Иов 35:6 - Коми Библия 2023

⁶ Тэ кӧ мыж вӧчан, тайӧн ӧмӧй тэ Енмыслы паныд вӧчан? Весиг тэнад уна лёк вӧчӧмыд оз вай Сылы лёксӧ.

Иов 35:6 Iomraidhean Croise

Иов 7:20

Ме кӧ мыж вӧчи, Тэныд ӧмӧй паныд вӧчи, морт бӧрся Видзӧдысьӧй? Ме ачым аслым лои сьӧктӧдӧн, а Тэ нӧшта пуктін менӧ Аслыд лыйсян пас пыдди. Мыйла?

Шусьӧгъяс 8:36

Меным паныд мыж вӧчысь аслыс лёксӧ вӧчӧ, менӧ мустӧмтысь кулӧмсӧ радейтӧ».

Шусьӧгъяс 9:12

[Пиӧй!] Тэ кӧ мывкыд морт, тэныд [да матыссаыдлы] таысь бур, мывкыдлунсӧ кӧ омӧльтан, ачыд сьӧкыдсӧ нуан. [Ылӧдчысьлӧн сёрниыс – тӧв пӧльыштӧм кодь, лэбач бӧрся вӧтлысьӧм кодь, ӧд сійӧ эновтӧ виноград йӧрӧ нуӧдан туйсӧ, вошӧ да ассьыс видз-мусӧ оз аддзы. Сійӧ ватӧм овтӧминті ветлӧ, косьмӧм муяс вуджӧ, абутӧмторсӧ чукӧртӧ.]

Еремей 7:19

Но Менӧ ӧмӧй найӧ дӧзмӧдӧны? – висьталӧ Господь. – Найӧ асьнысӧ дӧзмӧдӧны, ӧд налы юръяндзим лоӧ.