Иов 16:15 - Коми Библия 2023

¹⁵ Ме вури аслым шогалан паськӧм, чужӧмбанӧн ляскыси му бердас.

Иов 16:15 Iomraidhean Croise

Олӧм 37:34

Яков косяліс паськӧмсӧ да гартыштіс коскас чорыд дӧра. Уна лун чӧж сійӧ бӧрдіс пиыс вӧсна.

Ӧксыяслӧн 3 небӧг 21:27

Иллялысь кывъяссӧ кылӧм бӧрын Ахав [раммӧдчис Господь водзын да бӧрдӧмӧн ветлӧдліс,] косяліс ассьыс паськӧмсӧ, пасьталіс шогалан паськӧм да пондіс видзавны. Ахав ветлӧдліс юрсӧ ӧшӧдӧмӧн, весиг узьліс шогалан паськӧмнас.

Иов 19:9

Сійӧ вештіс ме дінысь пыдди пуктӧмӧс, пӧрччӧдіс юр вылысь юркытшӧс.

Иов 30:19

шыбитіс менӧ сёй лятиӧ, ме лои бус да пӧим кодь.

Псалтыр 7:5

мынтысьлі-ӧ ме лёкӧн сылы, коді оліс мекӧд лӧня? Ме ӧд мездывлі весиг сійӧс, коді нинӧм абусьыс менӧ мустӧмтліс.

Псалтыр 75:10

кор Енмыс сувтӧ мыждыны, медым мездыны мувывса став увтыртӧмасӧ.

Псалтыр 75:5

Енмӧй, Тэ дзирдалан югыда, нэмӧвӧйся керӧсъясысь Тэ ёна ыджыд.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Бӧрданкыв 3:29

мед чужӧмсӧ муӧдз копыртӧ – гашкӧ, сюрас на лача.

Ӧксыяслӧн 1 небӧг 2:1

Анна ошкӧмӧн кевмысис: – Господь гажӧдіс менсьым сьӧлӧмӧс, Сійӧ вылӧ кыпӧдіс менсьым юрӧс. Ме серала менӧ мустӧмтысьяс вылын, ме нимкодяся, ӧд Господь мездіс менӧ.

Ӧксыяслӧн 1 небӧг 2:10

Господь бырӧдас Сылы паныд кыпӧдчысьясӧс, енэжсянь гымыштас на вылӧ. [Господь вежа. Мывкыда морт мед оз ошйысь аслас мывкыдлунӧн, вына мед оз ошйысь аслас вынӧн, озыр мед оз ошйысь аслас озырлунӧн. Но ошйысьысь мед ошйысьӧ сыӧн, мый гӧгӧрвоӧ да тӧдӧ Господьӧс.] Господь мыждас муюгыдын олысьясӧс. Сійӧ вынсьӧдас ӧксыӧс, кодӧс бӧрйис, Ассьыс мавтыштӧмаӧс вылӧ кыпӧдас.