26 зэрлы сетіс индӧдъяс, чард-гымлы урчитіс туй,
сэки Сійӧ аддзис мывкыдлунсӧ да донъяліс сійӧс, тӧдмаліс мывкыдлунсӧ да вынсьӧдіс сійӧс.
Енмыс сэтшӧм ыджыд, ми огӧ вермӧй тӧдмавны Сійӧс, огӧ вермӧй артавны Сылысь вояссӧ.
Сійӧ чукӧртӧ ва войтъяс, сэсся зэрӧн кисьтӧ,
Коді вермас гӧгӧрвоны, кыдзи Сійӧ ӧшлӧ кымӧръяссӧ? Коді вермас гӧгӧрвоны Енлӧн оланінсянь гымыштӧмсӧ?
Сылӧн киын чардбиыс, тшӧктӧ лыйны, кытчӧ колӧ.
Сійӧ тыртӧ кымӧрӧс ваӧн, Сылӧн чардбиыс сявкйӧ кымӧрсянь.
Кывзӧй, кывзӧй Енлысь гӧлӧс шысӧ, Сылӧн вомысь петӧ гымалӧм.
Гым шыыс разалӧ енэж пасьтала, чардбиыс югнитӧ му помӧдзыс.
Чардыштӧм бӧрын гораа гымыштӧ, Енмыс лэдзӧ Ассьыс ён гӧлӧссӧ, оз сувтӧд чардалӧмсӧ.
Лымлы Сійӧ шуӧ: «Усь му вылас», зэрлы тшӧктӧ войтасьны, и тшӧктӧ чорыда зэрны.
Коді писькӧдӧ зэрлы туйсӧ, восьтӧ гымньӧвлы ордымсӧ,
медым киськавны эновтӧм му, овтӧмин, кӧні морт оз тыдав,
медым юктавны кушин, быдтыны сэні веж турун?
Сійӧ вӧчис ыджыд югзьӧданторъяс, Сылӧн буралӧмыс оз помасьлы.
Ошкӧй Сійӧс, би и шер, лым и ру, ошкы, Сылӧн тшӧктӧм серти пӧльтысь ыджыд тӧвныр!
Ме вӧлі Господькӧд, кор Сійӧ паніс уджсӧ, кор Сылӧн вӧчӧмторъясыс эз на вӧвны.
Мукӧд войтыръяслӧн идолъясыс ӧмӧй вермасны мӧдӧдны зэр? Енэжыс ӧмӧй вермас ачыс кисьтны сувтса зэр? Господьӧй, миян Енмӧй, он ӧмӧй зэрсӧ Тэ мӧдӧд? Тэ вылӧ ми лача кутам, ӧд ставсӧ тайӧс Тэ вӧчан!
Ме зэрсӧ тіянлы эг сет, кор вундан кадӧдз вӧлі куим тӧлысь на. Ӧти кар вылӧ кисьті зэрсӧ, а мӧд кар вылӧ – эг. Кӧнкӧ зэрліс, а кӧнкӧ зэртӧмысла муыс косьмис.
Корӧй Господьлысь тувсовъя зэр, кор сійӧ вермӧ лоны. Господь кыпӧдӧ сьӧд кымӧръяс, кисьтӧ му вылӧ сувтса зэр, сетӧ быдӧнлы мувыв быдтас.
