Йоиль 2:8 - Коми Библия 2023

⁸ Ӧта-мӧдсӧ оз тойлавны, быдӧн кутӧ ассьыс нырвизьсӧ. Найӧ котӧртӧны ёсь шыяслы паныд, найӧс нинӧм оз сувтӧд.

Йоиль 2:8 Iomraidhean Croise

2 Каднебӧг 23:10

Ӧксыӧс видзӧм могысь Иодай сувтӧдіс тышкайӧзӧс крам ортсыас веськыдладор стенсянь шуйгаладор стенӧдз да висьпуктанін водзӧ. Быдӧн вӧлі дась тышкасьны.

2 Каднебӧг 32:5

Езекей повтӧг босьтчис уджӧ. Сійӧ выльысь кыпӧдіс жугалӧм карса стен, сувтӧдіс стен вылӧ башняяс, карса стен ортсыладорас кыпӧдіс мӧд стен. Сійӧ зумыдмӧдіс Милло, Давид карлысь юкӧнсӧ. Сійӧ вӧчӧдіс уна сайӧд да шы.

Неемий 4:17

кор найӧ лэптісны стенсӧ. Сьӧкыдтор новлӧдлысьяс ӧти кинас удж вӧчисны, мӧд киас шы кутісны.

Неемий 4:23

Ачым ме, менам вокъяс, кесйӧгъяс да кар видзысьяс, кодъяс вӧліны мекӧд, – ставным ми узьлім паськӧмӧн. Быдӧнлӧн ки уланым вӧлі шыпурт да ва доз.

Иов 33:18

видзны сійӧс кулӧмысь, сылысь олӧмсӧ – шыпуртысь.

Иов 36:12

Оз кӧ кывзыны, шыпуртысь моз куласны, тӧдӧмлунтӧг вуджасны мӧдаръюгыдас.

Шусьӧгъяс 30:27

Саранчалӧн ӧксыыс абу, но найӧ чукӧрӧн-чукӧрӧн кыпӧдчӧны.

Сьылан 4:13

Тэ – сад йӧр, кӧні быдмӧны гранат, чӧскыд вотӧса пуяс, хна да нард,

Исай 5:27

На пиысь некод оз мудз, оз крукась, некод оз унмовсь, оз вугырт. Налӧн косканыс тасмаыс оз личав, кӧмкот кӧвйыс некодлӧн оз ор.

Йоиль 2:7

Найӧ котӧртӧны тышкайӧз моз, вермасьысьяс моз кавшасьӧны карса стен вылӧ. Быдӧн мунӧ аслас нырвизьӧд, оз кеж аслас туйысь.

Йоиль 2:9

Найӧ уськӧдчӧны кар вылӧ, кавшасьӧны карса стен вылӧ, гусясьысь моз ӧшиньӧд пырӧны керкаясӧ.