Иоан 9:24 - Коми Библия 2023

²⁴ Сэсся мӧдысь корисны сійӧ мортсӧ, коді вӧлі синтӧм, да шуисны сылы: «Кӧсйысь Ен водзын, мый збыльсӧ висьталан. Ми тӧдам: тэнӧ Бурдӧдысьыс – мыжа морт».

Иоан 9:24 Iomraidhean Croise

Ездра 10:11

Ӧні висьтасьӧй асланыд мыж вӧчӧмысь Господь водзын, батьясныдлӧн Ен водзын. Сылӧн кӧсйӧм серти торйӧдчӧй мукӧд войтыръясысь да налӧн аньясысь».

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Марк 15:27

Сыкӧд орччӧн тувъялісны кык лёк вӧчысьӧс: ӧтисӧ веськыдладорас, мӧдсӧ шуйгаладорас.

Лука 15:2

Фарисейяс да Индӧдӧ велӧдысьяс шуасисны: «Сійӧ мыжаяскӧд ветлӧдлӧ да накӧд ӧтлаын сёйӧ!»

Лука 19:7

Тайӧс аддзылысьяс шуасисны, мыжа морт ордӧ пӧ муніс.

Лука 7:39

Исусӧс корысь фарисей аддзис тайӧс да мӧвпыштіс: «Вӧлі кӧ тайӧ Мортыс пророк, тӧдіс эськӧ, мыйсяма ань инмӧдчӧ Сы дінӧ. Тайӧ аньыс ӧд мыжа».

Иоан 14:30

Ог нин уна сёрнит тіянкӧд, ӧд тайӧ муюгыдас ыджыдалысьыс локтӧ нин. Ме вылын сійӧ ыджыдавны оз вермы.

Иоан 16:2

Тіянӧс вӧтласны синагогаысь. Весиг воас сэтшӧм кад, кор тіянӧс виысьяс кутасны чайтны, мый татшӧм ногӧн найӧ кесъялӧны Енмыслы.

Иоан 18:30

Найӧ вочавидзисны: «Эз кӧ вӧв Сійӧ лёк вӧчысь, ми эськӧ эгӧ вайӧдӧй Сійӧс тэ дінӧ».

Иоан 19:6

Исусӧс аддзигӧн аркирейяс да крам видзысьяс горӧдісны: «Тувъяв! Тувъяв Сійӧс!» Пилат шуис налы: «Ті асьныд босьтӧй да тувъялӧй Сійӧс. Ме некутшӧм мыж Сылысь ог аддзы».

Иоан 5:23

медым став йӧзыс бурӧ пуктісны Писӧ Батьсӧ моз. Коді оз бурӧ пукты Писӧ, сійӧ оз бурӧ пукты и Батьсӧ, коді мӧдӧдіс Писӧ.

Иоан 8:46

Коді тіян пиысь вермас мыждыны Менӧ лёк вӧчӧмысь? Ме кӧ збыльсӧ висьтала, мыйла онӧ эскӧй Меным?

Иоан 8:49

Исус вочавидзис: «Ме пытшкын пеж лолыс абу. Ме бурӧ пукта Ассьым Батьӧс, а ті Менӧ омӧльтанныд.

Иоан 9:16

Сэки фарисейяс пӧвстысь кодсюрӧ шуисны: «Тайӧ Бурдӧдысьыс абу Енсянь, ӧд Сійӧ торкӧ тшӧктӧмсӧ – уджалӧ шойччан лунӧ». Мукӧдыс сёрнитісны: «Вермас ӧмӧй мыжа морт вӧчны татшӧм шензьӧданаторъяссӧ?» Тадзи лыбис на костын вен.

Иоан 9:25

Сійӧ вочавидзис: «Мыжа-ӧ Сійӧ, ме ог тӧд. Но ӧтитор тӧда: ме вӧлі синтӧм, а ӧні аддза».

Римӧ 8:3

Ен вӧчис сійӧ, мый эз вӧв вермана Индӧдыслы, ӧд мортлӧн тшыкӧм вир-яй вӧсна Индӧдыс вӧлі вынтӧм. Миян мыжъяс вӧсна Енмыс мӧдӧдіс Ассьыс Писӧ мыжа морт кодьӧн. Тадзи морт вир-яйын Сійӧ мыждіс мортлысь мыжсӧ,

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Нав Исус 7:19

Исус шуис Аканлы: «Пыдди пукты Израильлысь Господь Енсӧ да висьтась Сы водзын аслад мыжысь. Висьтав меным, мый тэ вӧчин, нинӧм эн дзеб».

Восьтӧм 11:13

Дзик пыр муыс кутіс ёна вӧрны, и карыслӧн дасӧд юкӧныс киссис. Му вӧригас куліс сизим сюрс морт, а мукӧдыс ёна повзисны да кутісны ошкыны енэжвывса Енмӧс.