Иов 14:1 - Коми Библия 2023

¹ Аньсянь чужысь дженьыд нэма, мортлӧн олӧмыс тырӧма шогӧн.

Иов 14:1 Iomraidhean Croise

Олӧм 3:17

Адамлы Ен шуис: «Тэ вӧсна лоӧ ёрӧма мусӧ, ӧд тэ кывзысин гӧтырыдлысь да сёйин сійӧ пуысь, код йылысь Ме шулі тэныд: ”Эн сёй сэтысь”. Та вӧсна мырсьӧмӧн пондан перйыны кынӧмпӧттӧ нэм чӧжыд.

Олӧм 47:9

Яков вочавидзис: «Сё комын во ме ола-ветлӧдла му вылас. Тайӧ абу на дыр. Менам батьяс дырджык на олісны. А менам олан лунъясӧй дженьыдӧсь да шогӧн тырӧмаӧсь».

Ӧксыяслӧн 4 небӧг 4:19

Батьыслы бӧрдӧмӧн висьталіс, менам пӧ юрӧй ёна висьӧ. Батьыс тшӧктіс кесйӧгыслы нуны писӧ мамыс дінӧ.

Иов 10:20

Менам олан лунъясӧй регыд помасясны. Вешйы ме дінысь, коль менӧ! Пемыдас, сап пемыдас менам мунтӧдз сет меным здук-мӧд нимкодясьыштны, ӧд сійӧ мусьыс ме бӧрсӧ ог нин лок.

Иов 15:14

Вермас-ӧ морт лоны сӧстӧмӧн, аньсянь чужысь – веськыда олысьӧн?

Иов 25:4

Вермас-ӧ морт лоны Ен водзын веськыдӧн, вермас-ӧ аньсянь чужысь лоны сӧстӧмӧн?

Иов 25:5

Ен син водзын весиг тӧлысьыс абу югыд, енэжвыв кодзувъяс абу сӧстӧмӧсь.

Иов 5:7

Кыдзи бикиньлы шуӧма кайны вывлань, тадзи мортлы шуӧма чужны, мед шогсьыны.

Иов 7:1

Мортлӧн олӧмыс му вылын – сьӧкыда уджалӧм, сылӧн олан лунъясыс – медалӧм мортлӧн кодьӧсь.

Иов 7:6

Лунъясӧй котӧртӧны кысян сусаысь ӧдйӧ, найӧ помасьӧны лачатӧг.

Иов 8:9

Ми ӧд тӧрытъя чужысьяс, нинӧм огӧ тӧдӧй, му вылас миян олан лунъясным вуджӧр кодьӧсь.

Иов 9:25

Менам олан лунъясӧй юӧр нуысь моз котӧртӧны, лэбӧны, бурсӧ оз аддзыны,

Псалтыр 39:5

Шуда сійӧ мортыс, коді лача кутӧ Господь вылӧ, а оз шыась вылӧ кыпӧдчысьяс да ылӧгас кежысьяс дінӧ.

Псалтыр 39:6

Господьӧй, менам Енмӧй, Тэ вӧчин уна шензьӧданатор, Тэ дугдывтӧг мӧвпалан миян йылысь. Кодӧс позяс ӧткодявны Тэкӧд? Ме эськӧ кӧсйи висьтавны Тэнад уджъясыд йылысь, но весиг лыддьӧдлынысӧ ог вермы найӧс.

Псалтыр 51:5

Бурыс дорысь тэ ёнджыка радейтан лёксӧ, збыльыс дорысь ёнджыка радейтан ылӧгсӧ.

Еклесиаст 2:17

Ме мустӧмті олӧмӧс, ӧд меным зывӧк лои ставыс, мый вӧчсьӧ шонді улас. Ставыс весьшӧрӧ, тӧв бӧрся вӧтлысьӧм кодь.

Еклесиаст 2:23

Став сылӧн олӧмыс – шогсьӧм, сылӧн уджыс – мырсьӧм-пессьӧм, весиг войнас сьӧлӧмыс майшасьӧ. И тайӧ, вӧлӧмакӧ, весьшӧрӧ.

Еремей 20:18

Мыйла ме петі мам кынӧмысь? Сы могысь ӧмӧй, медым аддзыны мырсьӧм да шог, медым олан лунъясӧй помасисны яналӧмӧн?

Матвей 11:11

Веськыда висьтала тіянлы: му вылын чужысьясысь эз вӧвлы Пыртысь Иоанысь ыджыдджыкыс, но Енэжвыв Юраланінын медічӧтыс сы дорысь ыджыдджык.