Иов 33:9 - Коми Библия 2023

⁹ «Ме сӧстӧм, лёксӧ эг вӧчлы, ме абу мыжа, и мыжсӧ эг вӧчлы.

Иов 33:9 Iomraidhean Croise

Иов 10:14

Тэ видзӧдан ме бӧрся, вӧча-ӧ ме мыжсӧ, Тэ он коль менсьым мыжӧс мыждытӧг.

Иов 10:7

Тэ ӧд тӧдан, мый ме абу мыжа, тӧдан, мый некод оз вермы мездыны менӧ Тэнад киысь.

Иов 11:4

Тэ шуин Енлы, мый сёрнитан веськыда, мый Сы водзын тэ сӧстӧм.

Иов 13:18

Ёрд водзӧ ме вая ассьым могӧс, ме тӧда, мый ме абу мыжа.

Иов 13:23

Уна-ӧ ме сайын лёк вӧчӧмыс да мыжыс? Петкӧдлы меным кывзысьтӧмлунӧс да мыжӧс.

Иов 14:17

Тэ вевттян менсьым став лёк вӧчӧмӧс, дзебан менсьым мыжӧс.

Иов 16:17

Но менам кевмӧмӧй сӧстӧм, менам киӧй некодӧс эз вилы да эз дзескӧдлы.

Иов 17:8

Таысь веськыда олысьӧс шемӧс босьтас, Ентӧг олысь шызьӧдас мыжтӧмӧс.

Иов 17:9

Но веськыда олысь оз кеж аслас туй вылысь, сӧстӧм киа морт вынсялас-зумыдмас.

Иов 23:10

Но Сійӧ тӧдӧ менсьым туйӧс, зарниӧс моз Сійӧ тӧдмалӧ менӧ биӧн.

Иов 29:14

Веськыдлуныс вӧлі меным паськӧмӧн, веськыда мыждӧмыс – кышанӧн да юрвевттьӧдӧн.

Иов 32:1

Та бӧрын куимнан ёртыс дугдісны вензьыны Иовкӧд, ӧд сійӧ лыддис асьсӧ веськыдӧн.

Иов 33:8

Аслам пельӧн ме кывлі тэнсьыд сёрнитӧ, кывлі, мый тэ висьталін. Тэ шуин:

Иов 34:5

Иов шуис, ме пӧ абу мыжа, но Енмыс менӧ оз веськыда мыжды,

Иов 34:6

ме пӧ збыльсӧ висьтала, но менӧ лыддьӧны пӧръясьысьӧн, менам пӧ абу мыжыс, но дойӧй менам оз бурд.

Иов 35:2

– Тэ асьтӧ шуан Ен дорысь веськыдӧн. Чайтан, мый тайӧ веськыд?

Иов 7:21

Мыйла Тэ он прӧстит менсьым мыжӧс, мыйла он вешты менсьым мыжмӧмӧс? Ӧні ме кыз му улӧ вода, Тэ кутан корсьны менӧ, а ме ог нин ло.

Иов 9:17

Тӧвныр моз Сійӧ уськӧдчӧ ме вылӧ, нинӧм абусьыс дойясӧс содтӧ,

Иов 9:21

Ме абу мыжа, но меным ставыс веськодь, меным мустӧм аслам олӧмӧй.

Иов 9:23

Виччысьтӧм бырӧдӧм дырйи Сійӧ сералӧ мыжтӧмлӧн шог вылын.

Иов 9:28

но шогысь полӧмыс оз эновт менӧ, ӧд ме тӧда: Тэ менӧ мыжтӧмӧн он шу.

Еремей 2:35

тэ шуалан: «Ме мыжтӧм, оз су менӧ Енлӧн скӧрлуныс». Но Ме мыжала тэнӧ сыысь, мый шуан, ме пӧ мыжсӧ эг вӧчлы.