Иов 20:19 - Коми Библия 2023

¹⁹ Ӧд сійӧ гӧльясӧс дзескӧдліс да ӧтдортліс, мырддявліс керкаяс, мый эз лэптывлы.

Иов 20:19 Iomraidhean Croise

Ӧксыяслӧн 3 небӧг 21:19

Висьтав Ахавлы, мый Господь тадзи висьталӧ: тэ мортӧс виин, а ӧні сылысь овмӧссӧ аслыд босьтан. Нӧшта висьтав сылы, мый Господь тадзи висьталӧ: кӧні понъяс нюлісны Навотлысь вирсӧ, сэні найӧ пондасны нювны и тэнсьыд виртӧ».

Иов 18:15

Лёк вӧчысьлӧн керкаӧ овмӧдчасны мукӧдъяс, сылысь оланінсӧ кояласны тэгйӧн.

Иов 22:6

Вокъяслы уджйӧзӧн сетӧмсьыд тэ босьтлін налысь коланаторсӧ, гӧльяслысь пӧрччӧдлін бӧръя паськӧмсӧ.

Иов 35:9

Йӧзыс ойзӧны дзескӧдӧмысь, горзӧны вынаяслӧн нартитӧмысь.

Псалтыр 12:5

медым менӧ мустӧмтысь эз вермы менӧ, медым менӧ дзескӧдысь эз нимкодясь, кор ме уся.

Псалтыр 12:6

Тэнад буралӧмыд вылӧ ме лача кута, нимкодяся, мый Тэ мездан менӧ. Кута сьылӧмӧн ошкыны Господьӧс меным бурсӧ вӧчӧмысь. [Кута сьывны Медвылысса Господьлӧн нимыслы.]

Шусьӧгъяс 14:31

Коді дзескӧдӧ коньӧрӧс – омӧльтӧ сійӧс Вӧчысьӧс, коді бурӧ пуктӧ Енсӧ – отсалӧ гӧльяслы.

Еклесиаст 4:1

Ме видзӧдлі быдпӧлӧс дзескӧдӧм вылӧ, мый вӧчсьӧ шонді улас: дзескӧдӧмаяс бӧрдӧны – найӧс бурӧдысьыс абу, найӧ дзескӧдысьлӧн вына киынӧсь, а бурӧдысьыс абу.

Еклесиаст 5:8

Канмулы бур, кор ӧксыыс тӧждысьӧ аслас му вӧсна.

Бӧрданкыв 3:34

Кор став му пасьтала нартитӧмаясӧс талялӧны кок улын,

Езекиль 22:29

Войтырыс ӧта-мӧдсӧ дзескӧдӧ, ӧта-мӧдныслысь мырддялӧ, гӧльӧс да коньӧрӧс топӧдӧ, йӧз муысь локтысьясӧс нартитӧ.

Амос 5:11

Ті дзескӧданныд гӧльясӧс, босьтанныд налысь няньсӧ. Та вӧсна лоас тадзи: ті лэптанныд керкаяс кералӧм ыджыд изъясысь, но сэтчӧ онӧ овмӧдчӧй, ті пуктанныд бур виноград йӧръяс, но сэтчӧс вотӧсысь пычкӧм винасӧ онӧ юӧй.

Амос 5:12

Ме тӧда, кутшӧм уна тіян лёк вӧчӧмныд, тӧда, кутшӧм уна тіян мыжъясныд. Веськыда олысьӧс ті дзескӧданныд, козинъяс босьтанныд, ёрд вылын коньӧрӧс мыжтӧгыс мыжданныд.

Микей 2:2

Ковмас кӧ налы му – мырддясны, ковмас кӧ керка – босьтасны. Найӧ дзескӧдӧны мортӧс да сылысь гортсаяссӧ, куштӧны керка-овмӧссӧ.

Микей 2:9

Менам войтырлысь аньяссӧ ті вӧтланныд гортсьыныс, налысь ныв-писӧ Меысь пыр кежлӧ торйӧданныд.

Индӧд 28:33

Тӧдтӧм войтыр кутас сёйны тэнсьыд мувыв быдтас-вотӧстӧ, сёяс ставсӧ, мый чукӧртін. Став олӧм чӧжныд ті лоанныд дзескӧдӧм да нартитӧм улынӧсь.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

Яков 2:6

Но ті увтыртанныд гӧльясӧс. Оз ӧмӧй озыръяс дзескӧдны тіянӧс да кыскыны тіянӧс ёрдӧ?

Яков 5:4

Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.