Иов 31:9 - Коми Библия 2023

⁹ Менам сьӧлӧмӧй кӧ ыштыліс ань вылӧ, ме кӧ кыйӧдлі матыссалысь гӧтырсӧ сылӧн ӧдзӧс дорас,

Иов 31:9 Iomraidhean Croise

Ӧксыяслӧн 3 небӧг 11:4

асланыс енъяс дорӧ. Пӧрысьладорыс Соломонлӧн сьӧлӧмыс эз вӧв йитчӧма аслас Господь Енкӧд сідзи, кыдзи вӧлі Давид батьыслӧн.

Неемий 13:26

Эз-ӧ на вӧсна Израильлӧн Соломон ӧксы мыжсӧ вӧч? Некутшӧм войтырлӧн эз вӧв Соломон кодь ӧксыыс. Сылӧн Енмыс радейтіс сійӧс, и пуктіс сійӧс ӧксыӧ став Израильлы. Но мукӧд войтырысь босьтӧм гӧтыръясыс кыскисны сійӧс мыжас.

Иов 31:1

Ме кӧрталі йитӧд аслам синкӧд, мый ог кут кыйявны аньяс вылӧ.

Шусьӧгъяс 22:14

Киысь киӧ ветлысь аньлӧн сёрниыс – джуджыд гу, Господь кодӧс ёрас, сійӧ сэтчӧ усяс.

Шусьӧгъяс 6:25

Сьӧлӧмад эн ышты сылӧн мичлуныс вылӧ, [синмыд мед оз корсь сійӧс,] син лапйӧдлӧмнас мед оз тывйышт тэнӧ.

Шусьӧгъяс 6:27

Вермас-ӧ кодкӧ питшӧгас би новлӧдлыны ассьыс паськӧмсӧ соттӧг?

Шусьӧгъяс 7:21

Ань ылӧдліс зонмӧс мелі сёрнинас, кыскис ас дорас небыд кывъяснас.

Еклесиаст 7:26

Ме гӧгӧрвои, мый кулӧм дорысь курыдджык сэтшӧм нывбаба, коді тыв кодь, кодлӧн сьӧлӧмыс – нальк, кодлӧн киясыс – чепъяс. Енлы шогмана морт пышйӧ сыысь, а мыжа мортӧс сійӧ тывйыштӧ.

Еремей 5:8

Найӧ тшӧгӧдӧм вӧвъяс кодьӧсь, на пытшкын ыджыдалӧ лёкколӧм, быдӧн гӧрдлӧ орччӧн олысьлӧн гӧтырыс вылӧ.

Осий 7:4

Ставныс найӧ гозъякост олӧм пежалысьяс, донӧдӧм пач кодьӧсь – пӧжасьысьлы няньлысь кыптӧмсӧ виччысигӧн ломтыны-донӧдны сійӧс оз нин ков.

Левит 20:10

Узяс кӧ кодкӧ мӧдлӧн гӧтыркӧд, найӧ кыкнанныс гозъякост олӧм пежалӧны. Найӧс колӧ вины.

Индӧд 5:21

Эн ышты матыссаыдлӧн гӧтырыс вылӧ, керкаыс да муыс вылӧ, кесйӧгыс да кесйӧг аньыс вылӧ, ӧшкыс да осёлыс вылӧ [сылӧн ыж-мӧскыс вылӧ]. Эн ышты нинӧм вылӧ, мый сылӧн эм”.

Ёрдысьяс 16:5

Ань дінӧ локтісны филистимса юралысьяс да шуисны: «Тэ тӧдмав Самсоныдлысь, кытысь сылӧн ыджыд выныс, и кыдзи сійӧс позьӧ вермыны. Сэсся ми кӧрталам сійӧс, и сійӧ лоас миян киын. Таысь ми быдӧн сетам тэныд сюрс сё сикель эзысь».