вӧлі-ӧ бырӧдӧма веськыда олысьӧс.

Иов 42:12

Господь бурсиис Иовлысь бӧръя лунъяссӧ воддза дорсьыс ёнджыка на. Сылӧн вӧлі дас нёль сюрс ыж-кӧза, квайт сюрс верблюд, кык сюрс доддялан ӧш да сюрс энь осёл.

Иов 5:11

увтыртӧмаӧс кыпӧдӧ, шогас вӧйӧмаӧс мездӧ.

Псалтыр 33:16

Господьлӧн синмыс видзӧдӧ веськыда олысьяс вылӧ, Сылӧн пельыс кылӧ налысь горзӧмсӧ,

Псалтыр 33:18

Кор веськыда олысьяс шыасьӧны Господь дінӧ, Сійӧ кылӧ найӧс да мездӧ став налӧн шогсьыс.

Псалтыр 34:15

А кор ме крукасьлі, найӧ ӧтув чукӧртчӧмӧн нимкодясисны. Ӧтвыв сёрнитчӧмӧн найӧ дугдывтӧг лёкӧдісны менӧ, и мыйысь – ог тӧд,

Псалтыр 34:16

пиньнысӧ йирӧмӧн найӧ наяна сералісны ме вылын.

Псалтыр 41:12

Мыйла шогсян да майшасян, менам лолӧй? Лача кут Ен вылӧ! Ме кута на ошкыны Сійӧс, ассьым Енмӧс да Мездысьӧс.

Исай 22:23

Ме вӧча сійӧс зумыдінӧ тувъялӧм кӧрттулӧн, сійӧ нимӧдас батьыслысь рӧдсӧ.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

2 Фессалоникаӧ 3:3

Но Господь эскана, Сійӧ ёнмӧдас тіянӧс да видзас омӧльысь.

1 Петыр 3:12

Ӧд Господьлӧн синмыс видзӧдӧ веськыда олысьяс вылӧ, Сылӧн пельыс кылӧ налысь кевмӧмсӧ, а лёк вӧчысьяслы Господь паныд сувтӧ, медым бырӧдны найӧс му вывсьыс.

Ӧксыяслӧн 1 небӧг 2:8

Коньӧрӧс Сійӧ лэптӧ бус пытшкысь, гӧльӧс перйӧ няйтысь, пуксьӧдӧ найӧс ыджыдалысьяскӧд орччӧн, сетӧ налы нималана пуклӧс. Господь кутӧ мулысь подувсӧ, сы вылӧ пуктӧма муюгыдсӧ.