Иов 35:5 - Коми Библия 2023

⁵ Лэпты синтӧ енэжланьыс да видзӧдлы, аддзан, кымӧръясыс тэысь ёна вылынӧсь.

Иов 35:5 Iomraidhean Croise

Олӧм 15:5

Господь петкӧдіс Ӧврамӧс ывлаӧ да шуис: «Видзӧдлы енэжас да лыддьы кодзувъяссӧ, верман кӧ. Та мында жӧ лоас тэсянь чужысьыс».

Ӧксыяслӧн 3 небӧг 8:27

Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.

Иов 11:7

Верман-ӧ тӧдӧмлуннад аддзыны Енсӧ, верман-ӧ тырвыйӧ шымыртны Ставсӧвермысьӧс?

Иов 11:8

Сійӧ енэжъясысь на вылын – тэ он вермы судзӧдчыны Сыӧдз, Сійӧ пыдӧстӧминысь на джуджыд – тэ он вермы тӧдмавны Сійӧс.

Иов 22:12

Енмыс ӧмӧй абу енэжсьыс на вылын? Видзӧдлы кодзувъяс вылӧ, кутшӧм найӧ ылынӧсь.

Иов 35:4

Ме вочавидза тэныд, тшӧтш тэнад ёртъяслы.

Иов 36:26

Енмыс сэтшӧм ыджыд, ми огӧ вермӧй тӧдмавны Сійӧс, огӧ вермӧй артавны Сылысь вояссӧ.

Иов 37:16

Тӧдан-ӧ, кыдзи ӧшалӧны кымӧръяс, гӧгӧрвоан-ӧ Ставсӧтӧдысьлысь шензьӧданаторъяссӧ?

Исай 55:8

– Тіян мӧвпъясныд абу Менам мӧвпъясӧй, тіян туйясныд абу Менам туйясӧй, – висьталӧ Господь.

Исай 55:9

Кыдзи енэжыс ёна вылын мусьыс, тадзи Менам туйясӧй ёна вылынӧсь тіян туйясысь, Менам мӧвпъясӧй ёна вылынӧсь тіян мӧвпъясысь.

Наум 1:3

Господь дыр терпитӧ, Сылӧн выныс помтӧм-дортӧм, Сійӧ оз коль лёксӧ мыждытӧг. Господь локтӧ тӧвныр да бушков моз, Сылӧн воськовъясысь бус моз кыпӧдчӧны кымӧръяс.

Ӧксыяслӧн 1 небӧг 16:7

Но Господь шуис Самуиллы: «Эн видзӧд сылӧн мичлун вылӧ да сылӧн кузь туша вылӧ. Ме сійӧс эг бӧрйы. Ме ог видзӧд морт моз. Ӧд морт видзӧдӧ чужӧм вылӧ, а Господь видзӧдӧ сьӧлӧмӧ».