Иов 28:18 - Коми Библия 2023

¹⁸ Коралл да крусталь йылысь и сёрнитнысӧ нинӧм, мывкыдлунсӧ шедӧдӧмыд дона изъясысь на бурджык.

Иов 28:18 Iomraidhean Croise

Шусьӧгъяс 20:15

Эм зарни, эмӧсь дона изъяс, но медся донаыс – мывкыд сёрни.

Шусьӧгъяс 3:13

Шуда сійӧ, коді аддзӧ мывкыдлунсӧ, майбыр сійӧ, коді вежӧрсялӧ.

Шусьӧгъяс 3:15

Дона изъясысь сійӧ донаджык, некутшӧм кӧсйӧмтор он ӧткодяв сыкӧд. [Лёкыс оз вермы сылы паныд сувтны, сійӧс тӧдӧны сы дінӧ матыстчысьяс.]

Шусьӧгъяс 31:10

Бур гӧтыртӧ аддзыны абу кокньыд! Став дона изйысь на сійӧ дона.

Шусьӧгъяс 8:11

мывкыдлуныс ӧд дона изйысь на бурджык, некутшӧм кӧсйӧмтор оз позь ӧткодявны сыкӧд.

Бӧрданкыв 4:7

Сионса юралысьяс лымйысь на сӧстӧмӧсь, йӧлысь на еджыдӧсь вӧліны. Налӧн кучикыс вӧлі коралл рӧма, найӧ дзирдалісны сапфир моз.

Езекиль 27:16

Арамейяс ньӧбасьлісны тэнсьыд, ӧд тэнад вӧлі уна вузӧс. Найӧ мынтысьлісны карбункулӧн, пемыдгӧрд да серлӧдлӧм дӧраясӧн, вӧсни шабді дӧраӧн, кораллӧн да рубинӧн.

Матвей 7:6

Вежасӧ энӧ сетӧй понъяслы да донаторнытӧ энӧ коялӧй порсьяслы. Вӧчанныд кӧ тадзи, понъяс уськӧдчасны да косявласны тіянӧс, а порсьяс ставсӧ таляласны».

1 Тимофейлы 2:9

Кӧсъя, медым аньяс пасьтасисны лючки-бура, мичмӧдісны асьнысӧ рамлунӧн да вежавидзӧмӧн, а эз юрсинысӧ баситӧмӧн, зарни-жемчуг ӧшлӧмӧн да дона паськӧмӧн.

Восьтӧм 17:4

Аньыс вӧлі пасьтасьӧма пемыдгӧрд рӧма да чим гӧрд рӧма паськӧмӧ. Сы вылын югъялісны зарниысь, дона изъясысь да жемчугысь мичмӧданторъяс. Киас сійӧ кутіс зарни доз, коді вӧлі тырӧма сылӧн кырсалӧмысь зывӧкнас да пежнас.

Восьтӧм 18:12

Оз босьтны налысь зарнисӧ, эзысьсӧ, дона изъяс да жемчугъяс, шабді да шӧвк дӧраяс, пемыдгӧрд да чим гӧрд рӧма дӧраяс и чӧскыд дука пуяс. Оз босьтны налысь слӧн лыысь, дона пуысь, ыргӧнысь, кӧртысь да мраморысь вӧчӧмторъяс.

Восьтӧм 21:21

Дас кыкнан дзиръясӧ вӧлі вӧчӧма дас кык жемчугысь, быд дзиръя – ӧти жемчугысь. Карыслӧн паськыд туйыс вӧлі сӧстӧм зарниысь, сійӧ югъяліс стеклӧ моз.