14 Матыссаяс эновтісны менӧ, тӧдсаяс вунӧдісны менӧ.
Но медыджыд вина кисьталысь вунӧдіс Ӧсипӧс.
Сійӧ кадас Ахитофел дінӧ шыасьлісны Ен дінӧ моз, ӧд Ахитофеллӧн быд шуӧм-вӧзйӧм вӧлі Енсянь шуӧм кодь. Тадзи вӧлі Давидлы, тадзи лои тшӧтш Авессаломлы.
Менам керкаӧ волысьяс оз кӧсйыны тӧдны менӧ, аслам кесйӧг аньяслы ме лои бокысаӧн.
Менам ёртъясӧй зывӧктӧны менӧ, муса йӧзӧй бергӧдчисны меысь.
Иов дінӧ локтісны сылӧн чой-вокыс да важ тӧдсаясыс. Найӧ ӧтлаын сёйисны-юисны Иов ордын, бурӧдісны-ышӧдісны сійӧс став сьӧкыд нуӧмсьыс, мый сылы вӧлі ыстӧма Господь. Быдӧн козьналіс Иовлы зарни чунькытш да эзысь.
Господьӧй, дугды менӧ дойдавны, Тэнад нӧйтӧмысь ме куланвыйын.
Гӧль мортыд кевмӧ-корӧ, озырыд чорыда вочавидзӧ.
Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».
Войнас сійӧ ырзӧмӧн бӧрдӧ, синваыс чужӧмбанӧдыс тюрӧ. Сійӧс бурӧдысьыс абу, весиг на пӧвстын, кодъяслы сійӧ вӧлі муса. Ёртъясыс пӧрйӧдлісны сійӧс, кутісны мустӧмтны.
Вокыс воксӧ сетас вины, батьыс – писӧ. Ныв-пиыс сувтасны бать-мамыслы паныд да виасны найӧс.
Ме ог висьтав ставныд йылысь, ӧд Ассьым бӧрйӧмаясӧс Ме тӧда. Но гижӧма: ”Мекӧд сёйысьыс сувтас Меным паныд”. Тайӧ кывъясыслы колӧ инны.
