Иов 31:34 - Коми Библия 2023

³⁴ сэки эськӧ ме тіралі йӧз чукӧрын, полі ас войтырлӧн увтыртӧмысь, ме эськӧ чӧв олі да керкаысь эг петавлы.

Иов 31:34 Iomraidhean Croise

2 Каднебӧг 32:18

Сеннахиримлӧн йӧзыс еврей кыв вылын гораа горзісны тайӧ кывъяссӧ карса стен вылӧ чукӧртчӧм ерусалимса войтырлы, медым повзьӧдны найӧс да босьтны карсӧ.

Неемий 13:28

Эльяшив аркирейлӧн Йоад нима пиыслӧн ӧти пи вӧлі хоронса войтырысь Санваллатлӧн зять. Ме сійӧс вӧтлі син водзысь.

Неемий 5:7

Мӧвпалӧм бӧрын ме чорыда сёрниті нималана йӧзкӧд да веськӧдлысьяскӧд. Ме шуи налы: «Сетӧм уджйӧзнытӧ ті содтӧдӧн босьтанныд асланыд вокъяслысь». Ме чукӧрті войтырӧс, медым на водзын мыжавны нималана йӧзӧс да веськӧдлысьясӧс.

Эсфир 4:11

«Ставныс, кодъяс кесъялӧны ӧксылы, да став войтырыс, кодъяс олӧны сылӧн муын, тӧдӧны, мый быдӧнӧс, айуловӧс и аньӧс, коді кортӧг пырас ӧксы дінӧ пытшкӧс йӧрас, виччысьӧ кулӧм. Но ӧксы кӧ нюжӧдас пырысьлань зарни бедьсӧ, сійӧ ловйӧн коляс. А менӧ ӧксы комын лун нин эз корлы ас дінас».

Эсфир 4:14

Тэ кӧ ӧні пондан чӧв овны, отсӧгыс да мездмӧмыс иудейяслы воас мӧдласянь. А тэнӧ да тэнад батьлысь рӧдсӧ бырӧдасны. Гашкӧ, дзик тайӧ кадыс вӧсна тэ и лоин ӧксы гӧтырӧн».

Иов 22:8

Вынаяс моз тэ ыджыдалін аслад му вылын, вылӧ кыпӧдчӧмӧн олін сэні.

Иов 34:19

Сійӧ оз сулав юралысьяс дор, озырӧс оз пукты гӧль дорысь вылӧджык, ӧд ставныс найӧ – Сылӧн вӧчӧмторъяс.

Петӧм 23:2

Унджыкыс моз лёк уджъяс эн вӧч. Ёрд водзын сёрнит веськыда, а эн сувт унджыкыс дор.

Петӧм 32:27

Мӧисей шуис налы: «Господь, Израильлӧн Ен, тадзи висьталӧ: ”Вӧнялӧй косканыд ассьыныд шыпуртнытӧ, мунӧй чомъяс сулаланінӧд помсянь помӧдзыс да виӧй быдӧнӧс, кодкӧд паныдасянныд, весиг вокнытӧ, ёртнытӧ да матыссанытӧ”».

Шусьӧгъяс 29:25

Йӧзысь полӧм – лэчкӧ шедӧм кодь, а Господь вылӧ лача кутысь повтӧг олӧ.

Еремей 38:16

Седекей ӧксы гусьӧн кыв сетіс Еремейлы: «Ловъя Господь водзын, коді сетіс миянлы олӧм, ме кыв сета, мый ог лэдз тэнӧ вины, ог сет тэнӧ налы, кодъяс кӧсйӧны босьтны тэнсьыд олӧмтӧ».

Еремей 38:19

Седекей ӧксы шуис Еремейлы: «Ме пола иудаса йӧзысь, кодъяс вуджисны калдеяса тышкайӧз дор. Калдеяса тышкайӧз кӧ сетасны менӧ налӧн киӧ, найӧ косявласны менӧ».

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

2 Коринфӧ 5:16

Ӧнісянь ми некодӧс огӧ донъялӧй морт видзӧдлас серти. Водзын кӧ Кристосӧс донъялім морт видзӧдлас серти, ӧні огӧ.